We Need to Talk About Kevin (2011) Sinhala Subtitles | අධමයෙකුගේ හෝරාව… [සිංහල උපසිරැසි සමඟ] (18+)

ඔබ මොන ආගමක වුනත් මොන ජාතියක කෙනෙක් වුනත් අපි හැමෝම දන්නව මිනිස් ජීවිතය කියන්නෙ මොනතරම් උතුම් දෙයක්ද කියන එක. ඉතින් මේ මිනිස් ජීවිතය ලබන්න අපි මොනතරම් වාසනාවන්ත ඇති ද? නමුත් මෙහෙම උපන් සමහර මිනිසුන් ඉන්නව වචනයේ පරිසමාප්තාර්ථයෙන්ම තිරිසනුන් වන. ඒ ඔවුන්ගේ පරිසරය වෙන්නට පුළුවන්, තවත් විටෙක ඒ ඔවුන්ගේ උපන් ස්වභාවය වෙන්නට පුළුවන්… නමුත් මොනව කියන්නත් කලින් මගේ එකම පැතුම වනයේ වන හතුරෙක්ටවත්මෙ වන් ළමයෙක් නම් උපදින්නට එපා කියන එකයි… මොකද මනුස්සයෙක් වශයෙන් මම හිතන හැටියට උහුලන්න පුළුවන් ලොකුම දුකත් ඒකම තමයි….

ඒවා නම් වන ඇයගේ චරිතයත් එකක් තමයි මේ කතාව ගලාගෙන යන්නෙ නමුත් මෙහි කතාව මම හිතන හැටියට නම් ලොකු ඉඩක් වෙන් කරන්නෙ ඇයගේ වැඩිමහල් පුතා වෙනුවෙන්. තමුන්ගේ කුළුදුල් දරුවට හැම අම්මෙක්ම ගොඩක් ආදරෙයි… විශේෂයෙන් ඒ දරුව පුතෙක් වුණාම…. (ඒක එහෙම නොවුනත් අපි වැඩිමහල් දරුවන් හැටියට එහෙමයි හිතා ඉන්නෙ 😉 ). මේ කුඩා දරුව ආරම්භයේ සිටම ටිකක් අභියෝගයක් වෙනව මවට… නමුත් ඒ මවට පමණයි… පියා ඉදිරියේ ඔහු සුර දූතයෙක්… නමුත් විටෙක මවත් කටයුතු කරන ආකරය දැක්කම ළමයා ගැන දුකක් ඇති නොවෙනව නෙමෙයි.. නමුත් ඔහු මුර්ගයෙක්… මේ කතාව ආරම්භයේ සිට අවසානය දක්වා එක අන්තය සිට ගලාගෙන යන්නක් නෙමෙයි, කතාවේ ආරම්භය සිද්ධ වෙන්නේ කතාවේ මැද කොටසින් නමුත් අපි කතාවට සම්බන්ධ වෙන්නේ අවසානයෙන්…. ඉතින් මේ කඩා ඉහිරුන කතාව එක්කාසු කරගැනීම අපිට භාරයි නමුත් ඒ එක්කාසු කරගන්නා කතාව නම් කොහෙත්ම සතුටුදායක එකක් නෙමෙයි… මොකද මේ කතාවේ අපි මේ කතා කරන පුතනුවන් මේ වෙනකොට අවුරුදු 18 කට ආසන්න වයසේ පසුවෙන ළමා සිරකරුවෙක්. ඔහු එතනට එන්නට සිද්ධ කල ඒ අප්‍රසන්න කතාව හා ඒ නිසාවෙන් සමාජයෙන් කොන්වෙන ඔහුගේ මව ගැන තමයි සිත රිදවන පැය 1 කුත් විනාඩි 52 ක් වන මේ කතාව ගලා යන්නෙ.

2011 වසරේ ඔක්තෝබර් මස 21 වැනිදා තිරගත වීම ආරම්භ වුන ගෝල්ඩන් ග්ලෝබ් සම්මානයක් හා තවත් සම්මාන 62 ක් වෙනුවෙන් නාමයෝජනා ලද, සම්මාන 27 ක් දිනාගත් Drama, Mystery, Thriller කාණ්ඩයන් නියෝජනය කරන මේ අගනා සලරුව Lynne Ramsay විසින් තමයි අධ්‍යක්ෂණය කරන ලබන්නේ, පිටපතත් ඇය විසින්මයි නිර්මණය කරන්නේ නමුත් මේ වතාවේ මෙය හුදෙක්ම ඇයගේ අදහසක් නෙමෙයි, Lionel Shriver අතින් ලියවුන මේ කතාවට පාදක වුන ග්‍රන්ථය 2003 දී තමයි දොරට වඩින්නේ. IMDB මීටරයේ 7.5 ක් අගයක් වගේම රෝටන් ටෝමාටෝ මීටරයේ 76% ක අගයක් ලබාගත් මේ නිර්මාණය වෙනුවෙන් ඇමරිකාවේ සුප්‍රසිද්ධ සිනමා විචාරකයෙක් වෙන රොජර් ඉබර්ට් මහත්තයා ලබා දෙන අගය 4/4 ක්.

මෙහි අතිවිශිෂ්ට රංගන දායකත්වය Tilda Swinton සහ Ezra Miller ගෙන්, ඔවුන් නම් සැබවින්ම තමුන්ගේ චරිත තුල අතිශයින්ම උත්කෘෂ්ඨයි කියවහැකි. ඔවුනට අමතරව John C. Reilly, Jasper Newell, Rock Duer, Ashley Gerasimovich, Alex Manette තමයි සෙසු චරිත වෙනුවෙන් එක්කාසු වෙන්නෙ.

අවසාන වශයෙන් කියන්න තියෙන්නේ මේ ප්‍රේහෙලිකව අපහසු එකක් නෙමෙයි නමුත් බොහොම සංවේදී වගේම ආරම්භයෙන් ඉදලම කුතුහලය අගේට රැකගෙන යන කතාවක්. අවසාන කොටසට එනතෙක් ඔබට සමහර චරිතයන්ට මොකක් සිද්ධ වෙන්න ඇති ද ? ඇයි අද මේ මවට මෙහෙම වෙලා තියෙන්නෙ කියන එක ගැටලුවක් වේවි. Lynne Ramsayගේ අනිකුත් නිර්මාණ වගේ නෙමෙයි මෙහි පැහැදිලි අවසානයක් කතාව ඇතුලෙම ඔබට දැකගත හැකි වේවි… නමුත් මේ කතාව බලනකොට ඇතිවෙන තරහ ගැන නම් කියන්න වචන නැහැ… අම්මෝ මෙහෙම ළමයි නම් හතුරෙක්ටවත් එපා කියල ආයෙත් පතනව…ඒ වගේම කවදාවත් අම්මෙක්ට මෙහෙම දුකක් නම් දෙන්න එපා කියලත් බැගෑපත්ව ඉල්ලා සිටිමින් මම නතර වෙනව… එහෙනම් ආයෙත් හමුවෙමු… එතෙක් ඔබට ජය වේවා !!!

Due to copyright issues, we do not provide any torrent links.

ලබා දී ඇති උපසිරසිය BR පිටපත් සඳහා අදාළ වේ.

[author] [author_image timthumb=’on’]https://www.baiscope.lk/wp-content/uploads/2018/03/28616527_1854152187963064_3150036820179633625_o-e1520102326421.jpg[/author_image] [author_info]මේ ලබා දී ඇති සිංහල උපසිරැසි පිළිබද “සමීර කරුණාරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author_info] [/author]

Subtitle Contributor Rank

ADMIN MEMBER
JOINING DATE – 2013-02-12
SUBMAKER RATING BY ADMINS

[box]

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

[/box]