7 Guardians of the Tomb (2018) AKA Guardians of the Tomb Sinhala Subtitles | පුරාණ සොහොන් කුටියක බිහිසුණු පුරාවෘත්තය…! [සිංහල උපසිරසි සමඟ]

ඔන්න එහෙනම් ආයෙමත් තවත් අපූරු සිනමා නිර්මාණයක් අරගෙන එන්නයි මේ සූදානම. මේ වතාවෙ තෝරගත්තෙ 2018 පෙබරවාරි මස 23 වැනිදා පටන් තිරගත වීම ඇරඹි Action | Adventure යන සිනමා වර්ගීකරණයන්ට අයත් වන සලරුවක්. මේ සිනමාපටය අධ්‍යක්ෂණය කරල තියෙන්නෙ Kimble Rendall නම් අධ්‍යක්ෂකවරයා විසින්. තිර පිටපත් නිර්මාණය කරල තියෙන්නෙ Kimble Rendall හා Paul Staheli විසින්. Guardians of the Tomb චිත්‍රපටයේ දෙබස් සඳහා ඉංග්‍රීසි හා මැන්ඩරින් භාෂාව යොදාගෙන ඇති අතර The Twilight චිත්‍රපට මාලාවේ Emmett Cullenගේ චරිතයට රංගනයෙන් දායක වූ Kellan Lutz ඇතුළුව Li Bingbing,Wu Chun හා Kelsey Grammer තම රංගනයෙන් දායක වී තිබෙනවා. මිනිත්තු 90 ක කාලයක් පුරාවට ධාවනය වන, IMDb දර්ශකයේ 4.9/10ක අගයක් ලබාගෙන ඇති මෙම සලරුවේ රූගත කිරීම් සිදුකර ඇත්තේ Village Roadshow Studios, Oxenford, Queensland, Australia සහ Gold Coast, Queensland, Australia යන ස්ථාන වලදීයි. චිත්‍රපටයේ නිෂ්පාදන කටයුතු Nest Holdings හා Sleeping Otters Productions යන සමාගම් මඟින් සිදුකර ඇති අතර බෙදාහැරීමේ කටයුතු සිදුකර ඇත්තේ Asia Releasing,Digi-Optic Films,Arclight Films හා Batrax Entertainment යන සමාගම් මඟිනුයි.

කතාව ගැන කෙටියෙන් කියනව නම් බයෝටෙක් කියන ඖෂධ සමාගමේ ප්‍රධාන විධායක නිළදාරී තනතුරේ ඉඳපු ජෝන් ලී වෛද්‍ය විද්‍යාවේ නව සොයාගැනීමක් කරන්න ආසන්න වෙලා තියන අවස්තාවේදී ගුවන් අනතුරකින් මියයනවා. එයාට දරුවො දෙන්නෙක් ඉන්නවා. දුව ජියා, විශකුරු සත්වයින් ගැන ප්‍රවීණයෙක්, පුතා ලූක්, ගවේශකයෙක්. ඉතින් දවසක ජෝන් ලීගේ සහයකයා විදිහට සේවය කරපු ඩොක්ට මේසන් කිට්‍රිජ් ජියාව හම්බවෙන්න ඇවිත් එයාට කියනවා ගවේශණ කටයුත්තකට ගිය එයාගෙ මල්ලි ලූක් අතුරුදහන් වෙලා කියල. ඉතින් මේසන් ලූක්ව හොයන්න කණ්ඩායමක් සූදානම් කරගෙන ඒ කණ්ඩායමට ජියාවත් එකතු කරගන්නවා. ලූක් අතුරුදහන්වෙලා හිටියත් එයාගෙ GPS එකෙන් එන සංඥාවක් අනුව මේ කට්ටිය අතෑරලා දාපු පතලකින් භූගත ප්‍රදේශයකට ඇතුළුවෙනවා. ඒත් පස්සෙ මෙයාල දැනගන්නවා එයාල මේ ඇවිත් තියෙන්නෙ පුරාණ චීන අධිරාජ්‍යයෙකුගේ සොහොන් කුටියක් ඇතුළත් භූගත නගරයකට කියල. මේ නගරය ගැන කියවෙන පුරාවෘතයක් අනුව මෙයාල දැනගන්නවා ඒ අධිරාජ්‍යයා අමරණීයත්වය හොයාගන්න උත්සහ කරපු කෙනෙක් බව. ඉතින් තමන්ගෙ මල්ලි හොයාගෙන මේ භූගත නගරයට ආපු ජියාට වගෙම අනික් කට්ටියටත් ගොඩක් කරදර වලට මුහුණදෙන්න සිද්දවෙනවා. විසකුර සත්තු ජාතියකුත් මෙයාලට පහරදෙනවා. ඒ වගෙම ජියා දැනගන්නවා මේසන් මේ සිද්දවුණු හැමදේකටම සම්බන්දයි කියල. ලූක්ව මේ ගවේශණයට එව්වෙ මේසන් කියලත් ජියා දැනගන්නවා. මේසන් මේ ගමන එන්නෙ ලූක්ව බේරගන්න නම් නෙවෙයි. එයා එන්න අමරණීය බව ලබාගන්න පුළුවන් බෙහෙත හොයාගෙනයි. ඉතින් මේ භූගත නගරයේදි මුහුණපාන්න සිද්දවෙන ජර මර වලින් ජියාටයි කට්ටියටයි බේරෙන්න පුළුවන් වෙයිද? මේසන්ට අමරණීය බව ලබාගන්න හැකිවෙයිද? ජියාට තමන්ගෙ මල්ලිව බේරගන්න පුළුවන් වෙයිද? මේ කට්ටියට පෞරාණික නගරයෙන් පණපිටින් බේරිලා එන්න පුළුවන් වෙයිද? සියල්ල නරඹන ඔබට බාරයි…

“උන් අපිව මෙතනට අරන් ඇවිත් තියෙන්නෙ,
ඝාතකාගාරයකට යවන හරක් රංචුවක් වගේ අපිව ගාල් කරන්නයි.”
– ජියා.

~~Destiny Is All~~
~~සියල්ල දෛවයයි~~

 

 

Due to copyright issues, we do not provide any torrent link.

මෙම ලබා දී ඇති උපසිරසි WEBRip / HDRip පිටපත් සඳහා අදාළ වේ.

https://d36zzuvfojr38z.cloudfront.net/wp_content/uploads/2018/02/Isuru-Sampath-Sirisena-2018.jpg මේ ලබා දී ඇති සිංහල උපසිරැසි පිළිබද “ඉසුරු සම්පත් සිරිසේන” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2016-07-13
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.