The 100 [S06 : E13] Sinhala Subtitles | ව්‍යාකුලත්වයක නිමාවද?ආරම්භයද? [සිංහල උපසිරැසි සමඟ]

ඔන්න එහෙමනම් රැගෙන ආවා THE 100 හයවැනි කතාමාලාවේ 13වැනි කොටස හෙවත් අන්තිම කොටස. හොදයි එහෙමනම් අපි බලමු කතාවේ මොකක්ද උනේ කියලා.

ගිය සතියේ කොටස ගැන මතක් කළොත්, ප්‍රයිම්ලා ඇබිගෙ සහයෙන් මැඩිව යොදාගෙන නයිට්බ්ලඩ් හදන එක ආරම්භ කළා. ඉතින් ඒකෙ ආරම්භය හැටියට එකෝව යොදාගෙන සිමෝන්ට යලි පණ දෙන්න ගිහිල්ලා රයිකර් මැරුම් කෑවා මතක ඇතිනේ. කොහොමහරි මැඩිගෙන් දිගටම ඇටමිදුළු නිස්සාරණය කරන එකෙන් ඇය මිය යන්න පුළුවන් නිසා ඇබි තීරණය කළා නයිට්බ්ලඩ් කෙනෙක් වෙලා අවශ්‍ය අටමිදුළු ලබා දෙන්න. ඉතින් එහි ප්‍රතිපලයක් විදිහට අන්තිමේ ඇබිට උනේ සිමෝන්ගෙ ධාරකයා වෙන්න. ඒ විදිහට කතාවේ තවත් ප්‍රධාන චරිතයක් සමුගත්තා කියලා කියන්න පුළුවන්.

ඉතින් ඔය අතරේ ජොසෆින් විදිහට ඇතුළට ආව ක්ලාක්ගෙ සැලැස්ම උනේ රයිකර්ව යොදාගෙන ආරක්‍ෂක ආවරණය අයින් කරන එක, නමුත් රයිකර් මිය ගිහින් නිසා ප්‍රියා ලව්වා ඒක කරවගන්න ක්ලාක් සමත් වෙනවා. ඔය අතරේ පහර දෙන්න එළියට වෙලා බලාන ඉන්න ගේබ්‍රියල් ඇතුළු පිරිසෙන් ගේබ්‍රියල් කාටත් කලින්ම ඇතුළට එන්නෙ පණ දීම නවත්තන්න කියලා. හැබැයි වැඩේ අසාර්ථකයි, අන්තිමේ ගේබ්‍රියල් නතර උනෙත් හිරකාරයෙක් වෙලා. කොහොම නමුත් ආවරණය ඉවත් වීමෙන් පස්සෙ ගේබ්‍රියල්ගෙ දරුවන් ප්‍රමුඛ බෙලමි ඇතුළු පිරිස පහරදෙන්න කියලා ආවත් රසෙල් ඒ සැලැස්මට හසු නොවීම නිසා වැඩේ අවුල් උනා. කොටින්ම කියනවනම් රසෙල් සැන්ටම්වල මහා ව්‍යසනයක් ඇති කරලා අභ්‍යවකාශයට යන්න තීරණය කළා.රසෙල් ඇති කෙරුව ව්‍යසනය උනේ රක්ත සූර්ය විෂ නිදහස් කරන එක. මේකෙන් සිද්ධ උනේ විශ්වාසය ඇති නැති දෙපිළ අතර ගැටුමක් ඇතිවෙලා එකිනෙකා මරාගන්න එක. ඉතින් ක්ලාක්, ගායා එහෙම අභ්‍යවකාශයට යනකොට මර්ෆි සහ එමෝරි තීරණය කළා දෙවියෙක් වෙන එක නතර කරලා තමන්ගෙ යාලුවන්ට උදව් කරන්න. ඒ අනුව මර්ෆි එමෝරි දෙන්නා සැන්ටම්වල නතර උනා.

ගිය සතියේ ඔය ආකාරයට සිද්ධ වෙන කොට අද කොටසින් සැන්ටම් බේරගන්න බෙලමි ඇතුළු පිරිස දරන උත්සාහය බලාගන්න පුළුවන්. ඒ වගේම තමා ක්ලාක් තනිවම ප්‍රයිම්වරුන්ගෙන් සිය ජනයා බේරගන්න උත්සහ දරනවා. එසේම ෂෙයිඩ්හෙඩා සපුරාම මැඩිව යටපත් කරගෙන ඉන්න බවක් තමා පේන්න තියෙන්නෙ. කොහොම නමුත් මීට පෙර කතාමාලාවල මෙන් ප්‍රවේගකාරී, සටන්කාරී අවසානයක් දකින්නට නොමැති උනත් කතාවේ අවසානය සනිටුහන් කරන්නෙ මනස කැළඹීමකට ලක් කරන සිදුවීමකින්. ඇත්තම කිව්වොත් ඒ වගේ සිදුවීම් දෙකක්ම දක්නට ලැබෙනවා.

හොදයි එහෙමනම් මාස කීපයක් පුරාම මං මගේ වගකීම ඉෂ්ට කළා ඔන්න. මේ විදිහට තවත් කතාමාලාවක් අවසන් වෙනකම්ම උපසිරසි ගෙනාවා. ඉතින් නිල වශයෙන් නිවේදනය කරලා තියෙන ආකාරයට THE 100 කතාමාලාවේ 7වැනි කතාමාලාව මෙන්ම එහි අවසන් කතාමාලාවක් නිකුත් වෙනවා. නිශ්චිත දින වකවානු නැතත් එය ලබන වසරේ මැදභාගය තුළ දැකගන්න ලැබේවි. හැකියාවක් ලැබුනොත් එයටත් උපසිරසි රැගෙන ඒමේ අපේක්‍ෂාව මත මා සමුගන්නවා එතෙක් ඔබ සැමට ජයෙන් ජය.

May We Meet Again!!!
අපි නැවත හමුවේවා!!

 

ඒ වගේම දැනුම් දීමක් කරන්න තියෙනවා අපේ නවතම බයිස්කෝප් සිංහලෙන් වෙබ් අඩවිය වෙනුවෙන් නිර්මාණය කල ෆේස්බුක් පිටුව ගැන. මොකක් හෝ අහේතුවකට 130,000 අධික ලයික් ප්‍රමාණයකින් යුතු අපේ ෆේස්බුක් පිටුව මකා දමා තිබෙනවා. ඒ වෙනුවෙන් අපි නැවත ෆේස්බුක් පිටුවක් ආරම්භකොට තිබෙනවා. මුහුනුපොත තුල උපසිරැසි පළකිරීම් ගැන දැනුවත් වෙන්න ඒ පිටුව සමහ මෙතනින් එක්වෙන ලෙසින් හැමෝටම ආරාධනා කරනවා.

 

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසි HDTV සහ BR පිටපත් සඳහා අදාළ වේ. 

29,848 downloadsDownload The-100-S06-E13.zip43 KB

මේ ලබා දී ඇති සිංහල උපසිරැසි පිළිබද “මධුකප්‍රිය පෙරේරා” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

PLATINUM MEMBER
JOINING DATE – 2015-04-19
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.