Vadh (2022) Sinhala Subtitles | මම මිනීමැරුවෙ නෑ..!! [සිංහල උපසිරසි]

ඉතින් සැලකිය යුතු කාලෙකට පස්සේ තමයි සිනමා නිර්මාණයකට උපසිරැසි මේ අරන් එන්නේ. මීට කලින් බාර ගත්තු සිනමාපට කිහිපයක්ම ගොඩගැහිලා තියෙනවා. ඉතින් පුළුවන් හැටියට ඒවත් අරන් එන්නම් කියන බලාපොරොත්තුවෙන් අද අරන් ආපු සිනමාපටය දිහා බලමු. මේ අරන් එන්නේ ඊයේ දවසේ අලුතින්ම නෙට්ෆ්ලික්ස් ඔස්සේ මුදාහැරුණු හින්දි සිනමාපටයක්. නම දකින්න ඇතිනේ, Vadh (2022). Crime|Drama|Thriller ඝනයට තමා මේ චිත්‍රපටිය අයත් වෙන්නේ. Drishyam, Tabbar වගේ ඉන්දියානු නිර්මාණ විඳපු අය මේකටත් කැමති වෙයි කියලා හිතනවා. ජාත්‍යන්තර සිනමා දර්ශකයෙත් Vadh අරගෙන තියෙනවා 7.4ක සෑහෙන අගයක්. චිත්‍රපටය කරපිට තියාගෙන යන්නේ ප්‍රවීණ, ප්‍රතිභාපූර්ණ නළු නිළි දෙපළක්. ඒ තමයි Sanjay Mishra සහ Neena Gupta. හින්දි සිනමා ප්‍රේක්ෂක ඔබට නම් ඒ නම් දෙක විතරක්ම ප්‍රමාණවත් වෙයි මේ චිත්‍රපටිය නරඹන්න හේතුවක් හොයනවා නම්.

ඉතින් කතාව පොඩ්ඩක් කියලා ඉන්නම්. ෂම්බුනාත් මිශ්‍රා සහ මංජු මිශ්‍රා කියන්නේ තමන්ගේ මහළුවිය ගෙවමින් කාටවත් කරදරයක් නැතුව පාඩුවේ ජීවත් වෙන ජෝඩුවක්. එයාලට එක පුතෙක් හිටියා. දැන් එයා ඇමෙරිකාවේ රැකියාවක් කරන ගමන් එහෙ පිළිවෙලක් වෙලයි ඉන්නේ. මේ ෂම්බුනාත් සහ මංජු දහ අතේ ණය වෙලා තමයි කොල්ලව රට යැව්වේ. හැබැයි කොල්ලට නම් දැන් එයාලා ගැන වගේ වගක්වත් තිබ්බේ නැහැ. වෙච්ච ණය ටික ගෙවාගන්න එකත් දැන් මිශ්‍රා ජෝඩුවගේ කරපිටටමයි පැටවිලා තිබ්බේ. ඔය අතර එයාලා ණය ගත්ත හාදයෙක් නිතර නිතර එයාලගේ ගෙදරට රිංගන්න ගන්නවා. කිසිම ඇහිල්ලක් බැලිල්ලක් නැතිවම අනවසරයෙන් මේ මනුස්සයා හිටි හැටියෙම ගෙට කඩා වදිනවා. මේ මිනිහගේ නම පාන්ඩේ. මිනිහා එච්චර හොඳ කල්කිරියාවක් තියෙන හාදයෙක් නම් නෙමේ. ඉතින් දවසක් ෂම්බුනාත්ට බැරිවුණා අර යට කිව්ව මිනිහට ගෙවන්න තිබ්බ ණයපොලි ගාන ගෙවන්න. ඒකට හිලව්වක් විදිහට පාන්ඩේ කරේ ගෑනියෙක්වත් එක්කන් ඇවිල්ලා එදා රෑ ෂම්බුනාත්ගේ ගෙදර කාමරයක ගත කරපු එකයි. මේ විදිහට ෂම්බුනාත්ට සහ මංජුට දරාගන්න බැරි තරමේ කරදර මේ පාන්ඩේ කියන මිනිහා සිද්ධ කරා. එදා ෂම්බුනාත් ගෙදර හිටියේ තනියම. ඒ මෙයාලගේ ඉරණම සම්පූර්ණයෙන්ම වෙනස් වෙන දවස වුණා. හිටිහැටියේම පාන්ඩේ ගෙදෙට්ට කඩාවැදුනා. ඒ හොඳටම බීගෙන…

ඉතින් ඊට පස්සේ මොකක්ද වුණේ? මේ ජෝඩුවගේ ඉරණම් කතාව වෙනස් වෙන තරමටම සිද්ධ වුණේ මොකක්ද? මේ පැය 1.45 පුරාවටම මේ Thriller එක්ක ඔට්ටු වෙන්න කියලා කියන ගමන් මං සමුගන්නවා. පුළුවන් වෙලාවකට තවත් සිනමාපටයක් අරන් එන්නම්. ජයවේවා.

Due to copyright issues, we do not provide any torrent links.

මෙම ලබා දී ඇති උපසිරසි HQ HDRip පිටපත් සඳහා අදාළ වේ.

[author]

මේ ලබා දී ඇති සිංහල උපසිරැසි පිළිබද “PHOENIX” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author]

Subtitle Contributor Rank
PLATINUM MEMBER
JOINING DATE – 2014-01-28
SUB MAKER RATING BY ADMINS

[box]

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

[/box]