Deepwater Horizon (2016) with Sinhala Subtitles | ගැඹුරු දියේ ඛේදවාචකය… [සිංහල උපසිරැසි සමඟ]

කොහොමද හැමෝටම !!! ඔන්න අපි ආයේ ආවා !!! 2016 වසරේ තිබුන අඩුපාඩු කම් මග අරවාගෙන ආයෙත් බයිස්කෝප් සිංහලෙන් දෙපයින් හිටගත්තා. මම මේ ගැන විස්තරයක් අපේ බයිස්කෝප් සිංහලෙන් පිටුවට එකතු කරන්න බලාපොරොත්තු වෙනවා. ඒ වගේම යට කෙටියෙන් ඒ ගැන කියල තියෙනවා. කොහොමෙන් කොහොම හරි අපි ආයේ ඔයාල එක්ක උපසිරසි බෙදා ගන්න සූදානම්. අද සිට අපි ඔබේ සේවයට සූදානම්!  

මේ ජරමර අස්සේ අමතක උනානේ. ලැබුවා වූ නව වසර සතුට සාමය රජයන සිතුම් පැතුම් ඉටුවෙන විශේෂයෙන් බයිස්කෝප් වලින් රූපවාහිනී කතා වලින් පිරි ඉතිරි යන සුබ නව වසරක් වේවා කියලා අපිත් එක්ක එකතු වෙලා ඉන්න සියලුම හිත මිතුරන් වෙත ප්‍රර්ථනා කරනවා !!!

ඔන්න ඉතින් 2017 පලවෙනි උපසිරස මගෙන් 😛 . අද මම මේ ඔයාල එක්ක එකතු වෙන්නේ 2010 වසරේ අප්‍රේල් 20 වෙනි දින ඇමෙරිකානු මුහුදු තීරයේ තෙල් ළිඳක සිදුවූ දරුණු ඛේදවාචකයක් පාදක කරගෙන නිර්මාණය වූ ඩීප්වෝටර් හොරයිසන් චිත්‍රපටය සමඟිනුයි. ඇත්තටම මේ පාදක වූ සිදුවීම සිද්ධ උන තෙල් ලිඳ නම් කරලා තියෙන්නේ ඩීප්වෝටර් හොරයිසන්(ගැඹුරු දියේ ක්‍ෂිතිජය) නමින්. මේ තෙල් නිධිය බාරව ආයතන කීපයක් ක්‍රියා කළා. බ්‍රිටිෂ් පෙට්‍රෝලියම් ප්‍රධාන වූ අතර මූලික කටයුතු සඳහා ට්‍රාන්ස්ඕෂන් වගේ ආයතන සහභාගී වෙලා හිටියා. තෙල් ළිං ගැන වැඩි වැටහීමක් නැති අයට ඒ ගැන විස්තර දැනගන්නත් එක්ක මම දන්න විදිහට පොඩි විස්තරයක් කියන්නම්.

සාමාන්‍යයෙන් තෙල් නිධියක් සොයා ගත්තට පස්සේ විශේෂයෙන් මුහුද යට ඇති තෙල් නිධි වලින් තෙල් ලබා ගැනීමට කලින් සැහෙන්න දේවල් ටිකක් කරන්න අවශ්‍ය වෙනවා. සරලවම කියනවා නම් මෙයාල කරන්නේ අදාල නිධියේ තෙල් ලබා ගන්න පුළුවන් ස්ථානයක් හොයල  එය මතුපිටින් හිල් කරලා පොළව යට ඇති තෙල් සහ වායුන් පිටට ලබා ගැනීම. හැබැයි මේක නිකන් පොලවේ වලක් හාරලා වතුර ගන්නවා වගේ ලේසි දෙයක් නම් නෙමේ. විශේෂයෙන් මුහුද යට උනාම ඒ සඳහා අවශ්‍ය වෙනම ස්ථානයක් හදා ගන්න වෙනවා. ඒ හදා ගන්න ස්ථානයේ පොලව විදලා තෙල් ලබාගන්න යන්ත්‍ර  උපකරණ පිහිටුවන්න අවශ්‍ය වෙනවා. එහෙම යන්ත්‍ර ස්ථානගත කරන්න එක්කෝ එම ස්ථානය අවට මුහුදු පත්ල දක්වා දිවෙන පාද සහිත කෘතීම සේවා ස්ථානයක් නිර්මාණය කරගන්න අවශ්‍ය වෙනවා. එසේ නැති නම් ජලය මත පාවෙන පාරුවක් වැනි යාත්‍රාවක් අවශ්‍ය වෙනවා. ඉතින් මේ දෙවර්ගයෙන්ම කරන්නේ එම ස්ථානයේ සිට මුහුදු පතුල දක්වා දිවෙන විදුම් පයිප්පය (ඩ්‍රිල් පයිප්) එක ස්ථාවරව ඒකාකාරව පවත්වා ගැනීමයි. ඊට අමතරව පොළවේ හිතෙන විදිහට හිලක් විදලා මේ තෙල් නිධිය පාවිච්චි කරන්නත් බැහැ. මොකද මේ පොලව යට තියෙන ඛණිජ තෙල් සහ වායුන් ඉතාමත් විශාල පීඩනයක් සහිතවයි පොලවට හිරවෙලා තියෙන්නේ. ඉතින් අපි කිසිම පෙර සූදානමක් නැතුව පොලව විදපු ගමන් වෙන්නේ විශාල පීඩනයක් එක ස්ථානයකින් පිටවෙන්න උත්සාහ කිරීමක්. එතකොට වෙන දේ මම ඔයාලට මෙහෙම පැහැදිලි කරන්නම්. බැලුමක් හොඳට පිරෙන්න පුම්බලා අල්පෙනෙත්තක් අරගෙන  අනින්නකෝ. ලොකු හඬක් එක්ක පිපිරීමක් වගේ දෙයක් නේ වෙන්නේ. තෙල් නිධියකත් ඒකම තමා වෙන්නේ.

එත් වෙනසකට තියෙන්නේ බැලුමේ සාමාන්‍ය වාතය පිරුනට තෙල් නිධියක තියෙන්නේ දැඩි ලෙස ගිනිගන්නා තෙල් වර්ග සහ ස්වභාවික වායුන්. ඉතින් වෙන දේ අමුතුවෙන් කියන්න ඕන නැහැනේ. මේ හැම දෙයක්ම ඉතාමත් ආරක්ෂා කාරීව කරන්න විවිධ උපක්‍රම උපයෝගී කරන්නවා. මොකද මේ ක්‍රියාවලිය ඉතාමත් භයානක වගේම ප්‍රවේශමෙන්  කල යුතු එකක්. විවධ පරීක්ෂණ සහ තත්ත්ව වාර්තා මගින් ලබාදෙන  ප්‍රතිපල ක්‍රියාවලිය ආරම්භ කරන්න කලින් තහවුරු කරගැනීම ඉතාමත් වැදගත්. ඉතින් මේ කතාව ඒ වගේ සිද්ධියක් පාදක කරගෙන උන දෙයක්. මුදල් ගැන පමණක් හිතන මනුස්ස ජිවිත ගැන නොසිතන අදක්‍ෂ පාලකයෝ මේවගේ ස්ථාන වල ප්‍රධානියෝ උනහම ඒ වෙන ප්‍රතිවිපාක මේ චිත්‍රපටයෙන් ඔයාලට දැකගන්න ලැබේවි. ඉතින් ඒ අදුරදර්ශී තීරණ නිසා සමහර පොඩි පැටවුන්ට තාත්තල අහිමි උනා, බිරින්දෑවරු හට සැමියෝ නැති උනා, දෙමව්පියන්ට පුත්තු අහිමි උනා. මේ සිදුවීම උනේ 2010 අප්‍රේල් 20 දින රාත්‍රියේ. ඊට අදාළ විස්තර අවශ්‍ය නම් මෙතනින් කියවන්න පුළුවන්. 

පහත දැක්වෙන්නේ සත්‍ය සිදුවීමට අදාළ ඡායාරූප කීපයක්,

සිදුවීමට පෙර එම ස්ථානය.. 

සිදුවීම වන අතරතුර.. 

සිදුවීමෙන් පසු තෙල් පිටවූ ස්ථානය වසා දමා ඇති අයුරු.. 

 මේ චිත්‍රපටය තිරගත වීම ආරම්භ කලේ 2016 සැප්තැම්බර් 30 වෙනිදා සිටයි. මෙහි වර්තමාන IMDb අගය වෙන්නේ 7.3ක්. ඒ වගේම වියදම වශයෙන් ඩොලර් මිලියන 110ක් වැය කර තිබෙනවා. අද වෙනකොට සමස්ථ ආදායම වෙන්නේ ඩොලර් මිලියන 118 ක්. ඒ වගේම මෙහි රංගනයෙන් Douglas M. Griffin, Gina Rodriguez, Kurt Russell, Mark Wahlberg වගේ නළු නිලියන් දායක වෙනවා.  

මේ වෙබ් අඩවියේ ඇඩ්මින්වරයෙක් විදිහට මම යන්න කලින් පොඩි දෙයක් කියන්න ඕන . පහුගිය සති දෙකක පමණ කාලයක් තුල වෙබ් අඩවිය කිසිම යාවත්කාලින කිරීමක් සිද්ධ උනේ නැහැ.  නව සර්වරයකට යාමේදී දිනෙන් දින වෙබ් අඩවිය යාවත්කාලීන කරන එකෙන් දිනපතා බැකප් ලබා ගැනීමට ඇති අපහසුව නිසා කිසිම උපසිරසක් පල නොකරන්න අපි තීරණය කළා. ඒ වෙනුවෙන් අපි අපේ උපසිරසිකරුවන්ටත් කෘතවේදී වෙන්න ඕනේ අපිත් එක්ක ඉවසීමෙන් කටයුතු කිරීම වෙනුවෙන්. ඔයාලාත් අත් විඳින්න ඇති ඒ අපහසුව උපසිරසි බාගත උනේ නැහැ. ඒ නිසා ඊමේල් වලින්ම ඉල්ලුම් කල හැමෝටම වගේ  මම, සමන්, ආසිරි ඊමේල් මගින් උපසිරසි ලබා දෙන්න කටයුතු කළා. ඒ වගේම අනික් උපසිරසි කරුවනුත් පුද්ගලිකව උපසිරසි අවශ්‍ය අය හට ලබා දුන්නා. ඒ අපිට උපසිරසි නැති කම නිසා නෙමේ. මෙහෙම වෙන්න හේතුව 2016 මුල සිටම තිබුන සර්වර් ගැටලුව. ඉතින් ඒක උපරිමේටම ඇවිල්ල කරකියාගන්න දෙයක් නැතිවෙනකොට අපි වෙනත් දැරිය හැකි සර්වර් හොයද්දි අපිට සහයට ආවේ අපේම මිතුරෙක් ඒ තමයි අපේ පැරණි චිත්‍රපට රසිකයෙක් සහ අපේ සහෝදර උපසිරැසි කරුවෙක් වන අසංක ප්‍රදීප් රණතුංග සහෝ. එයා මේ වෙනුවෙන් නොසෑහෙන්න කැපවීමක් කළා ඒ ගැන කියන්න වචන නැහැ. ඇඩ්මින් කෙනෙක් නොවුනත් සමහරු අහක බලද්දී අසංක අපේ කියන හැඟීමෙන් බයිස්කෝප් සිංහලෙන් දෙපයින් හිටවන්න රෑ දවල් නොබලා මහන්සි වෙලා වැඩකලා. අද වටේ යන්නේ නැතුව අපිට අපේම කියල සර්වරයක් හොයල දුන්න. සර්වර් කියන දේ දවසින් දවස වෙබ් අඩවියට පැමිණෙන ප්‍රමාණය මත රඳා පවතින දෙයක් නමුත් ලංකාවේ සර්වර් කරන සමහර  ආයතන කරන්නේ නංගි පෙන්නලා අක්කව දෙන එක. ඉතින් දැන් අපි නංගිව බලල නංගිවම අරගත්තා. සමහරු අපි ඉවරයි වැටෙයි කියල හිතුවට එහෙම වෙන්න දෙන්නේ නැහැ. මේක විදේශීය සිනමාවට, ටෙලිවිෂනයට ආදරය කරන හැමෝගෙම සිංහල කේන්ද්‍රස්ථානය. ඉදිරියෙදි  මෙවැනි  ගැටළුව ඇති වෙන එකක් නැහැ කියල අපි බලාපොරොත්තු වෙනවා. සියලුම උපසිරසි පෙර පරිදි බාගත කරගන්න දැන් ඔබට පුළුවන්.

එහෙනම් ඒ මතක් කිරීමත් එක්ක මම ගිහින් එන්නම් හැමෝටම සුබ නව වසරක් වගේම ජයෙන්වේ ජයම වේවා  !!!

 

 

 

” Due to copyright issues, we do not provide any torrent links. “

Deepwater.Horizon.2016.720p.BluRay.x264-SPARKS

සියලුම BR  පිටපත් සඳහා අදාළ වේ.

8,329 downloadsDownload Deepwater-Horizon-2016.zip58 KB

 

මේ ලබා දී ඇති සිංහල උපසිරැසි පිළිබද “හසන්ත වික්‍රමරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.