A History of Violence (2005) With Sinhala Subtitles| සැඟවුණ භීෂණය. [සිංහල උපසිරසි සමඟ]

ආයුබෝවන් යාළුවනේ! නැවතත් චිත්‍රපටයක් කට්ටියටම බලන්න උපසිරැසි එක්ක ගෙනාවා. A History of Violence 2005 වසරේ ආපු Crime Thriller වර්ගයේ විශිෂ්ට චිත්‍රපටයක්. Viggo Mortensen ප්‍රධාන නළුවා විදියටත්, Maria Bello ප්‍රධාන නිළිය විදියටත් රංගනයෙන් දායක වෙනවා. ඔස්කාර් සම්මාන උළෙලේ හොඳම සහාය නළුවා (William Hurt), හොඳම තිර රචනය (Josh Olson) සඳහා මෙය නිර්දේශ වුණා. ඒ වගේම ප්‍රංශයේ කෑන්ස් සම්මාන උළෙලේ පිළිගන්වන උසස්ම සම්මානය වන Palme d’Or සඳහාත් 2005 වසරේ නිර්දේශ වුණා. IMDb දර්ශකයේ 7.5/10 ක අගයක්ද, Rotten Tomatoes වෙබි පිටුවේ 87% ක අගයක්ද ලබා ගැනීමට මේ චිත්‍රපටය සමත්වෙලා තියෙනවා. චිත්‍රපට අධ්‍යක්ෂණය David Cronenberg විසින්. මේකේ කතාව යන විදිය මං කෙටියෙන් කියන්නම්:

ටොම් ස්ටෝල් (Viggo Mortensen) කියන්නේ කුඩා අවන්හලක් පවත්වාගෙන යන ඉතාමත් සාමකාමි පුද්ගලයෙක්. බිරිඳ එඩී ස්ටෝල් (Maria Bello) හා දරුවන් දෙදෙනා ජැක් හා සේරා එක්ක තමයි ඔහුගේ ලස්සන පවුල සමන්විත වන්නේ. මොවුන් ඉතාමත් සාමකාමි ජීවිතයක් මිල්බෘක් කියන නගරයේ ගත කරනවා. දවසක් රාත්‍රියේ ටොම්ගේ අවන්හල වහන්න කිට්ටුව තියෙද්දී මංකොල්ලකරුවන් දෙදෙනෙක් ඇවිත් සේවිකාවක්ව ඝාතනය කරන්නට යන නිසා ටොම් ස්ටෝල් ඇයව බේරාගැනීමට මැදිහත් වෙනවා. ප්‍රතිඵලය වෙන්නේ මංකොල්ලකරුවන් දෙදෙනාව ජීවිතක්ෂයට පත්වීමයි. මේ සිදුවීම රටපුරා මාධ්‍යවලින් ප්‍රසිද්ධියට ලක්වෙනවා. යහපත් වගේම සාමකාමි පුද්ගලයෙකු වූ ටොම් ස්ටෝල් මිල්බෘක්වල කාගෙත් ප්‍රසාදයට ලක්වෙනවා. ටොම් ස්ටෝල් වීරයෙක් විදියට නගරවැසියන් නම් කරනවා. ටික කලකට පස්සේ අධි සුඛෝපභෝගි මෝටර් රියක් නිතර මිල්බෘක් ප්‍රදේශයේ සැරිසරන්න පටන් ගන්නවා. ටොම් ස්ටෝල්ගේ යටගිය ඉතිහාසයක් අළු යට ගිනි පුපුරු මෙන් ඉස්මතු වීම මෙයින් ඇරඹෙනවා. නොසිතූ විදියට ටොම් ස්ටෝල්ගේ පවුල් ජීවිතය උඩුයටිකුරු වීමට අවන්හලේ සිදුවීම මුලපුරන්නේ මේ විදියටයි. ඉතුරු ටික නම් චිත්‍රපටය බලලම දැනගත්තොත් තමයි වටින්නේ.

A History of Violence චිත්‍රපටයෙන් අපිට පැහැදිලිවම පෙන්වන්න හදන මනුෂ්‍ය ස්වභාවයක් තියෙනවා. ඒ මිනිසෙකුගේ හොඳ හා නරක යන පැතිකඩ දෙකයි. ඕනෑම මිනිසෙකුගේ මේ පැතිකඩ දෙකම තිබෙන බව නොරහසක්. මේවා සෑම මිනිසෙකුගේම ගැඹුරින් නිදන්ගතවෙලා තිබෙන බවත් විටෙක ඉස්මතු වීම සිදුවන බවත් ප්‍රබලව පෙන්වීමට සමත් සිනමා පටයක් බව මෙය හඳුන්වලා දෙන්න පුළුවන්. ඒ වගේම පසුබිම් සංගීතය යනු චිත්‍රපටවල තේමාව අරුත් ගැන්වීමට තරම් ප්‍රබල මාධ්‍යයක් වන බව චිත්‍රපටය බලන අතරවාරයේදී ඔබට දැනේවි. සීමිත එළිදැක්වීමකට ලක් කරපු මේ චිත්‍රපටය සිනමා විචාරකයන්ගේ ඉහළ පැසසුමට ලක්වුණා. සුප්‍රකට සිනමා විචාරක Roger Ebert 3.5/4 ක අගයක් දෙමින් පැවසුවේ “This is not a movie about plot, but about character. It is about how people turn out the way they do, and about whether the world sometimes functions like a fool’s paradise.” යනුවෙන්.

එහෙමනම් යන්නත් වෙලාව දැන් ඇවිත්. නැවතත් උපසිරැසියකින් හමුවෙමු. ඔබට ජයෙන් ජය!!!

 

 

706 MB (720p.BRrip) කොපිය මෙතනින් බාගන්න

FED83F6E3C3068FBF2C942C94DCE3AC49978BD0B

1.65 GB (1080p.BRrip) කොපිය මෙතනින් බාගන්න

45F26A65FCD7218F75A44B783B12F6360E9AFA60 ගූගල් සෙවුමෙන් ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න. නොදන්නා අය වෙත උපදෙස් සිංහලෙන්ම මෙතන තියනවා.

1,988 downloadsDownload A-History-of-Violence-2005.zip58 KB

 

https://d36zzuvfojr38z.cloudfront.net/wp_content/uploads/2014/07/විරාජ්-කොඩිතුවක්කු-.jpg මේ ලබා දී ඇති සිංහල උපසිරැසි පිළිබද “විරාජ් කොඩිතුවක්කු (තෙලා)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.