Stranger Things [S04 : E09] Sinhala Subtitles | අවසානයක ඇරඹුම. [සිංහල උපසිරැසි]

මේ මුණගැහෙන්නෙ ජූලි පළමු වැනිදා නිකුත් වුන ස්ට්‍රේන්ජර් තිංග්ස් සිව්වන කතාසමයෙ Vol.2 වලට අදාල දෙවැනි කොටස නොහොත් හතරවෙනි සීසන් එකට අදාල අවසන්ම කොටස අරගෙන. 

පසුගිය කොටසින්

නැන්සිව වෙක්නට අහුවෙලා ඉද්දි වෙක්නා එයාව මරනවා වෙනුවට කලේ ඉස්සරහට වෙන්න පුලුවන් මහා විනාශයක පෙර නිමිති පෙන්නුම් කරපු එක. මේ දේවල් ගැන එලෙවන්ට නැන්සි ලවා කියවන්නයි වෙක්නට ඕන කලේ. මේ නිසාම වෙක්නා මරණ සැලැස්මකට තමයි මැක්ස් ඇතුළු කට්ටියම ආවේ. වෙක්නාගේ අවධානය මැක්ස් අරං තියෙන අතරේ තවත් කට්ටියක් වෙක්නාගේ ලෝකයට ගිහිල්ලා එයාව මරණ එකයි මේ අයගේ සැලැස්ම වුනේ. ආයෙ වතාවක් තමන්ගේ බලය ලබාගත්ත එලෙවන් පවා මේ සේරම දැක්කා. බොහොම අමාරුවෙන් එලෙවන් හිටිය බංකරයෙන් එලියට ඇවිල්ලා එයා පිටත් වුනේ ලොකු අනතුරක් වෙන්න පුලුවන් මැක්ස් ඇතුළු එයාගේ යාළුවන්ට උදව් කරන්න.

ඒ දේවල් එහෙම වෙද්දී හොපර් හිරවෙලා හිටිය රුසියානු හිර ගෙදරින් පැනලා එන්න ජොයිස්, මරේ, යූරි වගේම ඇන්ටනෝට අවස්ථාව ලැබෙනවා. ඒ අය මූලස්ථානයෙන් පැනලා එන්න කලින් අප්සයිඩ්-ඩවුන් එකේ හිටිය සත්තු කිහිප දෙනෙක්ම ඒ හිර ගෙදර තියාගෙන නොයෙකුත් පරීක්ෂණ කරලා තියෙනවා කියලත් දැනගන්න ලැබුනා.

අද කොටසේ පසුබිම

Vol. 01 එකට අදාල කොටස් ටික නිකුත් වුනේ මිලියන 286 ක නැරඹුම් පැය ගණනක වාර්තාවක් සටහන් කරගෙන වුනත් මේ වතාවේ Vol. 02 නිකුත් වෙන්නෙ අවසන් කොටස් දෙක නිකුත් වෙලා පැය කිහිපයක් ඇතුලත Netflix වෙබ්අඩවිය බිද වට්ටන තරමේ නරඹන්නන්ගේ පිරිසක් ඇද ගැනීමත් එක්කයි. 

Vol. 01 එකේ දීර්ඝතම කොටස වුනේ හත්වැනි කොටස වුනත්, Vol. 02 එකේ දීර්ඝතම කොටස තමයි මේ නවවැනි කොටස. කාලය විදිහට ගත්තොත් පැය 02 ක් හා විනාඩි 22ක චිත්‍රපටයක් තරම් විශාල ධාවන කාලයකුත් අවසන් කොටසේ සටහන් වෙනවා.  

අවසන් කොටස අවසන් වෙන්නෙ ලොකු විනාශයකට මුල පුරමින්. මේ ලොකු විනාසයට මුහුණ දෙන විදිහ දැනගන්න නම් පස්වැනි සීසන් එක එනකල් ඉන්නම වෙනවා. මේ වෙද්දී හරියටම නිකුත් වෙන දිනයක් හො වසරක් ගැන දැනුම් දීලා නැතත් 2023 වසරේ අවසන් කාර්තුවේදී හො 2024 වසර ඇතුලත පස්වැනි සීසන් එක නරඹන්න ලැබේවි කියලා බලාපොරොත්තු වෙන්න පුලුවන්.

ආයෙත් දවසක තවත් උපසිරැසියකින් මුණගැහෙමු.

 

 

 

 

Due to copyright issues, we do not provide any torrent link.

මෙම ලබා දී ඇති උපසිරසිය WEB පිටපත් සඳහා අදාළ වේ.

24,292 downloadsDownload Stranger-Things-S04E09.zip47 KB

මේ ලබා දී ඇති සිංහල උපසිරැසි පිළිබද “එල්.සී. දමැල්” සොහොයුරාට සහ “චාමර සම්පත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.

 

Subtitle Contributor Rank
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.