Marvels Agent Carter [S01 : E08] | කැප්ටන් ඇමෙරිකා සොයා… [සිංහල උපසිරැසි සමඟ]

අද මේ අරගෙන එන්නේ මාර්වල් ඒජන්ට් කාටර් කතා මාලාවේ පළමු කතා සමයේ 8 වන ඒ වගේම අවසාන කොටස. දෙවන කතා සමයක් ආරම්භ කරාවිද යන්න ගැන තවමත් හාංකවිසියක්වත් ආරංචියක් නැහැ. ඒත් ඒජන්ට් කාටර් කතා මාලාව ගෙන එන Tara Butters ප්‍රේක්ෂකයින්ගෙන් ඉල්ලීමක් කරලා තියෙනවා, කාටර් තවත් කතා සමයක් බලන්න අවශ්‍ය නම් විකාශනය වූ කොටස් නරඹමින්, ඒ ගැන ඔවුන්ට දැනෙන්න සලස්වන්න කියලා. මට හිතෙන හැටියට ඒජන්ට් කාටර් කතා මාලාවේ දෙවන කතා සමයක් අවශ්‍යමයි. මොකද කිව්වොත් විකාශය වූ කොටස් 8 ඇතුළත කතාවේ ස්වභාවය වෙනස් විය හැකි අකාර රාශියක් ගෙන හැර දැක්වූ නිසා. හෝවාර්ඩ් ස්ටාර්ක්, ස්ටීව් රොජර්ස් (කැප්ටන් ඇමෙරිකා) යන පුද්ගලයින් මුල් කරගනිමින්, කාටර් තමන්ගේ ජීවිත කාලය තුළ ලද අත්දැකීම් මාර්වල් රසිකයින් ඇත්තටම දැනගන්න කැමතියි. ඒ වගේම තමයි එඩ්වින් ජාවීස්ගේ චරිතයත්, අයන් මෑන් චිත්‍රපටය දක්වාම දිවෙනවා. ඇත්තටම එක කතා සමයක් පරීක්ෂක කාටර්ගේ කතාව කියන්නට ප්‍රමාණවත් නැතැයි යන්නයි මගේ අදහස නම්. මොකද මේ කතාවේ තිර රචනය සහ විකාශනය කොටස් අටක පරාසයෙන් එපිට එකක් විදියටයි මට නම් හැඟුනේ.

පහු ගිය කොටස ගැන කෙටියෙන් මතක් කරන්නම්. ඩොක්ටර් ඉව්චෙන්කෝ පිළිබඳ සත්‍ය දිග හැරුණා මතක ඇති. නමුත් ඔහුගේ අරමුණ වුනේ මොකක්ද කියන එක ගැන හරි තොරතුරක් අපිට පසුගිය කොටසින් දැනගන්නට ලැබුණේ නැහැ. ඉතාම ආකර්ශනීය කතාංගයක් වූ ගියවර කොටස අවාසනාවන්ත ලෙස අවසන් වූයේ ප්‍රධානී ඩූලිගේ මරණයත් සමඟයි. ඒ මරණයට හේතු වුනෙත් හෝවාර්ඩ් ස්ටාර්ක්ගේ නිර්මාණයක්ම තමයි. ඩොටී, සහ ඉව්චෙන්කෝ එහෙම නැත්නම් තිමිංගලයින් එකතු වෙලා SSR පරීක්ෂක කණ්ඩායම මුලා කරමින් ඔවුන්ට අවශ්‍ය කර තිබුණු, ස්ටාර්ක් විසින් නිර්මාණය කළ  භාණ්ඩයක් රැගෙන යනවා. ඒ භාණ්ඩයෙන් සිදු වන්නේ මොන වගේ දෙයක්ද කියලා ගියවර කොටස බලපු ඔයාලට මතක ඇති. ඒ එක්කම කතාව පුරාම ගැටළුවක්ව තිබුණු ෆිනෝව් වල සමූල ඝාතනයට මේ අවිය සම්බන්ධ බවක් මට හැඟුනා. ඒ සැකය නිවැරදිද නැද්ද කියලා අද කොටස බලන ඔයාලට වැටහේවි.

ඒජන්ට් කාටර් කතා මාලාව ඉදිරිපත් කෙරුණේ 10 වන කොටසින් දෙවන කතා සමය අතරමැද තාවකාලිකව නතර කළ ඒජන්ට්ස් ඔෆ් ශීල්ඩ් කතා මාලාව වෙනුවට. නමුත් ඒජන්ට්ස් ඔෆ් ශීල්ඩ් කතා මාලාවට වඩා ඒජන්ට් කාටර් කතා මාලාවේ චරිත ප්‍රබල ලෙස ප්‍රේක්ෂකයා ආකර්ශනය කරගත් බවක් තමයි මට නම් තේරුණේ. ලබන සතියේ, ඒ කියන්නේ මාර්තු 3 වෙනිදා ඔයාලට සුපුරුදු  පරිදි ඒජන්ට්ස් ඔෆ් ශීල්ඩ් කතා මාලාවේ, දෙවන කතා සමයේ, දෙවන අදියර 11 වන කොටසත් සමඟ ආරම්භ වෙනවා. ඒ වගේම කියන්න ඕනේ, විභාග කටයුතු යෙදිලා තියෙන නිසා මට ඒ කොටසට උපසිරැසි අරගෙන එන්න ලැබෙන්නේ නැහැ. මං වෙනුවට අපේ අඩවියේ සහෝදරයෙක් ඒ කොටසට උපසිරැසි අරන් ඒවි. බොහෝ විට අපේ විමා ඒ උදව්ව කරාවි.  😀

අද කොටස ගැන මොකුත් කියන්නේ නැහැ. ඩොක්ටර් ඉව්චෙන්කෝගේ තරහ වායුව මොන විදියේ අවසානයක් අද කතාවට අරගෙන ඒවිද? නරඹන්න ඔයාලට බාරයි. ඒ වගේම පොඩි දෙයක් කියන්නම්. කාටර් කතා මාලාව පුරාම පේන්න නොසිටියත් ප්‍රධානම චරිතයක් වුනු හෝවාර්ඩ් ස්ටාර්ක් අද කතාවේ තමන්ගේ කරගන්නවා. ඒ වගේම කැප්ටන් ඇමෙරිකා පළමු චිත්‍රපටය නැවතත් අපේ මතකයට පැමිණෙනවා. ඇත්තම කිව්වොත් මුන් ඒක ගළපලා නියමෙටම. (විමා කලින් අනාවැකියක් විදියට කිව්වා වගේම). විශේෂයෙන්ම කියන්න ඕනේ කාරණාව අන්තිමේටම තියාගත්තා. අද කතාවට උපසිරැසි අරන් එන්නේ මම නෙවෙයි. අපේ චලිඳු දේශාන් (කිනා) සහෝ. කාර්යබහුල වෙලාවේ උදව්වට ආවට කිනෝ උඹට බොහොම පිං. එහෙනම් මං ගියා. අදහසක් බාගත කරන හැමෝගෙන්ම බලාපොරොත්තු වෙනවා. එලස්ස්ස්…… ජයම වේවා…!

 ලිපිය – යශෝධ ශ්‍රීමාල්

 

 

182 MB කොපිය මෙතනින් බාගන්න

2B06BE435F36D1295339F54B516215B3C1B6B955

223 MB කොපිය මෙතනින් බාගන්න

5678996885BA2A6EF7E264781EA2CE20D3FD7738 ගූගල් සෙවුමෙන් ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න. නොදන්නා අය වෙත උපදෙස් සිංහලෙන්ම මෙතන තියනවා.

2,269 downloadsDownload Marvels-Agent-Carter-S01E08.baiscopelk.zip62 KB

 

https://d36zzuvfojr38z.cloudfront.net/wp_content/uploads/2013/11/kina.jpg මේ ලබා දී ඇති සිංහල උපසිරැසි පිළිබද “චලිදු දේශන් (කිනා)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

<< Previous Episode                      All Episodes                      Next Season >>