Better Call Saul [S04 : E05] Sinhala Subtitles | ඊළඟ බලාපොරොත්තුව! [සිංහල උපසිරැසි සමඟ]

හොඳයි එහෙනම් මේ හතරවෙනි කතා මාලාවේ පස්වෙනි කොටස තමයි ඔයාට දෙන්න හදන්නේ. මේ කතාව නම් වෙලා තියෙන්නේ “Quite a Ride” කියලයි. 2018 සැප්තැම්බර් 03 වෙනිදා සුපුරුදු විදිහටම ඇමරිකාව තුල AMC රූපවාහිනී නාලිකාවෙනුත්, ඇමරිකාවෙන් පිට Netflix හරහාත්ල විකාශය වෙලා තියෙනවා.

ඉතින් පසුගිය කොටසින් මොකද වුනේ කියලා මතක් කරගෙන ඉමු.

කතාව පටන් ගන්නකොටම අතීත කතාවක් අලලාගෙන තමයි පටන් ගන්නේ. ඉතින් මේකෙදී මයික් තරුණ කාලේදී කොන්ක්‍රීට් එකක් දානවා. ඒකේ තමන්ගේ පුතා වෙන මැටීගේ නම ලියන්න ඉඩදෙනවා. මයික් තමන්ගේ පුතාගැන ස්ටේසිත් එක්ක කණ්ඩායමේ අයත් එක්ක කතා කරනවා දකින්න ලැබෙනවා. ඒක ඉවරයක් වෙන්නේ “ඔයාලට මම කතා කරනවට ඕන වුනානේ, මම කතා කරා” කියලයි.

දැන් හැරෙමු ප්‍රධාන කතාව පැත්තට.

ජිමීට ෆෝන් ෂොප් එකක ෂිෆ්ට් මැනේජර් තනතුරක් හම්බවෙනවා. එයා මුලින්ම ඒක ඒක ප්‍රතික්ෂේප කරනවා. ඒත් කිම් ජිමීට චිකිත්සකවරයෙක්ව හම්බවෙන්න කියපුවාම ජිමී කරන්නේ ආපහු ඒ රස්සාව බාරගන්න එකයි. ඉතින් මේ කඩේ වැඩිපුර සෙනග ගැවසෙන තැනක් නෙමෙයි. මේ නිසාම ජිමීට කම්මැලියි මේ කඩේට වෙලා ඉන්න. මේ අතරතුර ඉරා ජිමීව හම්බවෙලා හොරකම් කරපු හම්මෙල් ප්‍රතිමාවේ ජිමීගේ කොටස ජිමීට ලබාදෙනවා. ඒ වගේම ඉස්සරහට තව වැඩ තිබ්බොත් ඉරාට කියන්න කියලත් ජිමීට කියනවා.

කිම් මෙසා වෙර්ඩා එකේ වැඩ කරන එක අතෑරලා දාලා මුලු දවසක්ම මුන්සින්ගර් විනිසුරුවරයාගේ උසාවියට වෙලා කාලය ගතකරනවා. විවේක කාලය අතරතුර විනිසුරුවරයා කිම්ව ඔහුගේ කාර්යාලයට කැදවනවා. එතනදී ආපහු සැරයක් තමන්ගේ උසාවියේදී කිම්ව දැක්කොත් බැරෑරුම් වැඩක් පවරනවා කියලා කිම්ට අනතුරු අගවනවා. මුන්සින්ගර් ආපහු සැරයක් උසාවියට යනකොට ඔහුට ආපහු කිම් ඉස්සරහාට වෙලා ඉදගෙන ඉන්නවා දැකගන්න ලැබෙනවා.

නාචො සහ ආටුරෝටා එල්ල කරපු බොරු ප්‍රහාරය වහන් කරන එකේ කොටසක් විදිහට වික්ටර් සලමන්කාගේ කුඩු වලින් කොටසක් ඔවුන්ගේ ප්‍රතිවාදීන් වන එස්පිනෝසාට විකුණනවා. නාචෝ ඔවුන් ගැන තොරතුරු දුන්නට පස්සේ සලමන්කාගේ ඥාති සහෝදරයෝ දෙන්නා එස්පිනෝසාස්ගේ තිප්පොල වටලනවා. ඒ වගේම කල්ලියේ ගොඩක් දෙනෙක්ව මරළා දාලා ආපහු ඒ කුඩු තොගය අරගන්නවා. මේ කුඩු ආපහු ලබාගන්නවත් එක්කම පොලිසියෙන් බේරෙන්න ඕන නිසා සහෝදරයන් දෙන්නා ආපහු මෙක්සිකෝවට පලා යනවා. ගස් මේක සැලසුම් කරලා තියෙනවා කියලා නාචෝ දැනගන්නවා. මේ නිසාම ගස්ට දැන් කිසිම ගැටළුවකින් තොරවම එස්පිනෝසා රජ කරපු පැත්තෙත් තමන්ගේ කුඩු බෙදාහරින්න පුලුවන්කම ලැබෙනවා. නාචෝ තුවාලත් එක්ක හොරෙන්ම ගෙදර ගිහින් ඉන්නවා. මේ අතර නාචෝගේ තාත්තා එනවා. තාත්තා එලියට යන්න කියලා හොදටම බැන්නත් තුවාල දැකලා නාචෝට ගෙදර ඉන්න කියනවා.

මේ අතරතුර ඇනීටා එක්ක මයික් දවල් ආහාර වේලක් අරගන්නවා. ඒ අතරතුර මයික් කියනවා එයාලගේ කණ්ඩායමේ තවත් සාමාජිකයෙක් වෙන හෙන්රි තමන්ගේ අතීතය ගැන බොරු කියනවා කියලයි. ඒ වගේම හෙන්රිගේ බිරිඳ මැරුණා කියලා කියන්නෙත් බොරුකියලා මයික් මෙතනදී ඇනීටාට කියනවා. ඊළඟ රැස්වීමේදී මයික්ට අමුතු හැගීමක් ඇතිවෙනවා. ඒකට හේතුව වෙන්නේ ස්ටේසි එතනදී කියනවා මැට් ගැන හිතන්නේ නැතුව එයාට දවසකට වැඩි කාලයක් ගත කරන්න පුලුවන් කියලා. මේ නිසාම තරහා යන මයික් හෙන්රිට එයා කරන බොරුව ගැන කට්ටිය ඉස්සරහාම කතා කරනවා. මේ බොරුව හැමෝම දැනගත්තට පස්සේ හෙන්රි කිසිම දෙයක් නොකියා කාමරයෙන් එලියට යන්න යනවා. මයික් පස්සේ ඇනීටාට, ස්ටේසිට සහ අනිත් සහභාගිවෙච්ච අයට හෙන්රි කියපු බොරු වලින් එයාලට ඇත්ත මොකක්ද කියලා තේරුම්ගන්න බැරිවුනේ මොකද කියන හේතුව පැහැදිලි කරලා දෙනවා. කතාවේ මුල ඉදන්ම තිබුන දර්ශනය මේක කියලා මෙතනදී අනාවරණය වෙනවා.

මැඩ්රිගල් වල තවත් පරීක්ෂා කිරීමකින් පස්සේ මයික් ගස්ව හම්බවෙන්න යනවා. ගස් තරහින් ඉන්නේ නාචෝ හෙක්ටර්ව මරණ්න අදහස් කරගෙන ඉන්න එක මයික් එයාට කියපු නැති නිසා. ඒත් මයික් මෙතනදී මතුකරන කාරණය වෙන්නේ තමන් පොරොන්දු වුනේ තමන් විහින් හෙක්ටර්ව මරණ්නේ නැහැ කියලා විතරයි කියන එක. ඊටපස්සේ මයික් ගස්ගෙන් අහනවා තමන්ගෙන් කෙරෙන්න ඕන වැඩේ මොකක්ද කියලා කියන්න කියලා.

ඉතින් අද කොටස ඔතන ඉදන්. එහෙනම් අනිත් කොටසින් හමුවෙමු ඉක්මනටම. ජයවේවා…!

 

 

 

 

 

 

Due to copyright issues, we do not provide any torrent link.

මෙම ලබා දී ඇති උපසිරැසිය WEB පිටපත් සඳහා අදාළ වේ.

8,194 downloadsDownload Better-Call-Saul-S04-E05.zip25 KB

මේ ලබා දී ඇති සිංහල උපසිරැසි පිළිබද “චලිදු දේශන් (කිනා)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

PLATINUM MEMBER
JOINING DATE – 2013-06-07
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.