Elementary [S01 : E20] Sinhala Subtitles | අවමාන තර්ජන [සිංහල උපසිරැසි සමඟ]

ඔන්න යාළුවනේ එලිමෙන්ටරි කතා මාලාවේ 20වෙනි කොටසත් සුපුරුදු පරිදි සිංහල උපසිරැසි යොදලා ඔයාලා වෙනුවෙන් අරගෙන ආවා. මෙවර කතාවෙදි ෂර්ලොක් හෝම්ස්ට පැවරෙන්නේ අවමාන තර්ජන හෙවත් බ්ලැක්මේල් කාරයෙක් සහ ඒ බ්ලැක් මේල් කාරයගේ සහකාරයා ගැන හොයන්නයි. ඊවා නැමති තරුණ ගැහැනු ලමයෙක් ව්‍යාජ හැදුනුම්පතක් භාවිතයෙන් සමාජ ශාලාවකට යනවා. එහිදි ඇයට හමුවන ග්‍රාවි නැමති පුද්ගලයෙක් ඇගේ බීම එකට යම් ද්‍රව්‍යයක් එකතු කරලා ඇයව තමන්ගෙ ගෙදරට ගෙනිහින් දූෂණයට ලක් කරනවා. මේ සම්බන්ධයෙන් ඊවා ඇගේ දෙමව්පියන් සමග පොලිසියේ පිහිට පතනවා. එහිදී ග්‍රාවි අතින් දූෂණයට ලක් උන තවත් තරුණ ගැහැනු ළමයින් දෙදෙනෙක්ද ග්‍රාවිට විරුද්ධව ඉදිරිපත් වෙනවා. තමන්ගෙ වරද පිලිගන්නා ග්‍රාවිට සිර දඬුවම් ලැබෙනවා.

සිද්ධිය එතනින් අවසානයි කියලා හිතුවත් ඒක එතනින් අවසන් වෙන්නෙ නැහැ. ටික කාලෙකට පස්සේ ඊව් ගෙ පියාට එදා රෑ ඊව් ට සිදු වූ සිද්ධිය පටිගත කල DVD තැටියක් සහ ලිපියක් තැපෑලෙන් ලැබෙනවා. එම ලිපියේ සඳහන් ගිණුම් අංකයකට ඩොලර් 10,000 ක් තැන්පත් කරන ලෙසත්, එසේ නොකලොත් එම DVD තැටිය අන්තර්ජාලයට හා මාධ්‍ය වලට නිතුක් කරන බවත්, ඒ සම්බන්ධයෙන් පොලිසියට නොයන ලෙසත් සඳහන් වෙනවා. ඊව් ගෙ පියා මේ සම්බන්ධයෙන් කාටවත් නොකියම ලිපියේ තිබුන උපදෙස් වලට අනුව ක්‍රියා කරනවා. හැබැයි කප්පම් ගැනීම එතනින් නවතින්නෙ නැහැ. ඔහුට අවසානයේ ඔහුගෙ මිතුරෙක් මගින් ෂර්ලොක්ගෙ සහය ලබා ගැනීමට හැකි වෙනවා.

ගිණුම් අංකය පිළිබඳ විස්තර හොයාගන්නා ෂර්ලොක්ට අදාල අවමාන තර්ජන කාරයගෙ ගෙදර හොයා ගන්න ලැබෙනවා. ඒ පුද්ගලයට හොරෙන් ඔහුගෙ නිවසට ඇතුල් වෙන ෂර්ලොක්ට ඒ පුද්ගලයගෙ ලැප්ටොප් පරිගණකයේ තිබුන ඒ හා සමාන වීඩියෝ දුසිම් ගණනක් සොයා ගන්න ලැබෙනවා. එහෙම ඉන්න අතරේ අර අවමාන තර්ජන කාරයා නැවතත් තම නිවසට පැමිණෙනවා. එබැවින් පිටුපස දොරෙන් එලියට යන්න හදන ෂර්ලොක්ට පිටුපස දොරෙනුත් යම් පුද්ගලයෙක් ඇතුල් වෙන බව වැටහෙනවා. එහිදි ෂර්ලොක්ට කරන්න වෙන දෙයක් නැති නිසා ඔහු සුරක්ෂිත තැනක හැංගිලා බලාගෙන ඉන්නවා ඉදිරියට මොනවා වේවිද කියලා. ඒත් එතන සිදු වෙන්නේ කවුරුවත් නොහිතපු දෙයක්. අර අවමාන තර්ජන කාරයව, පිටුපස දොරෙන් ඇතුල් උන පුද්ගලයා වෙඩි තබා ඝාතනය කරනවා.

ඉතින් යාළුවනේ. අවමාන තර්ජන කාරයව ඝාතනය කරන්නෙ කවුද? ඒ ඇයි? ෂර්ලොක්ට ඔහුව හඳුනාගන්න පුළුවන් වේවිද? අවමාන තර්ජන කාරයා ඝාතනයට ලක් වූ බව ඔහුගෙ සහායකයා දැන ගනීවිද? එහෙම දැනගත්තොත් අර DVD තැටි ටික අන්තර්ජාලයට හා මාධ්‍යය වලට නිකුත් වේවිද? නැත්නම් ඊට කලින් ෂර්ලොක්ට ඒ සහායකයව අල්ලගන්න පුළුවන් වේවිද? නැත්නම් අවමාන තර්ජන කාරයට කිසිම සහායකයෙක් නැද්ද? නැත්නම් සහායකයෝ එක්කෙනෙකුට වඩා වැඩි ප්‍රමාණයක් ඉන්නවද? මේ අභිරහස ෂර්ලොක් හෝම්ස් විසඳන්නේ කොහොමද කියලා කතාව බලලම දැනගන්න.. හැමෝටම ජය වේවා!!!

 

 

Due to copyright issues, we do not provide any torrent link.

මෙම ලබා දී ඇති උපසිරැසි HDTV පිටපත් සඳහා අදාළ වේ.

3,330 downloadsDownload Elementary.S01E20.zip152 KB

https://d36zzuvfojr38z.cloudfront.net/wp_content/uploads/2012/10/දිනිඳු-සම්පත්.jpg මේ ලබා දී ඇති සිංහල උපසිරැසි පිළිබද “දිනිඳු සම්පත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
SILVER MEMBER
JOINING DATE – 2012/06/14