Homeland [1×8 – Achilles Heel] (18+) | වැරදුණු කුරුමානම…. [සිංහල උපසිරැසි සමඟ]

ඊයේ හත්වෙනි කොටස බැලුව නම් කතාව උඩු යටිකුරු වෙන්න ගත්තා කියලා කියන්න ඕනා නැහැනේ. ඔන්න අද අටවෙනි කොටස. දැන් කතාව එන්න එන්නම උණුසුම් වෙනවා. හොඳයි කලින් වගේම මුලින්ම අපි ඊයේ කොටස පොඩ්ඩක් මතක් කර ගම්මු.

බ්‍රෝඩි හා කැරී දෙන්නා සති අන්තය එකට ගත කරනවා. ඒ කැරීට අයිති පිටිසර බද ග්‍රීෂ්ම කුටියක. බ්‍රෝඩි ගෙදරට කිසිවක් නොපවසා කැරී හා මෙම සතිඅන්තය එකට ගත කරනවා. ඒත් බ්‍රෝඩි කැමතිම තේ වර්ගය කැරී රහස් නිරීක්ෂණ තුළින් දැනගෙන උන්නු නිසා කට වැරදීමකින් බ්‍රෝඩි දැනගන්නවා තමා දිහා CIA සංවිධානය බලන් ඉන්නවා කියලා. ඒ වගේම මේ කැරී එක්ක ගෙවුණු සති අන්තතය තමුන්ව අල්ලා ගැනීමට භාවිතා කරන තවත් එක CIA උපායක් කියලා තේරුම් ගන්නවා. අවසානයේ බ්‍රෝඩි හා කෙළින් කතා කිරීමට කැරීට අවස්ථාව ලැබෙනවා. එතෙනදී බ්‍රෝඩි පිළිගන්නවා අබු නසීර්ව තමුන්ට මුණ ගැහුණ බව වගේම ඔහුගේ බල කිරීම මත තම සහෝදර සෙබළ ටොම් වෝකර්ව ඝාතනය කළ බව.

සවුදි ජාතික ආචාර්යයවරයා මිය ගිය පසු ඇමරිකානු ජාතික කාන්තාව මෙක්සිකෝවට පැන යනවා. ඒත් සෝල් මෙක්සිකෝවේදි ඇයව අත් අඩංගුවට ගෙන ආපහු ඇමරිකාවට ගෙන එනවා. ඒ එන අතර ඇයව තොරතුරු එළි කිරීමට නම්මා ගන්නවා. ඇය පිළිගන්නවා ඇය නිවාසය මිලදී ගත් බව හා එයට එක් තස්ත්‍රවාදියෙක් පැමිණෙන තෙක් සිටීමට පැවසූ බව හා එක දිනෙක ඔහු පැමිණි බව. එසේ පැමිණි ඔහු නිවසේ වහලය මතට ගොස් පැයක් පමණ ගත කළ බව. නිවසේ වහලය මතට ගොඩවී බලන කල ඔවුන් දැනගන්නවා අසල ගුවන් තොටුපලේ ඇමරිකානු ජනාධිපති ගොඩබැසීමට වෙන් කළ ස්ථානය එක එම නිවසට ඉතා හොඳින් දර්ශනය වන බව හා එයට ස්නයිෆර්වරයෙකුට ඉතා හොඳ ඉලක්කයක් බවත්. ඊට පසුව ඇය අඳුනාගන්නවා එම නිවාසය බැලීමට ආ තස්ත්‍රවාදියා බ්‍රෝඩි නොව බ්‍රෝඩි හා එකට සිට අත් අඩංගුවට පත්වී මැරුම් කෑවායයි සැලකූ මැරීන් සෙබළ ටොම් වෝකර් බව.

ඒ බව කැරීට දැනුම් දෙද්දී බ්‍රෝඩිට හා ඇය අතර තිබූ සම්බන්ධය බිඳි අවසානයි. බ්‍රෝඩි එතැනින් ඉවත්ව යනවා. එහෙත් කැරී මෙම සම්බන්ධතාවය බොරුවට නොව සත්‍ය වශයෙන්ම ඇතිකර ගත් නිසා එය කැරීට මහත් මානසික පීඩාවක් වෙනවා.

අද කොටසෙන් අපි බලමු ටොම් වෝකර්ව අල්ලා ගැනීමේ මෙහෙයුම කෙසේ වේවිද, බ්‍රෝඩි හට ලැබෙන්න යන තනතුර මොකක්ද, අනාවරණය වෙන කටුක සත්‍යය කුමක්ද කියලා. හොඳට බලන්න. තව කොටස් හතරයි නිසා එක තත්පරයක්වත් මඟ ඇර ගන්න එපා.

 

 

Due to copyright issues, we do not provide any torrent link.

මෙම ලබා දී ඇති උපසිරැසි HDTV පිටපත් සඳහා අදාළ වේ.

4,047 downloadsDownload HMELND.S1E8.Sinhalasubs.zip83 KB

https://d36zzuvfojr38z.cloudfront.net/wp_content/uploads/2014/08/RoylyFdo.jpg මේ ලබා දී ඇති සිංහල උපසිරැසි පිළිබද “රොයිලි ප්‍රනාන්දු” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
ADMIN MEMBER
JOINING DATE – 2009/03/10