True Detective [S01 : E02] | යම් යම් දේ දැකීම… [සිංහල උපසිරැසි සමඟ]

ඔන්න යාළුවනේ True Detective කතා මාලාවේ දෙවෙනි කොටසත් සිංහල උපසිරැසි යොදලා ඔයාලට අරගෙන ආවා. පහුගිය දවස් වල තිබුන කාර්යබහුලත්වය නිසා මේ කොටස දෙන්න ටිකක් ප්‍රමාද උනාට ඊලඟ කොටස් ටික හැකි ඉක්මනින් ලබා දෙන්න උත්සාහ කරනවා. මේ දෙවෙනි කොටසටත් 9.1/10ක් තරම් ඉහල ඇගයුම් අගයක් IMDb වෙබ් අඩවිය තුලින් ලැබිලා තියෙනවා. මේ කොටස රූපවාහිණියේ ප්‍රචාරය උනේ 2014 ජනවාරි මස 19 වෙනිදායි. මෙම කොටසින් රහස් පරීක්ෂක රස්ට් කෝල්ගෙ ජීවිතේ අඳුරු පැතිකඩ පෙන්නුම් කරන බව තමයි විචාරකයන් පවසන්නේ.

ඔයාලට මතක ඇතිනේ පහුගිය කොටසෙදි අපේ රහස් පරීක්ෂවරු දෙදෙනාට අපූරු විදිහට ඝාතනය කරපු කාන්තාවක් ගැන හොයන්න පැවරෙනවා කියලා. නමුත් හිතාගෙන ඉන්න තරම් ලේසියෙන් මේ ඝාතන සිද්ධිය විසඳන්න ලැබෙන්නෙ නෑ. ඒ උනාට මිය ගිය කාන්තාව කවුද කියලා ඔවුන්ට හොයාගන්න පුලුවන් වෙනවා.

මේ කොටසෙදි කෝල් සහ මාටි විසින් මිය ගිය කාන්තාව වන ඩෝරා නැමැත්තියගේ නෑදෑයන් සහ හිතවතුන් සොයාගෙන ගිහින් ඔවුන්ගෙන් ප්‍රශ්ණ කරනවා. එම ප්‍රශ්ණ කිරීම් වලදී ඩෝරා ගණිකා නිවාසයක වැඩ කල බවත් එහිදී ඇය නිතර නිතර පල්ලියකට ගිය බවත් අපේ රහස් පරීක්ෂකවරු දෙපලට දැනගන්න ලැබෙනවා. ඒ ගණිකා නිවාසය පිහිටි ස්ථානය ගැන කවුරුවත්ම හරියට කියන්න දන්නෙ නැහැ. ඒ නිසා ගණිකා නිවාසය තියෙන තැන හොයාගන්න එක ඔවුන්ට ලේසි වෙන්නෙ නෑ. ඒ වගේම අපේ මේ රහස් පරීක්ෂක වරුන්ට මේ පරීක්ෂණය සිදු කිරීමට යම් යම් බාධාවන් ඇති වෙනවා. එහෙම වෙන්නේ අනිත් සිද්ධි වලට වඩා මේ සිද්ධිය විසඳීමට ඔවුන්ට සෑහෙන්න කාලයක් ගත වෙන නිසා.

ඉතින් යාළුවනේ, අපේ රහස්පරීක්ෂවරුන්ට අර ගණිකා නිවාසය හොයාගන්න පුළුවන් වේවිද? එහේ ඉන්න අය ඩෝරා ගැන හෝඩුවාවක් ලබා දේවිද? ඇය නිතර නිතර ගිය පල්ලිය මොකක්ද? ඇගේ මරණය හා එම පල්ලිය අතර යම් සම්බන්ධතාවයක් තියෙනවද? යම් යම් දේ දකින තැනැත්තා කවුද? කෝල්ට සහ මාටිට මෙම පරීක්ෂණය සිදු කිරීමට ඇති බාධාවන් මොනවද? රස්ට් කෝල් ගෙ ජීවිතේ අඳුරු පැතිකඩ මොකක්ද? කියලා කතාව බලලම දැනගන්න. ඉක්මනින්ම තුන්වන කොටසින් හමුවෙමු. හැමෝටම ජය වේවා!!

 

 

11,757 downloadsDownload True.Detective.S01E02.zip121 KB

 

මේ ලබා දී ඇති සිංහල උපසිරැසි පිළිබද “දිනිඳු සම්පත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

 

<< Previous Episode                            All Episodes                              Next Episode >>