The Flash [S04 : E03] with Sinhala Subtitles | වාසනාවන්ත කෙල්ල… [සිංහල උපසිරැසි සමඟ]

කොහොමද කට්ටියට? වෙනද මේක ගේන කවිඳු මළයා කාර්යයබහුල හින්දා ඔන්න අද මමයි මේ කොටස ගේන්නේ. ලිපිය නම් එව්වේ චාමර සම්පත් මලයයි. ස්තූතියි ඒකට. එහෙනම් අපි කතාවට හැරෙමු.

සිහි විකල් වෙලා හිටිය බැරි, අයිරිස් කරදරේ වැටිලා ඉන්නවා කියලා දැනගත්තට පස්සේ නැවතත් හරි සිහියට ඇවිල්ලා සුපුරුදු ෆ්ලෑෂ්ගේ වැඩ පටන් ගත්තා. ඔක්කොටම කලින් එයා එයාගේ වැඩ පටන් ගත්තේ එයා නැති කාලේ පුරාවටම විකාශය වුනු ටීවී සීරිස් බලලා. මේ අතරේ නගරෙට තවත් මේටා හියුමන් කෙනෙක් ඇවිල්ලා මිනිස්සු වගයක්ව දඩයම් කරන්න පටන් අරං තිබුණා. ඒ ඔක්කොම බිලියනපතියෝ. ඇත්තටම මේක පටන් අරං තියෙන්නේ මෙහෙමයි. අවුරුදු හතරකට කලින් ගරාජ් එකක ඉදන් හතර දෙනෙක් මැල්වෙයා ඇප් එකක් හදලා තියෙනවා “කිල්ගෝර් ” කියලා. මේකේ සැබෑ අයිතිකාරයා වෙලා තිබුනේ රැම්සේ ඩිකෝන් කියන දැන් මේටා මිනිහෙක් වෙලා තියෙන කෙනාට. නමුත් එයාට හොරෙන් එයා එක්ක මේකට දායක වුනු අනික් තුන්දෙනා එයාගේ කිල්ගෝර් ඇප් එක වෙනින් සමාගමකට විකුනලා සල්ලි හොයලා තියෙනවා. මේකෙන් රැම්සේ ඩිකෝන්ට නම් හොද නාමයක් ගාවගන්න බැරි වෙලා තියෙනවා. මොකද අනික් තුන්දෙනා මුල් වෙලා ඒ අයම හැදුවා වගේ මේක විකුනලා තිබුනේ. අවාසනාවට ඒ කණ්ඩායමේ එක් කෙනෙක් වෙච්ච කර්ට් වීවර් නම් කතාව මුලදීම මරලා දානවා දැකගන්න ලැබුණා. පස්සේ තමයි එයා අනික් දෙන්නා පස්සේ යන්න පටන් ගත්තේ.

අයිරිස් හා බැරි අතරේ තිබුණු සම්බන්ධතාව හොදින් පවත්වාගෙන යනවද නැද්ද කියලවත් මේ දෙන්නා එකට හිටියත් හරිහැටි දැනුමක් තිබුනේ නැති ගානට තිබුනේ. අනික් කාරණේ තමයි ස්පීඩ් ෆෝස් එක ඇතුලේ හිරවෙලා ඉදලා ආයෙමත් පියවි සිහියට ඇවිත් තිබුනත් බැරි තාමත් වැඩ කලේ පිස්සුවෙන් වගේ. මේ නිසාම කේට්ලින්ගේ උපදෙස මත අයිරිස් තීරණය කලා එයයි බැරියි දෙන්නා පෙම්වතුන්ගේ චිකිත්සාවකට යන්න. මේ දෙන්නා අතර තිබුණු සම්බන්ධය ඒ හැටි හොද එකක් නෙවෙයි කියලා එතනදී හොදට තේරුනා. කොටින්ම බැරි අයිරිස්ව දාලා ගියාට අයිරිස් එයාට දොස් කිවවා. ඊටපස්සේ පස්සේ ඉදන් මේ දෙන්නා අතර පොඩි හිත් අමනාපයකුත් ඇති වුණා. ඒත් ඉතින් කොච්චර හිත් අමනාපෙන් හිටියත් මේ දෙන්නා කොහොම හරි යාලු වෙනවනේ. ඉතින් ඒ ව්විදිහටම අයිරිස් ආයෙමත් බැරි එක්ක යාලු උනා.බැරි නිතරම කිව්වේ එයා බැරි නිසා හැම බරක්ම එයා පිට වැටෙනවා. ඒ නිසා ඒවා එයාම දරන්න ඕන කියලා. එතකොට අයිරිස් මෙහෙම දේකුත් කිව්වා “බැරි, ඔයා ෆ්ලෑෂ් නෙවෙයි. අපි තමයි ෆ්ලෑෂ්” කියලා. අන්තිමට රැම්සේ ඩිකෝන්ව නවත්තන්න කියලා හිතාගෙන ෆ්ලෑෂ් වගේම කිඩ් ෆ්ලෑෂ් ගියත් රැම්සේට තාක්ෂණික උපකරණ හැක් කරලා පාලනයට අරගන්න තිබුණු හැකියාව නිසාම එයා බැරිගේ සූට් ඒකත් හැක් කරලා එයාගේ පාලනයට අරගත්තා. ජිවිතේට දැකපු නැති විදිහේ වැඩ කෑලි එකතු කරලා අයන් මෑන්ගේ සූට් එක වගේම සූට් එකට වැඩි තාක්ෂණික බරක් යොදලා සිස්කෝ මේක නිර්මාණය කරලා තිබුණු නිසයි මේ දේට නම් මුහුණ දෙන්න වුණේ. තමන්ට අඩුමතරමේ ගලවගන්න බැරි වුනු සූට් එක බැරි විනාශ කරලා දාන්න තීරණය කලා අයිරිස්ගේ විශේෂඥ යෝජනාව මත. එයා කිව්වා වගේම තමන්ගෙම ඇගට ලයිට්නින්ග් බෝල්ට් එකක් වැදෙන්න සලස්වගත්ත එකෙන් බැරිගේ සූට් එකේ තිබුණු තාක්ෂණික පද්ධතිය විනාශ වෙලා ගිහින් රැම්සේට බැරිගේ සූට් එක පාලනය කරන්න තිබුණු හැකියාව නැති වුණා. පස්සේ මේ අය රැම්සේව අල්ලාගෙන එයාව දැඩි ආරක්ෂාවක් යටතේ සිරගත කලා. ඒත් මෙහෙම දෙයක් දැනගන්න ලැබුනා. ඒ තමයි පාටිකල් ඇක්සලරේටර් එක පුපුරන කාලේදී රැම්සේ ඩිකෝන් ඉදලා තියෙන්නේ සිලිකන් වැලි ප්‍රදේශයේ. එතකොට එයත් හරි පුදුම හිතෙන විදිහේ දෙයක් කිව්වා.එයා වගේ තවත් කට්ටිය ඉන්නවා කියලා. අනික මේ වතාවේ ප්‍රධාන හතුරා වෙච්චි “තින්කර්” කිව්වා අනික් අයවත් හොයාගන්න ඕන කතාවක්. ඒ කියන්නේ තවත් පාටිකල් ඇක්සලරේටර් එකක්වත් පුපුරලා ගිහින්ද?

ෆ්ලෑෂ් කණ්ඩායමට අද කොටසින් තවත් මේටා මිනිසෙක්ව හොයාගන්න ලැබෙනවා බෙකි කියලා ලස්සනම ලස්සන කෙල්ලෙක්ව. මෙයා මේටා මිනිසෙක් වෙන්න කලින් එයාට වෙලා තියෙන්නම හරිම අවාසනාවන්ත විදිහේ දේවල්. ඉතින් මේටා මිනිසෙක් උනාට පස්සේ එයාගේ අවාසනාව වසානාවක් බවට හැරිලා තියෙනවා. හැබැයි එයාට වාසානාව පිහිටද්දී අනික් අයට වෙන්නේ හරිම අවාසනාවන්ත දේවල්. ඉතින් මේක තමයි බෙකීගේ හැකියාවන්. මේ අතරේ හැරිසන් වෙල්ස් ජෙසීගෙන් අසුභ ආරංචියක් අරගෙන ආයෙමත් පළවෙනි පෘතුවියට එනවා. ඒ ආරංචිය මොකක් වෙයිද? අනික් අයට අවාසනාව ගෙනෙන බෙකීව ෆ්ලෑෂ් කණ්ඩායම එකතු වෙලා කොහොම අල්ල ගනීවිද? බලලම ඉන්නකෝ එහෙනම්.

මීළග උපසිරැසියෙන් හමුවෙමු. ජය!

 

 

 

 

 

Due to copyright issues we don’t provide any torrent links.

 

ලබා දී ඇති උපසිරසි HDTV පිටපත් සඳහා අදාළ වේ.

25,140 downloadsDownload the-Flash-S04E03.zip90 KB

https://d36zzuvfojr38z.cloudfront.net/wp_content/uploads/2014/08/RoylyFdo.jpg මේ ලබා දී ඇති සිංහල උපසිරැසි පිළිබද “රොයිලි ප්‍රනාන්දු” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

ADMIN MEMBER
JOINING DATE – 2009/03/10
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.