Pluribus [S01 : E02] Sinhala Subtitles | මී වදයකි ජීවිතේ! [සිංහල උපසිරසි]

Pluribus Sinhala Subtitles

මේ පළවෙන්නේ Pluribus කතා මාලාවේ දෙවැනි කතාංගයයි. පළමු කතා සමය කතාංග නවයකින් සමන්විත වෙන Pluribus කතා මාලාවේ කතාංග දෙකක් පසුගිය නොවැම්බර් 7 වැනිදා ඇපල් TV ඔස්සේ විකාශය වුණා. ඒ වගේම ඉදිරියේදී හැම සතියෙම සිකුරාදාට එක් කතාංගය බැගින් විකාශය වෙන්නට නියමිතව තියෙන බවයි දැනගන්නට ලැබෙන්නේ. මේ වනවිට IMDb දර්ශකයේ 9/10ක අගයක් ලබාගෙන තිබෙන මේ ටෙලිනාට්‍යය, Rottentomatoes වෙබ් අඩවියේ 100%ක Tomatometer අගයක් වගේම 87%ක Popcornmeter අගයක් ලබාගන්නට සමත්ව තිබෙනවා. ඒ විතරක් නෙවෙයි TMDB අඩවියේ 89%ක Score අගයක් ලබාගන්නට සමත්ව තිබෙනවා. ඒ වගේම metacritic අඩවියේ ප්‍රතිචාර අනුව 86%ක ප්‍රසාදයක් ලබාගෙන තියෙනවා. මේ කතාව වර්තමාන තත්වයෙන් වෙනස් කෙරුණු ඇල්බකර්කි නගරයක් පසුබිම් කරගත් විද්‍යා ප්‍රබන්ධ නාට්‍යයක් ලෙසයි ගොඩනැඟෙන්නේ. මේකෙදි අභ්‍යවකාශයෙන් ලැබෙන අද්භූත සංඥාවක් මිනිස් වර්ගයාගෙන් වැඩි කොටසක් ප්‍රීතිමත්, ආචාරශීලී සාමූහික විඥානයකට එහෙමත් නැත්නම් “මී වද මානසිකත්වයකට” ඒකාබද්ධ කරනවා. පසුබිම් කතාව කේන්ද්‍රගත වන්නේ, පෙනෙන අන්දමින් සංසිද්ධියෙන් බලපෑමට ලක් නොවූ එකම පුද්ගලයා වන ප්‍රධාන චරිතය වන කැරොල් ස්ටර්කා නම් කතුවරිය, නොසන්සුන් ලෙස සතුටු සිතින් සිටින මේ ආසාදිත නව ලෝකයේ සැරිසරමින් ඇය දරන අරගලය වෙතයි. එහෙනම් අද කතාව වෙත යොමුවෙමු.

අද පළ වන කතාංගය ගැන:

• දෙවැනි කොටස – “Pirate Lady” – “මී වදයකි ජීවිතේ!”
• අධ්‍යක්ෂක – Vince Gilligan
• තිරරචනය – Vince Gilligan
• මුල්වරට විකාශය කෙරුණු දිනය – 2025 නොවැම්බර් 07
• IMDb Ratings – 8.8/10

අද කොටසේ මොකද වෙන්නේ? හෙලන් භූමදාන කරන අතරතුර, කැරොල් හමුවෙන්න එනවා මී වද මානසිකත්ව සමාජයේ සාමාජිකාවක් වන සෝෂියා. ආසාදිත මිනිසුන් සියල්ලන්ම එක් විඥානයක් බෙදා ගන්නා බවත්, එකිනෙකාගේ මතකයන් – හෙලන්ගේ මතකයන් ඇතුළුව – එහි අඩංගු බවත්, ඒ නිසා ඕනෑම කෙනෙකුට සමස්තයක් ලෙස කතා කළ හැකි බවත් ඇය පැහැදිලි කරනවා. කැරොල් ඇයට දෝෂාරෝපණය කරද්දී, සෝෂියා කම්පනයට පත් වෙනවා. කැරොල් සුවය ලැබීමෙන් පසු, සෝෂියා හෙළි කරනවා කැරොල්ගේ කෝපය නිසා මී වද මනස යටපත් කරන බවත් ඇගේ කෝපය නිසා බොහෝ දෙනෙක් ඝාතනය වුණු බව. කැරොල් ඇය මඟින් දැන ගන්නවා මේ වෛරසයට ප්‍රතිශක්තිය ඇති අනෙක් අය අතරින් ඉංග්‍රීසි කතා කරන පස් දෙනෙක් ඉන්නා බව. ඔවුන් හමුවෙන්න කැරොල්ට අවශ්‍ය බව කිව්වම සෝෂියා බිල්බාඕ වල හමුවීමක් සංවිධානය කරනවා. දිවි ගලවා ගත් එක් අයෙකු වන හෙඩොනිස්ටික් කුම්බා ඩයමැටේ, කණ්ඩායම එක්රැස් වන එයාර් ෆෝස් වන් ගුවන් යානයෙන් එනවා. මේ වෛරසයට ප්‍රතිකාරයක් හොයන්න ඇය කළ ආයාචනා නොතකා, අනෙක් අය නව සාමූහික පැවැත්ම පිළිගෙන ඇති බව කැරොල් දැනගන්නේ මේ වෙලාවේ. මේ තත්වය එක්ක කැරොල්ට මේ වෛරසය පරාජය කරන්න හැකිවෙයිද? ප්‍රතිශක්තිය ඇති කණ්ඩායමේ කිසිම කෙනෙක් මේකට ඇයට සහය දේවිද? මුල සිට අගටම කුතුහලය වැහෙන මේ කතාව නරඹලා මේ දේවල් දැනගන්න එහෙමනම් අද කොටසින්….

අපේ උපසිරැසි ගැන ඔබගේ වටිනා අදහස් උදහස් පහළ කමෙන්ට් කරන්නත් අමතක කරන්න එපා.
එහෙම නම් තවත් සිංහල උපසිරැසියකින් ඔබ හමුවට එනතුරු ආයුබෝවන්!
දිගටම බයිස්කෝප් අඩවියත් එක්කම රැඳි සිටින්න!
ඔබට තෙරුවන් සරණයි!

The Monster of Florence Sinhala Subtitles

 

 

Due to copyright issues, we do not provide any torrent links.

මෙම ලබා දී ඇති උපසිරසි WEBRIP පිටපත සඳහා අදාළ වේ.

1,847 downloadsDownload Pluribus-S01E02.zip25 KB

 

මේ ලබා දී ඇති සිංහල උපසිරැසි පිළිබද “ප්‍රබුද්ධ කේසර විතානගේ” සොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

GOLD MEMBER
JOINING DATE – 2016-02-26

SUBMAKER RATING BY ADMINS

 

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Pluribus Sinhala Subtitles