Marvel Anime: Blade [S01 : E01] Sinhala Subtitles | රුධිර පිපාසිතයන් හඹා යන අඳුරු දඩයක්කාරයා! [සිංහල උපසිරසි]

Marvel Anime: Blade Sinhala Subtitles

Marvel රසිකයෝ හැමෝම ආසාවෙන් බලපු, ඒ වගේම Anime පිස්සෙක් නම් අනිවාර්යයෙන්ම බලන්න ඕනේ සුපිරිම කතා මාලාවක් තමයි Blade (2011) කියන්නේ. සාමාන්‍යයෙන් අපි දකින සුපිරි වීර කතාවලට වඩා මේක ටිකක් අඳුරුයි, දරුණුයි වගේම කුතුහලයෙන් පිරිලා තියෙනවා.

මේක Marvel Entertainment එකයි Madhouse කියන ජපන් සමාගමයි තමයි නිර්මාණය කරලා තියෙන්නේ.

 

Ratings ගැන කිව්වොත්:

IMDb : 6.5/10

 

මොකක්ද මේ කතාව?

තමන්ගේ අම්මව මරාපු, තමන්ව මේ ලෝකෙට “ඩේ-වෝකර් (Daywalker)” කෙනෙක් විදියට ඉතුරු කරපු ඒ අභිරහස් වැම්පයර්ව හොයාගෙන බ්ලේඩ් යන ගමන තමයි මේ සීරීස් එකෙන් දකින්න ලැබෙන්නේ. මෙවර බ්ලේඩ්ගේ සටන් බිම වෙන්නේ ආසියාතික කලාපයයි.

මේ කලාපය තුළ රහසිගතව ක්‍රියාත්මක වෙන “එක්සිස්ටන්ස් (Existence)” කියන වැම්පයර් සංවිධානයත් එක්ක බ්ලේඩ් මුහුණ දෙන මාරාන්තික සටන් පෙළගැස්ම ඔයාලට කොටස් 12 ක් පුරාම බලාගන්න පුළුවන්.

ඉතිං මේ කතා මාලාව ඇතුලේ විවිධ තැන් වලදි දකින්න ලැබෙන සුවිශේෂි චරිත ටිකක් තමයි මේ ඉන්නේ, 

 

 

1. Kikyo Mikage ( විකෘතික බල තියෙන සමුරායිවරයෙක් )
2. Deacon Frost ( බ්ලේඩ්ගේ පරම හතුරා )
3. Makoto ( දඩයම්කාරියක් )
4. Lucius Isaac ( පිරිසිදු රුධිරය සහිත වැම්පයර්වරයෙක් )
5. Noah van Helsing ( දඩයම්කරුවෙක් )
6. Wolverine ( ආසම X-Men සාමාජිකයෙක් )

 

​”කවුද මේ බ්ලේඩ් (නොදන්න අයට කෙටියෙන්)?

 

බ්ලේඩ් කියන්නේ “Daywalker” කෙනෙක්. ඒ කියන්නේ එයා සාමාන්‍ය මනුස්සයෙකුත් නෙවෙයි, සම්පූර්ණ වැම්පයර් කෙනෙකුත් නෙවෙයි. දෙමුහුන් චරිතයක්.

බ්ලේඩ්ගේ අම්මා ගැබ්ගෙන ඉද්දී වැම්පයර් කෙනෙක් ඇයව ගොදුරු කරගන්නවා. ඒ හේතුවෙන් බ්ලේඩ් ඉපදෙන්නේ වැම්පයර්වරුන් සතු සුපිරි ශක්තීන් උරුම කරගෙනයි. හැබැයි වැම්පයර්වරුන්ගේ තියෙන දුර්වලතා (හිරු එළියට පිළිස්සීම වැනි දේවල්) එයාට බලපාන්නේ නැහැ. අන්න ඒ නිසයි මෙයාට “Daywalker” (දවල් කාලයේ සැරිසරන්නා) කියන නම ලැබිලා තියෙන්නේ.

තමන්ගේ මවගේ මරණයට පළිගැනීමක් විදියට බ්ලේඩ් තමන්ගේ මුළු ජීවිතයම කැප කරන්නේ ලෝකයේ ඉන්න නපුරු වැම්පයර්වරුන්ව දඩයම් කරන්නයි. මෙයා “Vampire Hunter” කෙනෙක් විදියට හඳුන්වන්නේ ඒ නිසයි.

හැබැයි සාමාන්‍ය වැම්පයර්ලට වගේ බ්ලේඩ්ටත් රුධිර පිපාසය (Bloodthirst) ඇති වෙනවා. ඒත් එයා ඒක පාලනය කරගන්නේ විශේෂ එන්නතක් (Serum) පාවිච්චි කරලා මිසක් මිනිස්සුන්ගේ ලේ බීලා නෙවෙයි.

 

​බ්ලේඩ්ගේ සුවිශේෂී හැකියාවන්:

 

• ​අධික වේගය සහ ශක්තිය: සාමාන්‍ය මනුස්සයෙක්ට වඩා දහස් ගුණයක් වේගයෙන් සහ ශක්තිමත්ව සටන් කරන්න මෙයාට පුළුවන්.
• ​ඉක්මනින් සුව වීම: සටනකදී තුවාල වුණොත් ඉතා ඉක්මනින් ඒවා සුව කරගන්නා විශේෂ හැකියාවක් එයාට තියෙනවා.
• ​ආයුධ භාවිතය: බ්ලේඩ් කියන්නේ කඩුවක් පාවිච්චි කරලා සටන් කරන්න දක්ෂයෙක් (Swordmaster). ඒ වගේම වැම්පයර්වරු මර්දනය කරන්න විශේෂයෙන් නිපදවපු රිදී ආයුධ පාවිච්චි කරන්නත් මෙයා දක්ෂයි.

 

පලමු කතාංගය:

 

• ​කථාංගයේ නම: His Name Is Blade 
• ​ධාවන කාලය: මිනිත්තු 23
• ​IMDb අගය: 6.5/10 

 

එහෙනම් දෙවන කතාංගයෙන් හමුවෙමු! ජය වේවා!

 

 

 

 

 

Due to copyright issues, we no longer provide any torrent links.

ලබා දී ඇති උපසිරැසි WEB පිටපත් සඳහා පමණක් අදාළ වේ.

431 downloadsDownload Marvel-Anime-Blade-S01E01.zip10 KB

 

මේ ලබා දී ඇති සිංහල උපසිරැසි පිළිබද “නිශාන් සමීර” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank
BRONZE MEMBER
JOINING DATE – 2026-02-03

SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

 

 

 

 

Marvel Anime: Blade Sinhala Subtitles