Homeland [5×02 – The Tradition of Hospitality] | කුයින්ගේ ඊලඟ ඉලක්කය කැරීද?? [සිංහල උපසිරැසි සමඟ]

හොඳයි මෙන්න එහෙනම් දෙවෙනි කොටස ගෙනාවා. කලින් ලිපිය ගැනත් ආසිරි බොහොම දොස් කියල තිබ්බනේ. ලිපියක් ලියන්න ගියානම් ඒ වෙලාවටවත් දෙන්න වෙන්නෙ නෑ. ඒ හින්දයි ඒක ඉක්මනට දුන්නේ. හරි එහෙනම් කලින් කොටස මතක කරගම්මු.

පළවෙනි කොටසෙන් මට මතක් වුණේ පළවෙනි අදියර දෙකේ කතාව ගලාගෙන ගිය හැටියි. හරිම අපූරු විදියට මෙදාපාර කතාව ඒ ආරම්භය ගන්න සූදානම් වගේ. හතරවෙනි අදියරේදී වෙච්ච දේවල් හින්දා කැරී CIA එකෙන් ගිවිසුමක් යටතේ අස්වෙලා ජර්මනියේ තියෙන ඩූරින් කියන අරමුදලක භාරකාරයාගේ ප්‍රධාන ආරක්ෂක නිලධාරියා විදියට සේවය කරනවා. මේ කියන ඩූරින් තීරණය කරනවා සිරියානු දේශසීමාවේ තියෙන සරණාගත කඳවුරක් බලන්න යන්න, එයට තවත් ආධාර ලබාගැනීමේ අරමුණෙන්. ඒකට කැරී කොහෙත්ම කැමති නැති වුණත්, කොහොමහරි ඒ කඳවුරේ සැබෑ පාලනය ගෙනියන හිස්බුල්ලා සංවිධානයෙන් එම ගමනට බාධා නොවෙන බවට සහතිකයක් ලබාගන්නවා. (ඒ සහතිකය ගැන අද බලාගන්න ලැබෙයි. 😉 )

මේ අස්සෙ සුපුරුදු විදියට CIA එක වැඩ අනාගන්නවා. ජර්මානු කාර්යාලයෙන් තස්ත්‍රවාදී වෙබ් අඩවියක් ගැන ඇහැ ගහගෙන ඉන්න කොට, ඒ වෙබ් අඩවියටම පහර දෙන්න ආපු හැකර්ලා දෙන්නෙක්ව දැකලා ඔවුන්ව අඳුනාගන්න හදනවා. හැකරුත් අවස්ථාවෙන් ප්‍රයෝජන අරගෙන CIA ෆයර්වෝල් එකෙන් රිංගල රහස් ලිපි වගයක් බාගත කරගන්නවා. ඊට පස්සෙ ඒවාලින් එකක් යවනවා ඩූරින් පදනමේම කෙනෙක් වෙත ප්‍රසිද්ධ කරන්න. අන්තිමේ ඒකත් ප්‍රසිද්ධ කරපු බවක් තමා පෙනුණේ. මේක ආරංචි වෙන සෝල් (CIA ලොක්කා වෙන්න හැදුවට යුරෝපියානු අංශයේ ප්‍රධානියාගෙන් සෑහීමකට පත් වෙන්න එයාට සිදුවෙලා.) හදිසියේම ජර්මනියට එනවා. ඒ වගේම ජර්මානු නීති හින්දා කරගන්න බැරි දේ CIA එක ලව්වා කරවන එක එළිවෙන බව දකින ජර්මානු රහස් ඔත්තු සේවය ඒක නවත්වන්න තීරණය කරන හින්දා සෝල් අවසාන වශයෙන් තීරණය කරනවා කුයින් ලව්වා ඉලක්ක ඉවරයක් කරලා දාන්න.

දැන් කොහොමහරි කැරී, සෝල් හා කුයින් කියන තුන්දෙනාම දැන් ජර්මනියේ. කැරී ලෙබනන් බලා පිටත් වෙන්නයි ලෑස්තියි. බලමු මේ තුන් කට්ටුව මේ අදියරේ කොහොම හැප්පෙයිද කියලා.

මේ කොටස නම් සුපිරිම සුපිරි කියල කිව්වැහැකි. ඒ වගේම අමතක නොකර ඊලඟ කොටසේ පූර්ව ප්‍රචාරක පට‍යත් නරඹන්න. උද්වේගජනක ඊලඟ කොටස ලබන සතියෙ දෙන බලාපොරොත්තුවෙන් මෙන්න මේ කොටසත් ඔයාලට බලාගන්න ඉඩ දෙනවා. ජය෴෴

අනික ඔය කොහොම වුණත් අපිට පෙන්නන දේ කවදාවත් මේ කතාමාලාවේ හරියටම වෙන දේ නෙවෙයි. කොහෙන් හරි මොකක් හරි රහස් සැලැස්මක් තියෙනවාමයි. 🙂 390

Homeland 5×03 promo

 

 

202 MB කොපිය මෙතනින් බාගන්න

f53ee15b5d1854269e8062acc241f3d8653e9b13

315 MB කොපිය මෙතනින් බාගන්න

0c4fa1a05b20ddeaa64cc742eb264065ccc8b20c Hash tag එක මාර්ගයෙන් ඉතා පහසුවෙන්ම, මෘදුකාංගය හරහා පමණක් ටොරන්ට් එක බාගත කරගන්න උපදෙස් සිංහලෙන්ම මෙතන තියනවා.

2,217 downloadsDownload 201510131730baiscopelk.zip123 KB

 

https://d36zzuvfojr38z.cloudfront.net/wp_content/uploads/2014/08/RoylyFdo.jpg මේ ලබා දී ඇති සිංහල උපසිරැසි පිළිබද “රොයිලි ප්‍රනාන්දු” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

<< Previous Episode                      All Episodes                        Next Episode >>