Aadhi (2018) Sinhala Subtitles | කුමන්ත්‍රණයකට මැදි වූ අහිංසකයා [සිංහල උපසිරැසි සමඟ]

ආදි කියන්නේ සංගීත අධ්‍යක්ෂකවරයෙක් වෙන්න හීන මවාගෙන ඉන්න ඒ වෙනුවෙන් වෙහෙසෙන, අහිංසක තරුණයෙක්. ඒ වගේම එයා අම්මයි තාත්තයි එක්ක සංතෝසෙන් ජීවත්වෙන කීකරු පුතෙක්. සංගීතෙට අමතරව ආදි යාළුවොත් එක්ක බීච් එකේ Parkour කියන බාධක පසුකර යන ත්‍රාසජනක ක්‍රීඩාව කරන එකත් පුරුද්දක් කරගෙන ඉන්නවා…ඔය විදිහට බීච් එකේ සෙල්ලම් කරන්න ගිය වෙලාවක ආදිගෙ යාළුවෙක් ආදිට සංගීත අධ්‍යක්ෂකවරයෙක් වෙන්න පුළුවන් ක්‍රමයක් ගැන අදහසක් දෙනවා. යාළුව කියන්නෙ බැංගලෝර් වල Fox කියන ක්ලබ් එකට ගිහින් එතනට එන චිත්‍රපටි ක්ෂේත්‍රයේ දැවැන්තයෙක් ඉස්සරහ සිංදුවක් කිව්වොත් එයාට අවස්ථාවක් ලැබෙන්න පුළුවන් කියන එක. ආදි කොහොම හරි මේ අවස්ථාව ලබාගෙන ක්ලබ් එකේ සිංදුවකුත් කියනවා, හැබැයි එතනදි ආදිට හීනෙකින්වත් නොහිතපු සිදුවීමකට මුහුණ දෙන්න සිද්ධවෙනවා. නාරායන් රෙඩ්ඩි කියන බැංගලෝර් වල ඉන්න බලවතෙකුගෙ එකම පුතා ක්ලබ් එකේ වහලෙන් බිමට වැටිල මැරෙනවා. කොහොම හරි මේ මරණෙට වග කියන්න ඕනෙ ආදි කියල රෙඩ්ඩිගෙ පුතත් එක්ක හිටපු ජයක්‍රිෂ්ණන් ආදිව මේකට පටලනවා..එතනින් පස්සෙ ආදිට පණ බේරගන්න ඉතින් දුවන එක තමයි කරන්න වෙන්නෙ. මෙතනදි ආදි කලින් පුහුණු කරපු Parkour ක්‍රීඩාව ආදිගෙ ජීවිතේ බේරගන්න සෑහෙන ප්‍රයෝජනවත් වෙනවා. කතාවෙ ඉතුරු හරියෙ තියෙන්නෙ ආදි තමන්ගෙ නිර්දෝෂි බව රෙඩ්ඩි ඉදිරියේ කියාපාන්න දරණ වෑයම තමයි, ආදිගෙ නිර්දෝෂීභාවය ඔප්පු කරගන්න පුළුවන් වෙයිද, කියන දේ චිත්‍රපටියෙන් ඔයාලටම රසවිඳින්න පුළුවන්….

මේක 2018 ජනවාරි 26 වෙනිදා මලයාලම් භාෂාවෙන් නිකුත් වෙච්ච චිත්‍රපටියක්. IMDb දර්ශකයේ 7 ක් වගේ අගයක් ගන්න සමත්වෙලා තියෙන මේ චිත්‍රපටියේ ධාවන කාලය පැය 2යි විනාඩි 38ක්. තිර රචනය හා අධ්‍යක්ෂණය කරල තියෙන්නෙ Jeethu Joseph විසින්. 2013 වසරේ සෑහෙන ජනප්‍රිය වුන වගේම ගොඩක් remake කරපු Drishyam චිත්‍රපටිය බලල ඇතිනෙ අන්න ඒකත් මෙයාගෙ අධ්‍යක්ෂණයක් තමයි. සංගීත අධ්‍යක්ෂණය Anil Johnson විසින් කරල තියෙන්නේ. මේක දින 100 ක් පමණ තිරගත කරලා රුපියල් මිලියන 500ක් වගේ විශාල බොක්ස් ඔෆිස් ආදායමක් උපයන්න සමත් වෙච්ච චිත්‍රපටියක්. ප්‍රධාන චරිත වලට දායක වෙන්නේ Pranav Mohanlal, Sharafudheen, Meghanadhan, Siddique, Jagapathi Babu, Lena කියන කට්ටිය තමයි. ප්‍රධාන චරිතය රඟ දක්වන Pranav Mohanlal වෙන කවුරුත් නෙමෙයි, මලයාලම් චිත්‍රපටි වල දැවැන්තයා වන Mohanlal ගේ පුතා. එයත් මේකෙ ආරාධිත රංගනයකට පොඩි දායකත්වයක් දක්වනවා.

මේක මම සබ් කරන පලවෙනි මලයාලම් ෆිල්ම් එක, අනිත් ෆිල්ම් එක්ක බලනකොට පොඩ්ඩක් දිගයි වගේම, දෙබස් ප්‍රමාණයත් පොඩ්ඩක් වැඩියි වගේ තේරුණා. ඒක හින්ද සබ කරන්න පොඩ්ඩක් විතර කල් ගියා. ඒකට සමාවෙන්න කියල කියන ගමන්ම මට මේකට සබ් එක කරන්න භාර දීපු සිසිල සහෝටත් හද පිරි ස්තුතිය පිරිනමනවා…එහෙනං තවත් සබකින් හමුවෙනතුරු…ජයවේවා.

 

 

 

Due to copyright issues, we do not provide any torrent links.

www.TamilRockers.li – Aadhi (2018) Malayalam Orig DVDRip x264 400MB ESubs මෙම ලබා දී ඇති උපසිරසි ඉහත පිටපත සඳහා අදාළ වේ.

5,056 downloadsDownload Aadhi-2018.zip71 KB

https://d36zzuvfojr38z.cloudfront.net/wp_content/uploads/2018/05/ධනුෂ්ක-ආරියරත්න-e1525685776490.jpg මේ ලබා දී ඇති සිංහල උපසිරැසි පිළිබද “ධනුෂ්ක ආරියරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2018-05-02
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.