The Lord of the Rings: The Rings of Power [S01 : E03] Sinhala Subtitles | ඒඩාර්! [සිංහල උපසිරසි]

කොහොමද ඉතිං හැමෝටම? අද නම් සබ් එක අරගෙන එන්න දවස් දෙකක් පරක්කු වුණා. එහෙනම් වැඩි කතාවක් නැතුව කතාව දිහාවට හැරෙමු.

තෝරාගෙන තියෙන නළු නිළියන්ගේ අවුල නිසා සමහරුන්ට සෙට් නැහැ කියන මතය එක්කත් මිලියන 25ක විව්ස් ලබාගන්න සමත් වුණ ROP සිරිස් එකේ තුන්වෙනි එපිසෝඩ් එකත් අරගෙනයි ඔන්න මම ආවේ. පීටර් ජැක්සන් අධ්‍යක්ෂණය කරපු හොබිට් සහ LOTR සිනමාකෘති සය සඳහා කාස්ට් කරලා තිබ්බ විධිය අනුව හැම චරිතයක්ම සුදු පැහැති සමක් තිබුණු අය. හැබැයි මෙතැනදී කළු සහ දුඹුරු පැහැති සම සහිත නළු නිළියන් චරිත සඳහා යොදා ගැනීමත්. දෙතුන් දෙනෙක් හැරෙන්නට බහුතරයක් දෙනාගේ රංගන විලාසය වෙත “සෙට් වෙන්නේ නැහැ බන්” යන අදහස, දේශීය වශයෙන් මෙන්ම අන්තර්ජාතික වශයෙන්ද ලැබිලා තිබුනා. ඒ නිසාම 6/10ට වඩා අඩු අගයක් සහිත, නෙගටිව් රිවිව් ඇමසොන් විසින් ඉවත් කරලා තිබ්බා.

හැබැයි මට පෞද්ගලිකව ඇත්තටම මේක අවුලක් වුනේ නැහැ. කතාව සහ විෂුවල් කියන දෙකම මට වාව් ෆැක්ට් එකක්. ඇත්තටම. මම නම් ඕන කෙනෙක්ට මේක රෙකමන්ඩ් කරනවා. ඒ වගේම LOTR සහ හොබිට් කියන සිනමා පට 6ම අමතක කරලයි මම මේක බලන්නේ. ඇත්තටම මේ කතාවට ඒ ෆිල්ම් දෙක වෙනුවෙන් කරන්න දෙයක් නැහැනේ. ගලද්‍රියල් වෙනුවෙන් කළු සමක් සහිත කෙනෙක්ව අරගෙන තිබ්බ නම් ඔන්න කිසිම අවුලක් නැතුව ගේම කෝල් කරනවා. මොකද ඒක පැහැදිලිවම අවුල් සහ ගැලපෙන්නේ නැහැ. මේ යෝධ ප්‍රොජෙක්ට් එක, මිඩ්ල් අර්ත් අයිතිය තියෙන ටොල්කීන්ගේ සියලුම අයිතීන් දරණ ටොල්කීන් ස්ටේට්’හි ඉතාම තදබල නිරීක්ෂණයට ලක්වෙන  සහ ඒ විශ්වය සම්බන්ධ දැනුම සහිත අයගේ උපදස් මත නිර්මාණය වන්නක්. ඉතිං රැල්ලට අවුල් නොකියා පොඩ්ඩක් කතාව ගොඩ නැගෙනකම් බලන් ඉන්න එක තමයි හොඳම මම හිතන්නෙ. ගේම් ඔෆ් ත්‍රෝන් උනත් අපේ අය බලන්න ගත්තෙ සීසන් 3ක් විතර ගියාට පස්සෙ බව මට මතකනේ ඉතිං.  මොකද, රොයිලි අත ගහල නග්ගල ගන්නකම් ඒකට හරියට සබ් එකක් කරන්නවත් කෙනෙක්ව හොයාගන්න බැරුව හිටියෙ අපිට උනත්. ඒ නිසා රැල්ලට චොර කියල නොකියා තමන් විසින්ම මේක බලල සෙට්ද? නැද්ද? කියන තීරණයට එළඹුනා නම් හරි කියලයි මම යෝජනා කරන්නේ. එහෙනම් කතාවට යොමුවෙමු

පසුගිය කොටස් තුළින්,
පලවෙනි කොටසින්ම සිරිස් එකේ ඉන්න ප්‍රධාන චරිත සියල්ලම පාහේ පෙන්නුවා. මුලිකවම ගලාද්‍රියල් සහ සෞරෝන් වටා තමයි කතාව දිවගියේ පලවෙනි කොටසින්. ඒ වගේම මට නම් ආස හිතුනේ නෝරි සහ පොපී කියන හාර්-ෆූට් හොබිට්වරියන් දෙන්නට. ඒ දෙන්නගේ චරිත දෙක නම් නියමයි. බ්‍රොන්වින් සහ අරොන්දිර් දෙන්නගේ ආදර කතාව ගෙතුණ විධියත් ඔවුන්ට වෙන් වෙන්නට සිද්දවෙන විධියත් අපිට දකින්න ලැබුනා මුල් කොටසින්ම. ඒ වගේම මුල්ම එපියෙ අන්තිමටම අහසින් පොලවට කඩන් වැටෙන අමුත්තා වටේට කුතුහලයෙන් යුතුව ගොඩ නැගෙන කතාව ගැන බලාපොරොත්තුවක් දෙවැනි එපියෙ අපිට දකින්න ලැබුනා. මොකද දෙවැනි එපියේ වැඩි කාලයක් එයාට වෙන් කරලා තිබ්බ. මුල් කොටසේදී හයි-කිං විසින් එල්රොන්ඩ් වෙත ශ්‍රේෂ්ඨ එල්ව්ස් කම්මල්කරුවෙකු වෙන වංශවතෙකුව මුනගස්වාලා දුනා. ඒ දෙන්නා යනවා තමන්ගේ විශාල ව්‍යාපෘතියට අවශ්‍යය කරන ශ්‍රමය හොයාගන්න. අපිට හුරු පුරුදු කෙනෙක්ව දකින්න පුළුවන් වුණා ඒ කොටසෙදි, ඒ තමයි ඩුරින් කුමාරයා, එයාලගේ විධි ක්‍රම ගැන, හොබිට් එකේදී විනාශ වෙලා තිබ්බ එයාලගේ රාජධානියේ සශ්‍රිකත්වය දකින්න ඇතිනේ ඒකෙන්. ඒ වගේම අහසින් කඩන් වැටුණු අමුත්තා එයාගේ කතාව කියන්න උත්සහ කරනවා.

බ්‍රොන්වින් සහ අරොන්දිර්ගේ ඉරණම ගැන කොහොමත් අවිනිශ්චිතයි. ඒ අවිනිශ්චිතභාවය එක්ක තමයි අපිට ඉදිරියට යන්න වෙන්නේ. කොහොම නමුත් ඔන්න ඔර්ක් කෙනෙක්ව බෙල්ල කපලම පෙන්නුවා. හරියටම කියන්න බැහැ. ඒත් බ්‍රොන්වින්ගේ පුතා වෙන තියෝ සහ එයා ළඟ තියෙන සෞරෝන්ගේ සලකුණ සහිත අසිපත් කැබැල්ල එක්ක තියෝ රුධිරයෙන් සම්බන්ධ වුණා මතකයිනේ? ඒ Gurthang අසිපත කියලත් කියනවා මම දැක්ක සමහරු. සමහරු කියනවා ඒ මෝර්ගුල් අසිපතක කොටසක්, ඒක අයිති Angmarට කියල. ඇත්තටම කවුරුත් දන්නේ නැහැ හරියටම තවම. කොහොම උනත් මේ කතා මාලාවෙන් අපි දකින නස්ගුල් වෙන්න ඉඩ තියෙනව. ඒ වගේම අමුත්තා ගැනත් තියෙන ජනප්‍රිය මතයක් තමයි එයා ආවට පස්සෙ සහ එයාගේ මිමිනීම් එක්ක සිද්ද වෙන්නෙම නරක දේවල් නිසාත්, ගින්දර එයාට වගේම අවට යටත් හානියක් නොකරන නිසාත්, කණාමැදිරියන්ව මරපු නිසාත්, මේ ඉන්නෙ සෞරෝන් කියල. හැබැයි ඔකේ අනිත් පැත්ත වෙන්නත් ඉඩ තියෙනව. හොබිට්වරු එක්ක ලඟින්ම ආශ්‍රය කරපු කෙනාද දන්නෙත් නැහැ හොඳේ. 😀

කොහොම උනත් ඕවා හරියටම දැනගන්න අපිට කතාව දිගටම බලන්න වෙනවා. එහෙනම් සිව්වැනි කොටසින් මුණගැහෙමු අපි.

“Adar” Season 01 Episode 03 අධ්‍යක්ෂණය : Wayne Yip තිර රචකයින් : John D. Payne & Patrick McKay කතාංගය විකාශය වූ දිනය : September 09, 2022. IMDB අගය:  කතා මාලාව නැරඹීමට අනුමත වයස් කාණ්ඩය (USA) : TV-14

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසි WEB පිටපත සඳහා වලංගු වේ.

16,982 downloadsDownload The.Lord_.of_.the_.Rings_.The_.Rings_.of_.Power_.S01E03.zip75 KB

මේ ලබා දී ඇති සිංහල උපසිරැසි පිළිබද “ශාන් විමුක්ති [විමා]” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

ADMIN MEMBER
JOINING DATE – 2013-02-27
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.