Gotham [S01- E20] with Sinhala Subtitles | ඕගර් දඩයම… [සිංහල උපසිරැසි සමඟ]

ඔන්න එහෙනම් ප්‍රමාදයකින් තොරව 20 වෙනි කොටස අරගෙන ආවා. මේක ඊයෙම ඉරවර කරගන්න පුළුවන් උනත් ඊයේ වෙබ් අඩවියේ තිබ්බ ගැටළුකාරී තත්වය නිසා අද තමයි පල කරන්න පුළුවන් උනේ. ඒ වගේම කලින් කොටසේ ලිපිය ගැන හැමෝටම පුදුම හිතිලා තිබුනා මම දැක්කා. ගිය සතියේදී එහෙම වෙන්න හේතුව උනේ ලිපියක් ලියාගන්න තරම් වත් නිදහස් කාල වෙලාවක් ලැබුනේ නැහැ. උපසිරස අවසන් කරන්න මගේ එක දවසක රාත්‍රී නින්ද කැපකරන්න සිද්ධ උනා. ඉතින් එවෙලේ ලිපියක් ලිව්වා නම් මොනවා ලියයිද කියල හිතා ගන්න බැරි නිසා පළවෙනි වතාවට එක පේලියෙන් ලිපියක් ලියන්න සිද්ධ උනා.

අවුරුදු දෙකකට වඩා වැඩි කාලයක් මේ වෙබ් අඩවියේ හිටපු කෙනෙක් විදිහට මම උපසිරැසි ගන්න අයගෙන් දැකපු එක දෙයක් තමා අපේ අතින් වෙන ප්‍රමාදය ගැන මානුෂික විදිහට බලන්න පුරුදු වෙලා ඉන්නේ බොහොම සුළු පිරිසයි. බහුතරයක් හිතාගෙන ඉන්නේ හඳෙන් හරි උපසිරැසි ගෙනත් දෙන්න ඕනේ කියන මතයේ. ඒ පිරිස දන්නේ නැහැ මේවා හදන්න උපසිරැසි කරුවන් මහන්සි වෙන හැටි සහ එහෙම කරන්නේ එයාල වගේම මිනිස්සු කියලත්. එයාලට ලැබෙන්නේ මොනවගේ ලාභයක්ද කියලත් එයාල දන්නේ නැහැ. මේ ගැන ඉතින් හැමදාම කිව්වත් කවදත් එකම දේ තමයි වෙන්නේ. ඒ වෙනුවට ලැබෙන්නේ කවදාවත් නොලැබෙන කොමෙන්ට්. ඒකෙන් කමක් නැහැ. ඒ නිසා මට යම් තීරණයක් ගන්න ඒක පහසුවක් උනා. ඒ ගැන මේ කතා මාලාව අවසානයේ කියන්නම්කො. අපි දැන් ලංකාවෙන් ගෝතම් වලට යමු.

කලින් කොටස තුලදී මම චරිතයක් හඳුන්වා දෙන්න හිටියත් ඒක කරගන්න උනේ නැහැ. ඒ නිසා ඒ චරිතය සහ තවත් චරිතයක් ගැන අද ලිපිය තුල හඳුන්වා දෙන්නම්.

කලින් කොටස ආරම්භයේදී ගෝතම් වල තත්වය සාරාංශගත කලෝතින්,

ෆිෂ් මූනිට සිද්ධ උනා තවත් හිරගෙදරකට කොටුවෙන්න. ඒ එක්තරා අරුම පුදුම දොස්තර කෙනෙකුගේ හිරකාරියක් වෙන්න. මේ දොස්තර තමයි නමින් ෆ්‍රැන්සිස් ඩුල්මාකර්. එයා මම හඳුන්වා දෙනවා කියපු එක චරිතයක් සහ මේ මනුස්සයා ගැන ඔයාලට මුලින් අහන්න ලැබුන මතකද දන්නේ නැහැ සෙලිනා කයිල්ව සහ තව ළමයි පිරිසක් පැහැරගෙන යනවා එක ගැහැණු කෙනෙක් සහ තව පිරිසක් එකතු වෙලා. එතැනදී ඔයාලට අහන්න ලැබුනා ඩොල් මේකර් හෙවත් බෝනික්කෝ හදන්නා කියන නම. දැන් ඒ චරිතය කවුද ඉන්නේ කොහෙද කරන්නේ මොනවද ඒ හැම දෙයක්ම ෆිෂ් මූනිට අත් විඳින්න ලැබිලා. ඩුල්මාකර් කියන නම ඔහු කරන අරුම පුදුම සැත්කම් නිසා ඩොල් මේකර් බවට පත්වෙලා. මෙයාගේ ජීවිකාව තමයි මිනිස්සු පැහැරගෙන ඇවිත් එයාලගේ ශරීර අවයව ධනවත් පුද්ගලයන්ට බද්ධ කරන එක. කොටින්ම කියනවා නම් ඩොල්මේකර් කියන්නේ අවයව වෙළෙන්දෙක්. ඉතින් මේ මනුස්සය දරුණු වැඩ කලාට ෆිෂ් මූනි කියන්නේ කපටිකමේ ගෞරව උපාධි ගත්තු ගැහැණියෙක්. එයා සිරකරුවෙකු වෙලා ඉඳලා එතන ඉන්න ප්‍රධාන වෛද්‍ය සහයක තනතුර දක්වා ඉහලට එනවා එයාගේ කපටි මොළේට පින්සිද්ධ වෙන්න. එහෙම වෙලා අන්තිමේ ඩොල්මේකර්වත් රවට්ටලා මුහුදෙන් වටවූ ඒ යක්ෂ දූපතෙන් පිටවෙන්න ෆිෂ් මූනි සමත් උනා. ෆිෂ් මූනි කිව්වම ගෝතම් බලන් අයට කියන ඕනේ ඒ චරිතය රඟ පාන නිළිය අපි හැමෝම දන්න තවත් දක්ෂ නළුවනේ දෙදෙනෙක්ට බිරිඳක් සහ මවක් වන කෙනෙක්. සමහරු නම් දන්නවා ඇති එත් මම දැනගත්තේ ලඟකදී. ඒ දෙන්න කවුරුත් නෙමේ විල් ස්මිත් සහ එයාගේ පුත්‍රයා ජේඩන් ස්මිත්. කොටින්ම කියනවා නම් මේ දක්‍ෂ නිළිය විල් ස්මිත්ගේ බිරිඳ.

ජිම් ගෝර්ඩන් ගැන සැලකුවොත් එයා බාබරාගෙන් වෙන් වෙලා දැන් අලුත් පෙම්වතියක් එක්ක ඉන්නේ. එයා තමයි ගෝතම් පොලිසියේ අලුත් වෛද්‍ය නිලධාරියා නමින් ලෙස්ලි තොම්ප්ස්කින්. එයා ගැන මම කලින් හැඳින්වීමක් කලා මතක ඇති. ඒ වගේම 18 වෙනි කොටසේදී ජිම් ගෝතම් පොලිස් කොමසාරිස් වල ලොයිබ් කියන දූෂිත නිලධාරියා පස්සෙන් ගියා එයාගේ වැරදි හොයාගෙන. එතැනදී ජිම් කොහොමහරි ලොයිබ්ව බ්ලැක්මේල් කරලා ගෝතම් පොලිස් සංගම් සභාපති බවට පත් වෙනවා. දැන් මේ දෙන්නා අතරේ තියෙන්නේ ලෝකෙට පෙන්න මිත්‍රත්වයක් එත් ඇතුලෙන් ලොකු වෛරයක්. ඒ වෛරයේ ප්‍රතිපලයක් විදිහට තමයි කලින් කොටසේදී ජිම් ගෝර්ඩන්ට දරුණු මිනිමරුවෙක් පස්සෙන් යන්න සිද්ධ වෙන්නේ. ඒ මිනීමරුවා නමින් ඕගර්. මේ තමයි මම කියපු දෙවන චරිතය සහ කලින් කොටසේදී එයා ගැන ඔයාල දකින්න ඇති. මේ චරිතය කරලියට එන්නේ 1996 පල වූ බැට්මෑන් කොමික් කලාප 535 දී. ගෝතම් රූපවාහිනී කතාවට එනකොට ගොඩක් චරිත වල ඓතිහාසික පසුබිම වෙනස් වෙලා තියෙනවා. ඉතින් අපේ කතාවේදී ඕගර් කියන්නේ උපතින් විකෘති මුහුණක් තිබු අයෙක් සහ පසුකාලීනව මුහුණ වෙනස් කරගෙන කාන්තාවන් රවටාගෙන ඔවුන් මරා දමන මිනිමරුවෙක්. අපිට ඒ ගැන කලින් කොටසේදී දැකගන්න ලැබුනා. අද කොටස ගලා යන්නෙත් ඒ ඔස්සේ. ඒ වගේම ජිම්ගේ හිටපු පෙම්වතිය අලුත් පියවරක් තියනවා අද අවසානයේ. බලමු ඒ ගැන 21 වෙනි කොටසේදී.

ඒ එක්කම ඔයාල දන්නවනේ ප්‍රෙහේලිකාකරුවා හෙවත් නිග්මා ගැන. එයා තමයි රිඩ්ලර් නමින් හැඳින්වෙන චරිතය රඟ දක්වන්නේ. හැම වෙලේම ප්‍රෙහේලිකා එක්ක ජීවත් වෙන මේ පුද්ගලයා මේතාක් කලකට අපිට නරකයි කියල කියන්න තරම් දෙයක් කරලා නැහැ. එත් අද ඔයාලට දැකගන්න පුළුවන් රිඩ්ලර් එයාගේ පලවෙනි අපරාධය සිද්ධ කරන හැටි.

එතකොට අපේ ප්‍රධාන චරිතය වෙන පුංචි බැට්මෑන් කලින් කොටසේදී එයාගේ පලවෙනි අපරාධය කරනවා. එයා නොකලත් ඇත්තටම ඔහු අපරාධ සහයකයෙක්. මතකනේ බෘස්ගේ ගෙදරට ඇල්ෆ්‍රඩ්ගේ මිත්‍රයෙක් ආවා. ඒ ආවේ වෙයින් සමාගමේ අධ්‍යක්ෂක මණ්ඩලයේ අනුදැනුම මත බෘස් මොනවද එයාල ගැන විමර්ශනය කරන්නේ කියල හොයාගෙන එන්න. ඇල්ෆ්‍රඩ්ගේ මිතරයෙක් වන මේ රෙජිනෝල්ඩ් පෙයින් කියන පුද්ගලයා බෘස් නිවසින් ඒ විස්තර සමග පැනලා යන්නේ ඇල්ෆ්‍රඩ්ට පිහි ඇනුමක් සිද්ධ කරලා. දැන් බෘස් තනිවෙලා ඇල්ෆ්‍රඩ්ට තුවාල නිසා තනියම හොයන්න පටන් අරගෙන වෙයින් සමාගමේ කවුද මෙහෙම දෙයක් කරන්නේ කියල. ඒ විමර්ශනයේ තවත් කොටසක් අද කතාවේදී දැකගන්න පුළුවන්.

ඔහොම තමා ගෝතම් වල වර්තමාන තත්වය 20 වෙනි කොටස අවසානයේදී. එහෙනම් ගිහින් එන්නම් හැමෝටම ජයෙන් ජය පතනවා!!!

 

 

” Due to copyright issues, we do not provide any torrent links. “

සියලුම HDTV පිටපත් සඳහා අදාළ වේ.

5,847 downloadsDownload Gotham-S01E20.zip77 KB

https://d36zzuvfojr38z.cloudfront.net/wp_content/uploads/2014/04/හසන්ත.jpg මේ ලබා දී ඇති සිංහල උපසිරැසි පිළිබද “හසන්ත වික්‍රමරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

<< Previous Episode                All Episodes                         Next Episode>>