DCs Legends of Tomorrow [S03 : E10] Sinhala Subtitles | භූත දඩයම [සිංහල උපසිරැසි සමඟ]

හොඳයි මේ ගෙන එන්නේ DCs.Legends.of.Tomorrow කතා මාලාවේ තුන්වන සමයේ දහවන කොටසයි.දිගු විරාමයකට පසුව පසුගියදා කතාමාලාවේ විකාශය ආරම්භ වුණා.විරාමය දික් වූ නිසාම කට්ටියට දැන් කතාව අමතක වෙලත් ඇති නේද?එහෙනම් මුලින්ම පසු ගිය කොටස ගැන පොඩ්ඩක් මතක් කර ගනිමු.

පසුගිය සතියෙන්…

නාසිවරුන් හා ඇති වුන සටනින් මාටින් මිය ගිය නිසා හැමෝම ඉතාමත් දුකින් කාලය ගෙවන මොහොතේ කණ්ඩායමට අලුතින් එක්වුණ නාසි ලොවේ ස්නාට් සියල්ලන්ගේම හිත සනසන්න වැඩපිළිවෙලක් ක්‍රියාත්මක කරනවා.එනමුත් වැඩේ හරියට සිද්ධ වන්නේ නම් නෑ.මේ අතර වාරයේ තරුණ මාටින් තම දියණියන්ට බිබෝ බෝනික්කෙක් අරගන්නට ගිය වෙලාවේ සිදුවූ යම් දෙයක් නිසාවෙන් ඔහුව වයිකින් යුගයට ඇදිලා යනවා.මාටින් සතු බිබෝ යනු දෙවියෙක් යැයි සලකන වයිකින්වරු ඒ බෝනික්කාට ගරු සැලකිලි දැක්වීම හේතුවෙන් වර්තමානයට බලපෑමක් එල්ල වෙන්න පටන් ගන්නේ ඇමෙරිකාව ද වයිකින්වරුන්ගේ යටතට ලක්වීමෙන් හා නත්තල නමින් දිනයක් නැති කරමිනුයි.මේ පිළිබඳව සොයා බලන ලෙජන්ඩ්වරුන් එයට පිළියම් කිරීමට යෑමේ දී මාටින්ව මුණ ගැසෙනවා.අනතුරුව කෙසේ හෝ මාටින්ව ගලාවාගෙන සැලසුම් දියත් කරනුයේ බිබෝ බෝනික්කා පැහැර ගැනීමටයි.පැහැර ගැනීමේ කාර්ය සිද්ධ වෙන අතර තුර එය හසු වීමෙන් සටනක් සිද්ධ වෙද්දී ඩේමියන් හා නෝරා ඩාර්ක් එතනට පහර දෙන්නේ වයිකින්වරුන්ගේ දෙවි කෙනෙකුන් වන ඔඩින් ලෙස පෙනී සිටිමිනුයි.ඩේමියන් එසේ නොමැතිනම් ඔඩින් හමුවේ දණ නමන වයිකින්වරුන්ගෙන් බිබෝ බෝනික්කා පැහැරගෙන පලා යෑමට ලෙජන්ඩ්වරුන් සමත් වෙනවා.නමුත් ප්‍රශ්නය එසේමයි.තම එක් සගයෙක් අහිමි කරගැනීමෙන් පසු තවකෙක් අහිමි කරගැනීමට බිය වන සාරා සියල්ලනට යානයෙන් යන්න යයි පවසන්නේ තමන් තනිව ඩේමියන් හා සටන් කිරීමට සැලසුම් කරනා බව පවසමිනුයි.එනමුත් තම කැප්ටන් අත් නොහැර යන පිරිස එක්ව ඩේමියන් හා සටන් කරන අතර තුර නෝරාට ප්‍රහාරයක් එල්ල වෙනවා.මෙයින් කැළඹෙන ඩේමියන් ඇය සමග පලා යෑමට සැරසුනමුත් සාරා ඔහුව ග්‍රහණය කරගත් නිසා ඇය වෙනත් ලොවක් කරා ඇදීයනවා.එනම් මලස් වෙත ඇදීයනවා.සාරාව අමතන මලස් නොදුරේම ඇය තමන්ගේ වන බවට පවසන අතර ඒවා පැමිණ සාරාව ඒ ලොවින් ගලවා ගන්නවා.කාලෝචිත නොවූ දේ සැකසීමෙන් අනතුරුව කෙසේවත් මාටින් බේරාගත නොහැකියැයි සලකන ජැක්ස් යානයෙන් පිටව යෑමට අවසර ඉල්ලා සිටිනවා.අවසර ලත් ඔහුව සියල්ලන්ට සමු දීමෙන් අනතුරුව සාරා විසින් එලියට රැගෙන ගොස් නැවත යානයට පැමිණෙන විට ඇයට මුණ ගැසෙන්නේ පැරණි මිතුරෙක් වන ජෝන් කොන්ස්ටන්ටීනුයි.යක්ෂයන් සම්බන්ධ වැඩවල ප්‍රවීනයෙක් වන ජෝන් සමග මලස් දඩයම ආරම්භ කරමින් මේ කොටස නිමාව දුටුවා.

මේ සතියෙන්…

කොන්ස්ටන්ටින් සමග පිරිස මලස් නමැති යක්ෂයා අල්වා ගැනීමට සැරසෙන්නේ මලස් ආවේශ වන කුඩා දැරිය භාවිත කරමින්.එනමුත් ඇය ලේසි පහසු කෙනෙක් නොවන අතරම සියල්ලන්ගේම සතුරෙකුත් වන කෙනෙක්.මේ නිසා මලස් අල්වා ගන්න ගොස් ඇතැමෙක් කාලය තුල සිර වීමක් සිද්ධ වෙනවා.ඒ අතර වාරයේ කුආසා ද සටනට පැමිණෙනවා.එසේනම් මේ ප්‍රශ්න විසඳාගෙන මලස් අල්වා ගන්නට කොන්ස්ටන්ටින් ඇතුළු පිරිස සමත් වේවි ද? කුආසා සමග සටන කෙසේනම් වේවිද? කතාව බලන ඔබට බාරයි ඒ ගැටළු විසඳා ගැනීමට.

එසේනම් සමුගන්නයි මේ සුදානම.අඩුපාඩු විමසා බලා පහලින් කොමෙන්ටුවක් දාන්න කියලා මතක් කරන ගමන් ලබන සතියේ හමුවෙන තුරු හමුටම ජය ශ්‍රී …

 

 

 

Due to copyright issues, we do not provide any torrent links.

මෙම ලබා දී ඇති උපසිරසිය HDTV පිටපත්  සඳහා අදාළ වේ.

6,939 downloadsDownload DCs-Legends-of-Tomorrow-S03E10.zip31 KB

https://d36zzuvfojr38z.cloudfront.net/wp_content/uploads/2012/10/Normal-.jpg මේ ලබා දී ඇති සිංහල උපසිරැසි පිළිබද “අනුරුද්ධ(ලියෝ)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

SILVER MEMBER
JOINING DATE – 2015-04-22
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.