Titans 2018 [S01: E01] Sinhala Subtitles | අලුත් ගමනක් එක ඉලක්කයක්…. [සිංහල උපසිරැසි සමඟ]

අපෝ තවත් කොමික් එකක්. ඔව් හැබැයි මේ වතාවේ නම් ටිකක් වෙනස්. හැමෝම නෙට්ෆ්ලික්ස් එකේ දෙන මාවල් කතා වල ගුණ කියනකොට DC එකට ඉතුරු උනේ ගෝතම් කතා මාලාව විතරයි. CW ගැන අපි කතා නොකර ඉමු. මොකද හිත රිදෙන කතා නම් බෝමයි. මේක වෙනස් කියන්න හේතු කාරනා කීපයක්ම තියෙනවා. මම එකින් එක ටිකින් ටික විස්තර කරලා දෙන්නම්. මුලින්ම කියන්න ඕනේ. DC එකෙන් අලුතෙන්ම නාලිකාවක් ඇරඹුවා. ඉතින් ඒ නාලිකාවේ විකාශය වන පළමු කතා මාලාව තමයි මේ Titan කියන්නේ. DC නාලිකාව නමින් DC Universe. ඒ විතරක් නෙමේ මීට කලින් ඔයාල බලපු හැම DC කතා මාලාවක්ම නිර්මාණය උනේ DC වලට සම්බන්ධ නොවූ ආයතන සහ පුද්ගලයන් අතින් නෙමෙයි. ඉතින් Titan කියන්නේ එහෙම අඩු සැලකිල්ලක් දක්වපු කතාවක් නෙමෙයි. මෙහි අධ්‍යක්ෂණය සහ අනික් සියලුම කටයුතු සිද්ධ වෙන්නේ Akiva Goldsman, Geoff Johns, Greg Berlanti, Sarah Schechter, Greg Walker, John Fawcett වගේ කොමික් එක්ක ජිවත් වෙන පිරිසක් තමයි මේ කටයුත්තට අතගහල තියෙන්නේ. කතාව පටන් ගන්නත් කලින් කියන්න ඕන මේ කතා මාලාව දෙවන කතා සමයකටත් දීර්ග කරලා දැනටමත් තහවුරු කරලා අවසානයි. DC කිව්වම හැමෝම දන්න ඒ අඳුරු තේමාව මේ කතා මලාවේදීත් බලාපොරොත්තු වෙන්න වෙනවා. ගෝතම් ආරම්භයේදීත් එතරම් පිරිසක් එකතු නොවුනත් අද වනවිට ඒ දේවල් බිඳ වැටිලා ඒ වටා විශාල පිරිසක් එකතුවෙලා ඉන්නවා. ඉතින් පටන් ගන්නකොටම මැජික් බලාපොරොත්තු නොවී කතාවක් නම් අවසානයක් වෙනකන් බලන්න කියන ඉල්ලීම කරලා මම වටපිටාව සුද්ධ කරන්න පටන් ගන්නම්. 

කවුද මේ Titan කියන්නේ?

ඇත්තටම කියනවා නම් මේ පිරිසත් ජස්ටිස් ලීග් එක වගේම තමයි. හැබැයි වෙනස් වෙන්නේ එයාලගේ මට්ටම අනූව. ජස්ටිස් ලීග් එකේ ඉන්නේ ටිකක් ලොකු අතු ටික කිව්වොත් නිවැරදියි. ඒ ගැන කියන්න ඕන නැහැනේ. සුපර්මෑන්, බැට්මෑන්, ඇක්වාමෑන්, වොන්ඩර් වුමන්, ෆ්ලෑෂ්, සයිබෝර්ග්, මාෂන් මෑන් හන්ටර්, ග්‍රීන් ඇරෝ වගේ අය තමයි ඉහල මට්ටමේ වීරයෝ උනේ. ඊට අමතරව මේ ඉහල මට්ටමේ අයට ඉන්නවා අත් උදව්වට වගේ තරුණ වයසේ වීරයෝ ටිකක්. ඒ අය තමයි මේ කතා මාලාවේ ප්‍රධාන චරිත වෙන්නේ. අත් උදව්වට කිව්වට ඒ චරිතත් ගොඩක් ප්‍රසිද්ධ චරිත වගේම අපි හැමෝම දන්නවා. බැට්මෑන්ගේ ගෝලයෝ කීප දෙනක් ඉන්නවා කියල දන්නවනේ. ඉතින් එතනින් පළවෙනිම රොබින් තමයි ඩික් ග්‍රේසන් කියන්නේ පසුකාලීනව නයිට්වින්ග් යන අනුවර්ථ නාමයෙන් පෙනී හිටින්නෙත් ඔහුම තමයි. ඒ වගේම බීස්ට් බෝයි, ස්ටාර් ෆයර්, හොව්ක් සහ ඩෝව්, රේවන් කියන චරිතත් මේ කණ්ඩායමට අයත් වන සාමාජිකයන්. මේ අයට තියෙන්නේ වෙනස්ම වූ හැකියාවන්. ඒ ගැන මම කියන්න යන්නේ නැහැ මොකද කතා මාලාව අතරතුර ඒ ඒ අයට අදාළ හැකියාවන් ඔයාලට පැහැදිලිවම දැකගන්න ලැබේවි. කොමික් ඉතිහාසය දිහාට ගමන් කලොත් මේ චරිත ගැන මුල්ම ඉඟිය ලැබෙන්නේ 1964 වසරේ ප්‍රකාශිත The Brave and the Bold#54 තුලින් නිර්මාණය උන Teen Titans කණ්ඩායම තුලින්. ඒ කණ්ඩායමේ මුල්ම සාමාජිකයෝ උනේ  කිඩ් ෆ්ලෑෂ් (Wally West), රොබින්, and ඇක්වාලෑඩ් (Garth) කියන චරිත සමගින්.  ඇක්වාලෑඩ් කියන්නේ ඇක්වාමෑන්ගේ සහයට හිටපු තරුණ සුපිරි වීරයෙක්.  පසු කාලීනව වොන්ඩර් ගර්ල් හෙවත් ඩොනා ට්‍රෝයි එකතු වෙනවා. පසුව වසර 20ක් පමණ නිහඬ වෙන මේ කණ්ඩායමට අදාළ කොමික් පිටපත් නැවත අලුත් චරිත සමඟින් 1980 වසරේදී නිකුත් වීම ආරම්භ වෙනවා. සයිබෝර්ග්, ස්ටාර්ෆයර්, රේවන් සහ Doom Patrol කණ්ඩායම් සාමාජික බීස්ට් බෝයි මේ කණ්ඩායමට එකතු වෙන්නේ මේ සමඟිනුයි.“The Judas Contract” වගේ ජනප්‍රිය කොමික් පොත් නිකුත් වෙන්නේ මේ කණ්ඩායම එකතු වීමත් සමගින්. මේ අනුසාරයෙන් පසු කාලීනව Young Justice  කණ්ඩායම නිර්මාණය වෙනවා.  පසුව 2011 වසරේදී New 52 කොමික් නිකුතුව සමඟින් තව චරිත හඳුන්වා දුන් අතර එහි අසාර්ථකත්වය මත 2016 වසරේදී නැවත DC Rebirth නමින් මේ චරිත සියල්ලම ඒකරාශී කරගෙන නැවත කොටස් පහකින් යුතුව Titans Hunt යටතේ කොමික් පොත් රාශියක් නිකුත් උනා. 

1. The Return of Wally West
2. Made in Manhattan
3. A Judas Among Us
4. Titans Apart
5. The Spark

ඊට අමතරව පහත දැක්වෙන කොමික් පොත් වලත් Titans කණ්ඩායම සම්බන්ධව විස්තර දකින්න  ලැබෙනවා.  

• The Lazarus Contract
• Super Sons of Tomorrow
• Dark Knights: Metal: The Resistance

මේ දේවල් හැම දෙයක්ම මුල ඉඳන් කියාගෙන ආවේ ඒක හේතුවක් නිසා. මොකද අපි දන්නේ නැහැ අපි මේ අද බලන්න යන කතා මාලාවේ ආරම්භය මොන කොමික් පොත මොන වසරේ නිකුත් උන කලාපයකින් ආරම්භ වෙනවද කියල. ලැබෙන ආරංචි වල හැටියට DC Rebirth වලින් පටන් ගත්ත කොමික් කලාප පදනම් කරගෙන මේ කතාව දිවෙනවා කියල තමයි දැනගන්න ලැබෙන්නේ. ඒ ආරංචි වල සත්‍ය අසත්‍යතාව දැනගන්න කතාවේ කොටස් දෙක තුනක් බලන්නම වෙනවා. 

ඒ වගේම මේ කතා මාලාව ගැන කසුකුසුම ආරම්භ උනේ ඊයේ පෙරේදක නෙමෙයි. මේ කතාමාලාව ගැන මුලින්ම ආරංචිය එන්නේ 2014 සැප්තැම්බර් වල TNT නාලිකාවෙන් මේ කතාමාලාව නිර්මාණය කරනවා කියන පුවත සමඟින්. ආරම්භයේදී නම් කිව්වේ ඒ වසරේ දෙසැම්බර් වලදී පළමු කොටස දකින්න ලැබෙනවා කියල.  නමුත් නිෂ්පාදන කටයුතු එක්ක එය තවත් කල් දැමුනා වගේම 2016  ජනවාරි මාසයේදී TNT ආයතනය නිලවශයෙන් නිවේදනය කෙරුවා මේ කතා මාලාව ඔවුන් නිෂ්පාදනය කිරීම අතහැර දැමුවා කියල. පසුව 2017 අප්‍රේල් මාසයේදී තමයි අපි අද මේ එකතු වන කතාමාලාව ගැන නිල වශයෙන් දැනුම් දීම කරනු ලැබුවේ. කලින් කිව්වා වගේම මෙහි දෙස සීසන් එකත් නිර්මාණය කරන්න දැනට තීරණය කර අවසන්. මෙයින් පසු සිදුවීම් අලලා ගෙන Doom Patrol නමින් තවත් ස්පින් ඔෆ් කතමාලාවක් දැකගන්නත් ලැබෙනවා. ඒවා නම් කටකතා නෙමයි නියත වශයෙන්ම සිදුවන සහ දැනටත් රූගත කිරීම් පවා සිදු වන කතා මාලාවක්. ඒ වගේම මේ කතා මාලාව කොටස් 13 කින් සමන්විතයි. පහත දැක්වෙන්නේ අදාල කොටස් වලට ලැබිලා තියෙන නම්. 

ඒ වගේම මේ කතා මාලාව සඳහා උපසිරැසි සපයන්න අපිත් එක්ක සුපුරුදු වගේම රූපවාහිනී කතාමලාවලට නුපුරුදු  මුහුණුත් එකතු වී තිබෙනවා. මේ කොටස සහ 7 වෙනි කොටස මගේ දායකත්වය යටතේත්. අනික් කොටස සඳහා  ශාන් විමුක්ති, නිලුපුල් මධුකප්‍රිය, ලහිරු ප්‍රසාද් එකතු වී තිබෙනවා. එහෙනම් අද කොටස මෙහම පටන් ගම්මු ඉදිරියේදී ඔයාලට මේ ගැන ලිපි වලින් තව විස්තර ලබා දෙන්න අපේ අනික් උපසිරසිකරුවන් මගබලාගෙන ඉන්නවා.  එහෙනම් ගිහින් එන්නම් හැමෝටම ජයෙන් ජය!!!!

 

 

 

Due to copyright issues, we no longer provide any torrent links.

ලබා දී ඇති උපසිරසි WEB පිටපත් සඳහා අදාළ වේ.

14,541 downloadsDownload Titans-2018-S01E01.zip18 KB

මේ ලබා දී ඇති සිංහල උපසිරැසි පිළිබද “හසන්ත වික්‍රමරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

ADMIN MEMBER
JOINING DATE – 2012-12-29
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.