Homeland [1×7 – The Weekend] (18+) | තස්ත්‍රවාදී ඉලක්කය, සත්‍යය හා ඉන්ද්‍රියන් පිනවූ සතිඅන්තය…. [සිංහල උපසිරැසි සමඟ]

සම්මානයට පාත්‍ර වූ හා ගිය අවුරුද්දේ හොඳම රූපවාහිනි කතාමාලාවට හිමි සම්මානය ඇතුළු තවත් Emmy සම්මාන 6 ක් දිනාගත් මේ කථාවේ ඊයේ දීපු හයවෙනි කොටස බලන්න ඇති කියලා හිතනවා. ඔන්න අද හත්වෙනි කොටස. දැන් කතාව එන්න එන්නම උණුසුම් වෙනවා. තව කොටස් පහක් නොවැ තියෙන්නේ. හොඳයි කලින් වගේම මුලින්ම අපි ඊයේ කොටස පොඩ්ඩක් මතක් කර ගම්මු.

ඊයේ කොටසෙදි බ්‍රෝඩී සිරගතව සිටි කාලයේ ඔහුට උන් මුරකරුවා ගේ හදිසි මරණය හා ආචාර්යය වරයාගේ පැනයාම ගැන CIA ආයතනය පොලිග්‍රාෆ් පරීක්ෂණයක් තියන්න සලස්වනවා. ඒ සඳහා ඔහුව ඉස්ලාමාබාද් සිට ගෙන ඒමේ සිට ප්‍රශ්නකිරීම දක්වා සම්බන්ධවූ 11 දෙනෙක් පරීක්ෂා කිරීමට නියමිත වුණා. කැරී බොහොම උද්යෝගයෙන් සිටිනවා මෙම පරීක්ෂණයෙන් බ්‍රෝඩි බොරු කරන බව අල්ල ගන්න හොඳ හැකියාවක් තියෙයි කියලා.

පැනලා යන සවුදි ජාතික ආචාර්යයවරයා හා අනික් ඇමරිකානු ජාතික කාන්තාව මුලින්ම ඔවුන්ට දැනුම් දෙන නිවසට යනවා. ඒත් ඔවුන් දැනගන්නවා ඒක උගුලක් බව. ඊට පසු ඔවුන් දෙදෙනා රාත්‍රි ගත කිරීමට තානායමකට යන අතර එහිදී ආචාර්යයවරයාව නාඳුනන පිරිසක් විසින් ඝාතනය කරනු ලබන අතර කාන්තාව පැන ගන්නවා.

කැරී හේතුවක් සඳහන් නොකර බ්‍රෝඩිට පවසනවා CIA මූලස්ථානයට පැමිණෙන ලෙස. මේ අතර කැරී හා බ්‍රෝඩි ගේ සම්බන්ධතාවය ලිංගික සම්බන්ධතාවයක් දක්වා දුරකට යනවා. කැරී වෙරිමතින් බ්‍රෝඩිට පවසනවා එතෙක් වෙලා රහසක් ලෙස තබාගත් දෙයක්. එනම් එම කැඳවීම කරනු ලබන්නේ පොලිග්‍රාෆ් පරීක්ෂණයක් කිරීමට බවයි. කෙසේ හෝ පසුව දා බ්‍රෝඩි පරීක්ෂණයට සාර්ථකව මුහුණ දෙනවා. ඔහු බ්ලේඩ් තලයක් නොදුන් බවට කරන ප්‍රකාශ්‍ය සත්‍ය එකක් බවට යන්ත්‍රය සඳහන් කරනු ලබනවා. එවිට කැරී විසින් ප්‍රශ්නයක් යොමු කරනවා ඔහු තම බිරිඳට විශ්වාස වන්තද සිටියාද අසමින්. එසේ අසන්නේ කලින් දා ඔවුන් දෙදෙනාගේ ලිංගික සම්බන්ධතාව නිසයි. එයටත් බ්‍රෝඩි ඔව් කියන අතර යන්ත්‍රය එයද සත්‍යක් බව පවසනවා. එවිට ඇය තේරුම් ගන්නවා බ්‍රෝඩි යන්ත්‍රයට බොරු කළ බව. එහෙත් ඒ බව අනික් කිසිවෙකු නොදන්නා නිසා බ්‍රෝඩි ගැන ඇති සැකය සෝල් පවා අයින් කර ගන්නවා. පරීක්ෂණයෙන් පසුව බ්‍රෝඩි කැරීට ආරාධනා කරනවා වාහනයට නගින ලෙස.

අද කොටසෙන් අපි බලමු බ්‍රෝඩි, කැරීව රැගෙන යන්නේ කොහාටද කියලා. ඒ වගේම මේ කොටසෙන් කතාව තනිකර උඩු යටිකුරු කරන දෙයක් එළිවෙනවා. බලන්නකෝ මොකක්ද කියලා.

 

 

Due to copyright issues, we do not provide any torrent link.

මෙම ලබා දී ඇති උපසිරැසි HDTV පිටපත් සඳහා අදාළ වේ.

4,132 downloadsDownload HMELND.S1E7.Sinhalasubs.zip83 KB

https://d36zzuvfojr38z.cloudfront.net/wp_content/uploads/2014/08/RoylyFdo.jpg මේ ලබා දී ඇති සිංහල උපසිරැසි පිළිබද “රොයිලි ප්‍රනාන්දු” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
ADMIN MEMBER
JOINING DATE – 2009/03/10