Citadel [S01 : E01] Sinhala Subtitles | සිටඩෙල් රහස් ඔත්තු සේවය [සිංහල උපසිරසි]

ඔන්න එහෙනම් සෑහෙන කාලෙකට පස්සෙ ආයෙම රූපවාහිනි කතාමාලාවකට උපසිරැසි කරන්න ආසාවක් ආව නිසා Amazon Prime ලගෙ අලුත්ම සිරීස් එකක් වුන CITADEL කතා මාලාවට උපසිරැසි කරන්න ඕන කියලා හිතුනා. ඇමරිකානු ඩොලර් මිලියන 300 ක් වගේ ලොකු මුදලක් යොදවලා තමයි මේ කතාමාලාව නිර්මාණය කරලා තියෙන්නෙ. පළවෙනි සීසන් එක කොටස් හයකින් සමන්විත වෙනවා. එතකොට සාමාන්‍යයක් විදිහට ගත්තම එක කොටසක් වෙනුවෙන් ඇමරිකානු ඩොලර් මිලියන 50 ක් වගේ වැය කරලා තියනවා. මේ ලිපිය ලියන මොහොත වෙනකොට කතාව කොටස් හයෙන් පහක්ම ටෙලිකාස්ට් වෙලා ඉවරයි. ඉතිං පළවෙනි කොටසෙ උපසිරැසිය ඔයාලට මෙහෙම ලැබෙනකොට අනික් එපිසෝඩ් සියල්ලටමත් උපසිරැසි සකස් කරලා ඉවර කරලයි තියෙන්නෙ.

කතාවට ප්‍රධාන චරිත විදිහට රිචර්ඩ් මැඩන් – මේසන් කේන් විදිහටත්, ප්‍රියන්කා චොප්රා – නාඩියා සිං විදිහටත් කතාවට සම්බන්ධ වෙනවා. මේ වනවිට IMDb දර්ශකයේ 6.2/10 අගයක් ලබාගෙන තියනවා. කතාව මේකයි, සිටඩෙල් කියලා රහස් ඔත්තු සේවයක් තියනවා. මේකෙ විශේෂත්වය තමා මෙයාලා කාටවත් පක්ෂපාති නැහැ. මෙයාලා ඉන්නෙ මිනිස්සුන්ගෙ යහපත වෙනුවෙන් ක්‍රියා කරන්න. ඉතිං හොද පැත්තක් තියනකොට නරක පැත්තකුත් තියෙන්න එපැයි. ඉතිං සිටඩෙල් වල හතුරා තමයි මැන්ටිකෝර් කියන රහස් ඔත්තු සංවිධානය. කතාවෙ යන කාලෙ වෙනකොට සිටඩෙල් සම්පූර්ණයෙන්ම බිඳවැටිලා තියෙන්නෙ. නියෝජිතයො සේරම වගේ මිය ගිහින්. ඉතුරු වෙලා ඉන්න අයගෙත් මතකය නැති කරලා තියෙන්නෙ. ඉතිං අපි බලමු මොකක්ද සිටඩෙල් වලට වුනේ, කවුද මෙයාලව පාවලා දුන්නෙ කියලා. එහෙනම් ක්‍රියාදාම සපිරි කොටස් හයකින් සමන්විත කතා මාලාවෙ පළමු කොටස රස විදීමට හැමෝටම ආරාධනා කරන ගමන් දෙවන කොටසින් හමුවීමෙ බලාපොරොත්තුව ඇතිව මම සමුගන්නවා.