Egypt [E – 02] | ටුටන්කාමුන් ශාපය…! [සිංහල උපසිරැසි සමඟ]

ඔන්න එහෙනම් මම අපේ බයිස්කෝප් අඩවියේ හිත මිතුරන් එක්කාසු වෙලා කරන තවත් වැඩකට දායකත්වය ලබා දුන්නා, කලින් සදහන් කරාපු විදියටම අද අපේ විබ් පලට තවත් සුවිශේෂී දවසක්. අදින් අපේ ලිපි දෙදහස සම්පූර්ණ වෙනව. පොතේගුරා සහ ඔහුගේ සහායක ගෝලයා විසින් මේ අඩවිය ආරම්බ කලේ බයිස්කෝප්පට ගැන දැනුවත් කිරීම මූලිකවම අරමුනු කරගෙනනෙ. ඒ නිසාම අපි කවදාවත්ම නැගපු ඉනිමගට පයින්ගහන්නෙ නෑ අපි හැම ලිපි සැමරුමක්ම මේ විදියට කරනව. ඒ වගේම කුමක් හෝ ඉතාමත් වැඩදායී සත්කාර්යක් කරනව. ඔයාලට මතක ඇතිනෙ අපේ ලිපි දහසෙ සැමරුමට අපි ලෝකෙන් වැඩිම ප්‍රේක්ෂක මනාප හිමිවූ සිනමාපට 250 එහෙම නැත්තම් “Imdb Top 250” ට සිංහල උපසිරසි සැපයීමට පටන් ගත්තා, ඉතින් අපි ඒ වගේම අද කරන්න හදන්නෙ ලෝකප්‍රකට බීබීසී නාලිකාවෙන් විකාශනය කෙරුනු ටෙලි කතා මාලාවක් පැය දෙකෙන් දෙකට එක කොටස බැගින් එකම දවසේ ලබා දීමයි. ඇත්තටම මේක වින්දනයෙන් ඔබ්බට ගිය වැඩක්. දැනුම් පිපාසවෙන් දිවයන ලෝකයක අපි ඔබට අද මේ තිළින කරන දේ ඉතාම වැඩදායී දෙයක්. මේ දේ කවදාවත්ම අහක යන එකක් නම් නෑ. එහෙමනම් ඉතින් කියෙව්වා ඇති වගේ, අරන් ආපු දේ ගැන කතා කරමු.

මේකෙ පලමුවෙනි කොටස අපේ හසා හිමිදිරි උදේන්ම දුන්නනෙ ඔයාලට. දෙවැන්න එහෙනම් මගේ ගානෙ..පලමු කොටසින් ඔයාලට අරන් ආවෙ මේ සොහොන්ඝරය හොයාගන්න විදිය සහ කැනීම් කරන විදිය, මේකෙන් කියන්නෙ ඊට පස්සෙ වෙන දේවල්. ටූටන්කාමන් කිවුවහම හැන කෙනෙක්ම දන්නවනෙ ඉතින්, 1922දි තමා මේ ටූටන්කාමන් පාරාවෝ රජුගේ නූතන ලෝකයට පැමිනීම සිදුවුනේ. එයා මිසරයේ උන්නු පාරාවෝ වරුන්ගෙන් ප්‍රසිද්දම කෙනෙක්, මිසරයයි පිරමීඩයි ඇරුනහම එයාල එක්ක බැදුනු අනිත් දේ තමයි “ශාපය”. ඒ සාප ඇත්තක්ද බොරුවක්ද කියලනම් හරියටම දන්නෙ නෑ, සමහර විට මේක ගැන සිංහල උපසිරසි සමගින් ඔයාලට අරන් ආව කියල ටූටන්කාමන්ගේ ශාපය අපේ ගෙදරටත් ඒවිද කියන්ටත් බෑ ඉතින් 😉

කොහොම උනත් මේ ටූටන් කාමන් කියන්නෙ අපූරු රහස් ගොඩක් ලෝකෙට හෙලිකරාපු කෙනෙක්. එයා තරුණ අවදියෙදිම අභිරහස් විදියට මියගිහින් තියෙනව. ඉතින් සමහර ඉතිහාසඥයින් කියන විදියට මේක කුමන්ත්‍රණයක ප්‍රතිපලයක් කියලත්, කොහොම උනත් මෙයා මියගියාම මෙයාගෙ නම ඉතිහාසයෙන් වියැකිලා යන විදියට තමයි ඊලගට පත් වෙච්ච පාරාවෝ රජු කටයුතු කරල තියෙන්නෙ. ඒ වගේම තමයි මෙයාගෙ මෘතශරීරය භූමිදාන කරල තියෙන්නෙත් අනිත් පාරාවරුන්ට වඩා බොහොම නොසැලකිලිමත් ආකරයට. ටූටන්කාමන්ගෙ මමිය හොයාගත්තෙ වෙනත් පාරාවෝ වරුන්ගෙ වගේ පිරමීඩ වල තිබිල නෙමේ, නිකම් හුදකලා නිම්නයක ගල් ගොඩක් අස්සෙ හදපු සොහොන්ඝරයක තිබිලයි ඒ වගම තමයි මෙයාගෙ සොහොන්ඝරය අනාවරනය කරපු හොවාඩ් කාටර් කියන පුරාවිදඥතුමා කවදාවත්ම දැනන් හිටියෙ නෑ එයා මේ හොයාගත්තෙ ඉතිහාසෙන් මකල දැම්ම්ත් අද වෙනකොට ලෝකෙ ඉන්න ජනප්‍රියතම පාරාවෝගෙ මමිය කියල. මේ අග්‍රගන්‍ය සොයාගැනීම කරපු එතුමා ඉතාම අඩු සැලකිලි සහිතව තමා අවසන් ගමන් ගියෙත් දෛවයේ සරදම් තමා ඉතින් ඒව. වැඩි විස්තර අද මම අරන් ආපු මේ කොටසෙ අන්තර්ගතයි. නාට්‍යානුසාරයෙන් බොහොම ආසහිතෙන විදියට මේ දේ ලෝකයට අරන් ගිහින් තියෙනව. කම්මැලි කමක් නැතුව බලන්න පුලුවන් එකක් මේක. එහෙනම් යාළුවනේ ඔයාලට වාසනාවන්ත ජීවිතයක් පතමින් මම ලිපිය අවසන් කරන්නම්. නැවත හමුවෙමු එහෙනම්.චිරං ජයතු බයිස්කෝප්!

 

 

 

We do not provide any torrent links

මෙම ලබා දී ඇති උපසිරසිය HDTV පිටපත් සඳහා ලබා දි ඇත

2,032 downloadsDownload Egypt-E02.zip31 KB

https://d36zzuvfojr38z.cloudfront.net/wp_content/uploads/2013/05/vima.jpg මේ ලබා දී ඇති සිංහල උපසිරැසි පිළිබද “ශාන් විමුක්ති [වීමා]” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

<< Previous Episode                                                                                Next Episode >>