Virupaksha (2023) Sinhala Subtitles | විනාශය අභිමුව ගම රැක ගැනීමට විරූපාක්ෂා ස්වරූපයෙන්. [සිංහල උපසිරසි]
රුද්‍රවනම් නම් ගමේ වෙන්කටාචලපති හා ඔහුගේ බිරිඳ ගස් බැඳ, පණපිටින්ම ගිනි තියලා මරලා දානවා. මොකද ඒ වෙද්දි රුද්‍රවනම් ගමේ ළමුන් වසංගත රෝගයකින් දිගින් දිගටම මිය යමින් සිටියා. වෙන්කටාචලපති ක්ෂුද්‍ර මන්තර(කොඩිවින, හූනියම් ආදි) පාවිච්චි කරලා මේ වසංගතය බෝ කරා කියලා ගම්මු සැක කරා. ස්ත්‍රිය මැරෙද්දි මේ ගමට ලබන පුෂ්කරම් උත්සවය උදා වෙද්දි රුද්‍රවනම් විනාශ වෙලා යාවි කියලා ශාප කරනවා. දැන් ඒ සිද්දියෙන් අවුරුදු 12කට පස්සෙ ඊලඟ පුෂ්කරම් උදාවෙලා තියෙන්නෙ. ගම්මු උත්සවය ජයටම සමරන්න ලක ලැහැස්ති කිරීම් කරනවා. රුද්‍රවනම්වල හැදී වැඩුණු අනුසුයම්මා අවුරුදු ගණනාවකට පස්සෙ තමන්ගේ පුතා සූරියා එක්ක රුද්‍රවනම් වලට එනවා. සූරියාට මේ ගමේදී ප්‍රධානියාගේ දුව නන්දිනී ආශ්‍රය කරන්න ලැබෙනවා. නන්දිනී දඩබ්බර, ස්වාධීන, ආත්ම පෞරුෂත්වයක් තිබුණු තරුණියක්. මේ නිසාම සූරියා ඇයට තවත් වැඩියෙන් කැමති වුණා. සූරියා එක් වතාවකදී ඇයගෙන් කැමැත්ත අහනවා. මොකද ඒ වෙද්දී නන්දිනී වචනයෙන් නොකිව්වත් සූරියාට ආදරයෙන් බැඳිලා හිටියා. කොහොමහරි සූරියා ගමෙන් පිටවෙන්න කලින් තමන්ට උත්තරයක් දෙන්න කියලා ඉල්ලනවා. නන්දිනීට පුංචි කාලයේ ඉඳන්ම අපස්මාරය රෝගය සෑදී තිබුණා. මේ රෝගයට බෙහෙත් කරන්න පවා ගමෙන් පිටවෙන්න කැමති වුණේ නැහැ, බොහෝම මුරණ්ඩු වුණා.
නන්දිනී රුද්‍රවනම්වලින් පිටවෙන්න දැඩිවම අකැමැති හින්දා සූරියාව කසාද බැඳලා නගරයට යන්න එකඟ වෙන්නේ නම් නැහැ. ඔය අතරේ දේවාලයේ චාරිත්‍රය කරන්න බාර වෙලා තිබුණ සිද්දයියා අතුරුදහන් වෙලා. ගම්මු දේවාලයට රැස් වෙලා ඉද්දි සිද්දයියා එතැනට එනවා. දේවාලය ඇතුලට යන සිද්දයියා ලේ වමනේ කරලා මැරෙනවා. පූජකතුමා මේ සිද්දිය විමසා බලලා දේවාලයේ මෑණියන් අපවිත්‍ර වුණා කියලා හොයාගන්නවා. ඊට ප්‍රතිකර්මයක් විදියට රුද්‍රවනම් ගම වටකරලා අට දිශා බන්ධනය පිහිටුවන්න වෙනවා. මේ කාලය අතරතුරේදි ගමේ කාටවත්ම ගමෙන් පිටවෙන්න බැහැ. ඒ වගේම පිටස්තරයින්ද ගමෙන් පිටවන්නට කියනවා. අනුසුයම්මා වසර 12කටත් වැඩි කාලයක් රුද්‍රවනම් හිටියේ නැති නිසා අනුසුයම්මාට ගමෙන් පිටවෙන්න අවසර දෙනවා. මේ වනතුරුත් නන්දිනී ඇයගේ පිළිතුර සූරියාට කියලා තිබුණේ නැහැ. සූරියා දැඩි අකමැත්තෙන් වුණත් ගමෙන් පිටවෙලා යන්න යනවා. ඒ වෙද්දිත් ගොම්මන් යාමය ළං වෙලා තිබුණේ.
ගමෙන් පිටවෙලා වැඩිදුර යන්න කලින් සූරියාට නතරවෙන්න වෙනවා. ආපහු රුද්‍රවනම් ගමේ සීමාව ඇතුලට එන්න වෙනවා. සූරියා ගමට ඇතුල් වෙනවාත් එක්කම අට දිශා බන්ධනයෙන් ගම මුද්‍රා තබනවා. සූරියාට බන්ධනය ඉවත් කරනකල් ආයේ ගමෙන් පිටවෙන්න බැහැ. සූරියාට විතරක් නෙවෙයි ගමේ කාටවත්ම ගමෙන් පිට වෙන්නත් බැහැ. පිටස්තරයින්ට ගම ඇතුලට එන්නත් බැරි බවටත් සඳහන් කරලා ගමේ සීමා මායිමේ දැන්වීම් පුවරු සවි කලා. රුද්‍රවනම් ගමට වින කරන්නේ වෙන්කටාචලපතිගේ ශාපයද? මේ කතාවේ ආරම්භයෙන් බිඳක් විතරයි. ඇත්තම කතාව පටන් ගන්නේ මෙතැන ඉඳන් වුණත්, මේක පැටළිලි සහිත අද්භූත කතාවක්.
විරූපාක්ෂා කතාව 1989 – 1991 අතර සමයේ සිදුවන සිදුවීම් මාලාවක් රැගත් කතාවක්. මේ හොරර් ත්‍රිලර් චිත්‍රපටයේ අධ්‍යක්ෂණය කරනු ලැබුවේ කාර්තික් වර්මා ඩන්ඩූ. ප්‍රසිද්ධ තෙළිඟු සිනමා අධ්‍යක්ෂක සුකුමාර් මෙහි කතාව රචනය හා නිෂ්පාදනය කර තිබෙනවා. අති සාර්ථක ලෙසින් තිරගත වූ විරූපාක්ෂා, පළමු දිනයේ ඉ.රු. කෝටි 12ක් උපයා ගැනීමට සමත් වෙනවා. නිකුත් වී දින 4කින් ඉ.රු. කෝටි 50 සීමාවද, තෙවන සතියේදී කෝටි 100 සීමාව පසු කරනු ලැබුවා. මුල් සති තුල බොහෝ සිනමාහල් ද “හවුස්ෆුල්” වී තිබුණා. ඒ වගේම ප්‍රේක්ෂකයින් හා විචාරකයන්ගේ ඉහළ ධණාත්මක ප්‍රතිචාර මීට හිමි වුණා. 2023 අප්‍රේල් මස 21 දින තෙළිඟු භාෂාවෙන් පමණක් නිකුත් වූ මෙම චිත්‍රපටය හින්දි, මලයාලම්, දෙමළ භාෂා වලින් හඬ කැවීම් කර මැයි 5 දින සිනමශාලාවලට නිකුත් කරනවා.
සම්‍යුක්තා මේනන්, සයි ධරම් තේජ්, සුනිල්, බ්‍රහ්මාජි, අජෛ, රජීව් කනකලා, රවි ක්‍රිෂ්ණා යන අය රංගනයෙන් දායක වෙනවා. ධරම් තේජ්ට අනතුරකට ලක්ව සිටි නිසා රඟපෑමේදී කැපී පෙනන අඩුපාඩු සිදුවුණා. සම්‍යුක්තා තම රංගන කුසලතාවයන්ගෙන් සම්පූර්ණ චිත්‍රපටයම තම ආධිපත්‍යයේ රඳවා ගන්නවා. ඇයට බොහෝ පැසසුම් හිමි වී තිබුණා. මලයාලම් සිනමාවෙන් සිනමාවට පිවිසි සම්‍යුක්තා තෙළිඟු සිනමාවේ Bheemla Nayak (2022), Bimbisara (2022), Sir (2023)[Vaathi] යන චිත්‍රපටවල දකින්න ලැබුණා. ඉදිරියේදී කල්‍යාන් රාම්ගේ ඩෙවිල් චිත්‍රපටයේත්, ත්‍රිවික්‍රම් අධ්‍යක්ෂණය කරන අල්ලු අර්ජුන්ගේ චිත්‍රපටයක ප්‍රධාන නිළි චරිතය ලෙස තෝරාගෙන ඇති බව සඳහන් වෙනවා. තේජ් තම මාමා පවන් කල්‍යාන් සමඟින් Bro චිත්‍රපටයේ එකට රංගනයේ යෙදෙනවා. එය Vinodhaya Sitham (2021) නම් දෙමළ චිත්‍රපටියේ ප්‍රති නිර්මාණ චිත්‍රපටයක්. විනෝදය සිතම් හා බ්‍රෝ චිත්‍රපටයද අධ්‍යක්ෂණය කරනු ලැබුවේ සමුත්‍රකනී විසින්.
ඔන්න දැන් බයිස්කෝප් සිංහලෙන් වෙබ් අඩවියට නව මුහුණුවරක් ලබා දීලා තියෙනවා. මේ කාලය ඇතුලත බයිස්කෝප් සිංහලෙන් වෙබ් අඩවිය මේ මුහුණුවරට ගේන්න යාවත්කාලීන කිරීමක් වගේම, විශාල නඩත්තු වැඩකටයුතු රාශියක් සිද්ද වුණා. ඒ අතරේ ඉඳහිට වෙබ් අඩවියට ඇතුල් වෙන්නත් බැරි වුණා. ඒ වගේම මාසයකට වඩා වැඩි කාලයකින් උපසිරැසි නිකුත් කරේ නැහැ. ගොඩක් අය වෙබ් අඩවිය යාවත්කාලීන කරනකල් නොඉවසිල්ලෙන් හිටියා කියලත් අපි දන්නවා. දැන් අපි ආයේ හෙමිහිට උපසිරැසි දෙන්න ගත්තා. ඉතින් තවත් උපසිරැසියකින් හැකි ඉක්මනින්ම හමුවෙන්නම්. අනිවාර්යයෙන්ම අඩුපාඩු, යෝජනා, චෝදනා අදහස් කොමෙන්ටුවකින් දක්වන්න අමතක කරන්න එපා. හැමදාමත් වගේම බයිස්කෝප් එක්ක ඉන්න ඔයාලා හැමෝටම ආදරෙයි!
බුදු සරණයි! සියලු දෙවි දේවතාවුන්ගේ රැකවරණයි!
Due to copyright issues, we do not provide any torrent links.
මෙම ලබා දී ඇති උපසිරසිය HQ HD පිටපත් සඳහා ලබා දි ඇත.
10358 downloads
මේ ලබා දී ඇති සිංහල උපසිරැසි පිළිබද “රවිඳු නවින්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.
Subtitle Contributor Rank
ADMIN MEMBER
JOINING DATE – 2017-06-14
SUBMAKER RATING BY ADMINS
ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.
බොහොම ස්තූතියි සිංහල උපසිරැසියට. ජය෴෴ 😛 😛
මේ උතුම් සත් කාර්යය වෙනුවෙන්
මාගේ ගෞරවණීය ප්‍රණාමය ඔබට පුද කරමි
සිංහල උපසිරසියට බොහොම ස්තුතියි,
බුදු සරණයි!!ජය වේවා!!!
අනිත් අය වෙනුවෙන්,තමන්ගේ කාලය කැප කරගෙන මේ කරන වැඩේට
ආදරෙයි..ආ ..
THANK YOU
තමුන්ගෙ පෞද්ගලික වැඩ රාජකාරි මැද සිංහල උපසිරැසිය ගේන්න වුන මහන්සියට රෙස්පෙට් මචං….
♥♥☻☻…බොහෝම ස්තූතියි උපසිරැසියට…☺☺♥♥
සබ් එකට බොහොම ස්තූතියි. මේක නම් ලොවෙත් බැලිල්ලක් තමා
Nice Look!!!!!!!!!!!!!!!!!!!!!!!!!!!!!!!!
බොහොම ස්තූති මල්ලි
Sub akta thanks
Veeran (tamil-2023)
Raavana kottam(malayalam-2023)
Tamilarasan(tamil-2023)
Vamanan(malayalam-2023)
ඔය ෆිල්ම් වලටත් පුලුවන් විදියට සබ් දෙමු සහෝ