The Last Ship [S05 : E06] Sinhala Subtitles | ආක්‍රමණයේ ආරම්භය. [සිංහල උපසිරසි සමඟ]

ඔන්න සුපුරුදු විදියට අදත් මේ හමුවෙන්න එන්නේ මග බලාගෙන හිටපු ඊලඟ කතාංගයෙන්. සුපුරුදු විදියට ලිපිය කියවන අයට පසුගිය සතියේ සිද්ධවුනු සිද්ධි ටිකක් ගැන කතා කරලම ඉදිමු.

කතාව බලපු ගමන්ම පසුගිය සතියේ ලිපියෙන් කිව්වා වගේ ගොඩක් දෙනෙකුට කතාව තරමක් මුලදී නොතේරුනා වෙන්න පුළුවන්. ඒත් කතාව තරමක් දුරට ගියාට පස්සේ ඒ ගතිය නැතිවෙලා යන්න ඇති. ලිපියේ මම සදහන් කලා කතාව අරඹන්නේ ඇලීශියා ග්‍රැන්ඩර්සන්’ගේ මරණයෙන් මාස තුනකට පසුව බව. ඒ වෙද්දී ටාවෝ’ගේ යුද්ධය මෙක්සිකෝව බලා ඇවිත් දෙපැත්තටම කිසිදු දිනුමක් නැතිව එක තැනක හිරවෙලා තියෙනවා. මේ අතරේ අසූල් සැලැස්ම අරගෙන නැවතත් නාකෝස්ලා එක්ක මාස තුනකට පෙර ඇමරිකාවට ගොඩවැදුනු ග්‍රින් ඇතුලු පිරිස යුද්ධයක් නැතිව නිවාඩුවේ තමයි ගත කරන්නේ. ඒත් යුද්ධයට හුරුවුනු මිනිහට යුද්ධයෙන් තොරව ජීවිතයක් ගත කරන්න ගොඩක් අමාරුයි. වැඩියත්ම ක්‍රියාත්මක වෙන යුද්ධයක් ඇති සමයක යුද්ධයට නොයා හිත හදාගෙන ගෙදර ඉන්න එක මොන රටක වුනත් යුද්ධය හුරු සොල්දාදුවෙකුට අපහසු දෙයක්.

වුල්ෆ්ට බිම් බෝම්බයක් නිසා ඇතිවුනු හානියට ප්‍රතිකාර කරන අතරේ කැන්ඩි ඌගේ කකුල අල්ලං අතගානවා, ග්‍රීන් සහ කාරා, මයිකි එක්ක එකට ගෙදර ඉන්නවා වගේම අණදෙන අංශයේ ලියකියවිලි කටයුතු වලට ඔවුන් දෙදෙනා දායක වෙනවා. ඒ වගේම අද්මිරාල් චැන්ඩ්ලර් නිතර නිතර ගෙදර නැති නිසා දරුවෝ දෙන්නට වැඩි අවධානයක් යොමු කරන්න වගේම එයාලගේ වග විස්තර ගැන හොයලා බලන්නත් ඔහුට වැඩි කාල වේලාවක් ලැබෙන්නේ නෑ. මේ නිසා දරුවෝ දෙන්නා ගැන චැන්ඩ්ලර්ට වඩා සාශා තමයි දන්නේ. ඒ වගේම ලඟකදී ඉදන් තමුන්ගේ හිත වෙනම ලෝකෙක තියෙන බව ඔහුට වුනත් වැටහෙන කාරණාවක්. මේ නිසා තමයි තමුන්ගේ දුව චෝදනා කරන්නේ “ගෙදර හිටියත් හිතින් ගෙදර නෑ” කියලා.

මේ සිද්ධි වලින් සාමාන්‍ය ජීවිතය ගතවෙන අතරේ අසූල් සැලැස්මේ නිර්මාතෘ හොයාගෙන ගිය ගමන අතරතුර සිද්ධවුනු සටනත් පෙන්වනවා. කොහොම හරි අවශ්‍ය තොරතුරුත් අරගෙන නැවතත් ඇමරිකාවට එනවා. මේ කාලය අතරතුර තමයි සද්ධන්ත සතුරු නෞකාවකින් බැට කාපු නේතන් ජේම්ස් නැවතත් මාස තුන ඇතුලත අලුත්වැඩියාවට පත්වෙන්නේ. නව සෙබල ස්වේන් විසින් බොහෝමයක් හානියට පත්වුනු යුධ මෙහෙයුම් පද්ධති අලුත්වැඩියා කොට නැවත බලගන්වන අතරේ ග්‍රැන්ඩර්සන්’ගේ මරණය ගැනත් නිතර නිතර විස්තර හොයනවා.

මේ විදියට අවසන් වුනු පසුගිය සතියේ කතාවෙන් පසුව ලබාගත් නව තොරතුරු අනුව කියුබාවේ ටාවෝට විරුද්ධව කැරැල්ලක් ආරම්භ වෙන බව දැනගන්න ලැබුනා. මේ කැරැල්ලත් එක්ක එකතු වෙලා ඇමරිකාව කියුබාවට ජය අත්පත් කරදෙන්න තමයි අද සූදානම. ඉතිං මොන මගුලකටද ඇමරිකාවට කියුබාව නිදහස් කරන්න ඕනේ? ඒකට උත්තරේ ඇත්තටම කියුබාව නිදහස් කරලා ඇමරිකානු හමුදාව කියුබාව තුලදීම ඉදිරි යුධ කටයුතු සදහා සූදානම් කරවීම. ඒ කියන්නේ කොලොම්බියාව ආක්‍රමණය කරලා පහරදෙන්න පහසු ක්‍රමයක් තමයි කියුබාව තුල සූදානම් වෙලා කොලොම්බියාවට පහරදෙන එක.

ඉතිං අද කතාව බලන්න කියලා හැම දෙනාටම වගේ ආරාධනා කරන ගමන් මම අදට සමුගන්නවා. මීලඟ කතාවෙන් හමුවෙමු.

ආයු -බෝ -වේවා !!!

 

 

 

 

 

Due to copyright issues, we do not provide any torrent link.

මෙම උපසිරැසි  WEB  පිටපත් සඳහා පමණක් වලංගු වේ.

32,070 downloadsDownload The-Last-Ship-S05-E06.zip45 KB

මේ ලබා දී ඇති සිංහල උපසිරැසි පිළිබද “ප්‍රණිත් රණසිංහ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

ADMIN MEMBER
JOINING DATE – AUG 18, 2014
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.