Elementary [S01 : E19] Sinhala Subtitles | සුපිරි සැලසුම [සිංහල උපසිරැසි සමඟ]

ඔන්න යාළුවනේ එලිමෙන්ටරි කතා මාලාවේ 19 වෙනි කොටසත් සිංහල උපසිරැසි යොදලා ඔයාලට අරගෙන ආවා. මෙවර කොටස පටන් ගන්නේ ෂර්ලොක්ගෙ ගෙදරට අමුත්තෙක්ගේ පැමිණිමකින්. අමුත්තෙක් කිව්වට ඇත්තටම එයා අමුත්තියක්. ඇය තම පෙම්වතා සමග වූ ආරවුලක් නිසයි ෂර්ලොක්ගෙ නිවසට පැමිණෙන්නේ. හැබැයි ඇය සාමාන්‍ය කෙනෙක්නම් නෙවෙයි. පෞරාණික ග්‍රීක භාෂාව පිළිබඳ විශේෂඥවරියක්. ඒ අතරේ නිව්යෝක් නගරයට දරුණු හිම කුණාටු තත්වයක් ඇති වෙමින් පවතිනවා. හිම කුණාටුව පැමිණෙමින් තිබෙන අතරේ උදේ පාන්දර නිව්යෝක් නගරයේ වෙලඳ සංකීර්ණයක් තුලට නාඳුනන පිරිසක් සූක්ෂම ලෙස ඇතුලු වී එහි සිටි ආරක්ෂකයාව ඝාතනය කර අළුතින් වෙලඳපොලට පැමිණිමට නියමිත ජංගම දුරකථන තොගයක් හොරකම් කරනවා. මේ සම්බන්ධයෙන් විමර්ෂණය කරන්න පැවරෙන්නේ සුපුරුදු පරිදි ෂර්ලොක් හෝම්ස්ටයි.

කුණාටු තත්වය නිසා නගරයේ විදුලි බලය බිඳ වැටිලා. ඒ වගේම දුරකථන සේවා ආදියත් ක්‍රියාත්මක වෙන්නෙ නැහැ. කොහොම හරි මේ සම්බන්ධයෙන් විමර්ෂණය කරගෙන යන ෂර්ලොක්ට හොයා ගන්න ලැබෙනවා මේ හොරු කණ්ඩායමේ ඉලක්කය වෙලා තිබුනේ අර ජංගම දුරකථන තොගය නෙවෙයි කියලා. ඒ වගේම මේ හොරු කල්ලිය මේ වගේ කුණාටු අවස්ථාවකදි මෙසේ හොරකම සිදු කරන්නේ සැලසුම් සහගතවයි කියලා. ඒත් ඒ ගැන ෂර්ලොක්ට පොලිසියට දැනුම් දෙන්න කිසිම විදිහක් නෑ. හිම කුණාටුව නිසා සියළුම සන්නිවේදන පහසුකම් බිඳ වැටිලා. ඉතින් ප්‍රධාන හොරකම විය හැකි තැන ලෙස අනුමාන කරන ස්ථානයට ෂර්ලොක් හෝම්ස් ජෝන් වොට්සන්වත් එක්කරගෙන යනවා.

ඉතින් යාළුවනේ.. ෂර්ලොක්ගෙ ගෙදරට එන අමුත්තා කවුද? මේ මිනීමරු හොර කල්ලියේ ඇත්තම ඉලක්කය වෙන්නෙ මොකක්ද? ඒක ෂර්ලොක් හෝම්ස් හොයාගන්නෙ කොහොමද? ඒක හොයා ගන්න එක ෂර්ලොක් හිතපු තරම් ලේසි වේවිද? අන්තිමේදි මේ ගැටළුව විසඳන්න ෂර්ලොක් මොන වගේ උපක්‍රමයක් යොදාගනීවිද කියලා කතාව බලලම දැනගන්න යාළුවනේ. ඊලඟ සිකුරාදට නැවත 20 වෙනි කොටස සමගින් හමුවෙමු. හැමෝටම ජයවේවා!!

 

 

Due to copyright issues, we do not provide any torrent link.

මෙම ලබා දී ඇති උපසිරැසි HDTV පිටපත් සඳහා අදාළ වේ.

3,565 downloadsDownload Elementary.S01E19.zip171 KB

https://d36zzuvfojr38z.cloudfront.net/wp_content/uploads/2012/10/දිනිඳු-සම්පත්.jpg මේ ලබා දී ඇති සිංහල උපසිරැසි පිළිබද “දිනිඳු සම්පත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
SILVER MEMBER
JOINING DATE – 2012/06/14