The World Wars [E01] | යුද්ධයේ ආරම්භය… [සිංහල උපසිරැසි සමඟ]

“ඉතිහාසය ඔවුන්ගේ නාමයන් දැනගැනීම පෙර, ඔවුන් සටන් කලේ තම රට වෙනුවෙන්.
පළමු ලෝක යුද්ධයෙදී : ලෝකය ඔවුන්ව වෙනස් කළා. දෙවන ලෝක යුද්ධයේදී : ඔවුන් ලෝකය වෙනස් කළා.”

ලෝක ඉතිහාසය සහමුලින්ම වෙනස් කරමින් ලෝකයම මහත් විපතකට ඇද දැමූ කාලයක් ඇත්නම් අපි දන්නා තරමින්, ඒ පළමු හා දෙවන ලෝක යුද්ධ සමයයි. 1914 සිට 1945 දක්වා වසර 30 කට අධික කාලයක් පුරා යුරෝපය මුල් කරගත් ලෝකය මුහුණදුන් ඒ ඛේදජනක සිදුවීම් මාලාව වාර්තා චිත්‍රපටයක් ලෙසින් මෙලෙස ලොවට ඉදිරිපත් කරන්නේ History නාලිකාවයි. කොටස් තුනකින් සමන්විත මේ කෙටි රූපවාහිනී කතා මාලවේ පළමු කොටස අද සිංහල උපසිරසි සහිතව මේ විදියට ඔයාලා වෙනුවෙන් අරන් එන්නේ හසන්ත වික්‍රමරත්න සහෝගේ ආරාධනාවකට අනුවයි. පළමු ලෝක යුද්ධය ආරම්භ වී වසර 100 සපිරීම නිමිත්තෙන් History නාලිකාව මෙම කතා මාලාව විකාශය කරන්නේ 2014 මැයි 26 වන දින. කතා මාලාවේ සාරාංශය කෙටියෙන් මෙසේ ගොනු කරන්නම්.

History නාලිකාවට අනුව, මෙම වාර්තා චිත්‍රපටයෙන් ගෙනහැර දක්වනවා මානව ඉතිහාසයේ ගමන් මඟ වෙනස් කළ අවුරුදු 30 ක එකී කාල සීමාව. ඊට අන්තර්ගත වෙනවා පැවති ලෝක යුද්ධයන් දෙකම සහ ඒ ලෝක යුද්ධයන් දෙක අතර කාල පරිච්ඡේදය (1914 සිට 1945 දක්වා) තුළ වූ වැදගත් සිදුවීම් සැකෙවින්. කතා මාලාව, ප්‍රවේශය ලබාගන්නේ දෙවන ලෝක යුද්ධය මෙහෙය වූ වැදගත් චරිත කීපයකගේ පෞර්ෂ්‍යත්ව පසුබිම් පාදක කොට ගනිමින්. ඔවුන් නම් ඇඩොල්ෆ් හිට්ලර්, ජෝර්ජ් එස්. පැට්න්, ජෝසෆ් ස්ටාලින්, වින්ස්ටන්ට් චර්චිල් සහ ෆ්රෑන්ක්ලින් රූස්වෙල්ට්. පළමු ලෝක යුද්ධයේදී ඔවුන් ලැබූ අත්දැකීම් තුළින් දෙවන ලෝක යුද්ධයේ හැඩය වෙනස් කරන්නට සමත් වන ආකාරය මනාවට පැහැදිලි කරනවා. මම ලිපිය ආරම්භයට යොදාගත් පාඨය අදාල වන්නේ මෙකී නායකයින්ටයි.

මෙම වාර්තා චිත්‍රපටය තුළ කැටිවන සිදුවීම් මාලාවන් පැහැදිලි කරන්නේ, එක්සත් ජනපද සෙනෙට් සභික John McCain, එක්සත් ජනපද හිටපු ජෙනරාල් සහ රාජ්‍ය ලේකම් Colin Powell, හිටපු බ්‍රිතාන්‍යය අගමැති John Major, හිටපු ඉතාලි අගමැති Mario Monti, හිටපු එක්සත් ජනපද ආරක්ෂක ලේකම් Leon Panetta ඇතුලු තවත් විචාරකයින් කීප දෙනෙක් විසින්. කතා විස්තරය ඉදිරිපත් කරන්නේ (Narrator), Jeremy Renner. එලෙසම මේ කතා මාලාව පටිගත කල පණිවිඩයක් මඟින් ආරම්භයේදී හඳුන්වාදෙන්නේ වර්තමාන ඇමරිකා එක්සත් ජනපද ජනාධිපති, Barack Obama විසින්.

මේ විශිෂ්ට වාර්තා චිත්‍රපටය History නාලිකාව වෙනුවෙන් නිෂ්පාදනය කරන්නේ, The Men Who Built America නම් කෙටි රූපවාහිනී කතා මාලාව වෙනුවෙන් Emmy සම්මාන දිනූ Stephen David Entertainment නිෂ්පාදන ආයතනයයි. ලබාගෙන ඇති IMDb අගය 7.9 ක්. මෙහි ප්‍රධාන චරිත සඳහා රංගන ශිල්පීන් දෙදෙනා බැගින් දායක වී ඇති අතර, පළමු ලෝක යුද්ධයේ තරුණ චරිතයත් දෙවන ලෝක යුද්ධයේ වයස්ගත චරිතයත් ඔවුන් අතින් නිරූපණය වේ.

වින්ස්ටන් චර්චිල් — Ian Beyts, තරුණ චර්චිල් — Tom Vickers
ඇඩොල්ෆ් හිට්ලර් — Hugh Scully, තරුණ හිට්ලර් — Maximilian Klas
බෙනීටො මුසොලිනී — Jonathan Hartman, තරුණ මුසොලිනී — Nabil Vinas
ජෝර්ජ් එස්. පැට්න් — Don Hartman, තරුණ පැට්න් — Matt Dearman
ෆ්‍රෑන්ක්ලීන් රූස්වෙල්ට් — Dino Gigaliano, තරුණ රූස්වෙල්ට් — Kevin McKillip
ජෝසෆ් ස්ටාලින් — Joseph Barbarino, තරුණ ස්ටාලින් — Jacopo Rampini
හිඩෙකි ටෝජෝ — Isao Ota, තරුණ ටෝජෝ — Koji Oshashi
හැරී එස්. ට්‍රමන් — David Mitchum Brown
ව්ලැඩිමියර් ලෙනින් — C. Conrad Cady
වූඩ්රෝ විල්සන්—Judd Bankert

මෙය ලොව සිදු වූ ප්‍රබලතම සත්‍ය සිදුවීමක් නැවත ගෙන හැර දැක්වීමක් නිසා මට උපසිරසි ගැන්වීමේදී ඉතාමත් ප්‍රවේශමෙන් එය කරන්නට සිදුවුනා. ඒ සඳහා හිතුවාට වඩා වැඩි කාලයක් වැය කරමින්. ඔයාලගෙන් ඉල්ලන්නේ මේ අගනා නිර්මාණය නරඹන්න. අපි ප්‍රබන්ධ චිත්‍රපටයක් හෝ රූපවාහිනී කතා මාලාවක් නරඹලා ලබාගන්න තෘප්තියට වඩා වැඩි දෙයක්, වැඩි දැනුමක් අනිවාර්යෙන්ම ඔයාලට ලබාගන්න පුළුවන් බව මට සහතිකයි. ඒ වගේම තමයි මේ කතා මාලාව තෝරාගැනීම සම්බන්ධව ස්තූතිය තනිකරම හිමි විය යුත්තේ බයිස්කෝප් කාර්ය මණ්ඩලයේ හසන්ත වික්‍රමරත්න සහෝදරයාට. මම කලේ උපසිරැසි ගැන්වීම පමණයි. මේ වගේ වටිනා නිර්මාණ ඔයාලා වෙනුවෙන් අරන් එන්න සැලැස්වීම ගැන අපේ ස්තූතිය අනිවාර්යෙන්ම ඔහුට හිමි විය යුතුයි. මෙහි දෙවන කොටසෙන් ඉක්මනින්ම හමුවෙමු. ජයම වේවා…!

“One must regard these 30 years of strife in Europe as part of one story…one story of a 30 years’ war.”
– Winston Churchill

 

 

420 MB කොපිය මෙතනින් බාගන්න

2c9aef822a93bc882775b58a2b1b5f96c1d74689

1.7 GB කොපිය මෙතනින් බාගන්න

3706af79412a7724a85ee79887f41dbe5049feae ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

1,713 downloadsDownload The.World_.Wars_.E01.zip91 KB

 

https://d36zzuvfojr38z.cloudfront.net/wp_content/uploads/2013/12/srimal.jpg මේ ලබා දී ඇති සිංහල උපසිරැසි පිළිබද “යශෝධ ශ්‍රීමාල් අතුරැලියගේ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

                                               All Episodes                       Next Episode >>