Birds of Passage (2018) AKA Pájaros de verano Sinhala Subtitles | ලොවට කියනු මැන විහඟුනි…. [සිංහල උපසිරසි සමඟ]

මුලින්ම ස්තූතිවන්ත වෙන්න ඕනෙ මම කලින් කරපු ” Of Fathers and Sons (2017) අන්තවාදයේ නිරුවත…..” උපසිරැසියට එක වචනෙකින් හරි මට ස්තූති කරපු හැම දෙනාටම. මොකද ඒ දිරි ගැන්වීම් නිසා තමයි මොන තරම් කාර්යබහුල උනත් මේ වෙනුවෙනුත් කාලය වෙන් කර ගන්න පුලුවන් උනේ.

සෑම වසරකදීම ලෝකය පුරාවට විවිධාකාර රටවල් වල විවිධාකාර භාෂා වලින් නිර්මානය වන්නාවූ දස දහස් ගනනක් වූ සිනමා පට අතුරින් බොහෝවිට අපේ නෙත ගැටෙනුයේ ඉංග්‍රීසි, කොරියානු, හිංදි, දමිළ ආදී සීමිත භාෂා ගණනකින් නිර්මාණය වූ එකම වර්ගයකට අයත් සිනමා නිර්මාණයන් කොටසක් පමණයි. මේ හේතුව නිසාවෙන්ම වෙනත් භාෂා වලින් නිර්මාණය කෙරෙන්නාවූ විශිෂ්ට සිනමාපට රැසක් අපට නොදැනීම මගහැරී යනවා. මේ උත්සාහය එසේ මගහැරී යන්නාවූ වෙනස්ම ආකාරයේ සිනමා සිත්තමක උපසිරැසියක් ලබා දෙන්නයි.

ලෝකෙ වටේ විවිධාකාර භාෂා වලින් නිර්මාණය උන සිනමා නිර්මාණ රසවිඳිනකොට හම්බ උන වෙනස්ම විදියේ කොළොම්බියානු සිනමා නිර්මාණයක් තමයි මේ පාර උපසිරැසියක් කරන්න තෝර ගත්තෙ. මේක IMDb දර්ශකයේ 7.8ක් rotten Tomatoes වර්ගීකරනයේ 95% ක් එක්කම ලෝකෙ වටේම සිනමා සම්මාන උලෙළවල් නියෝජනය කරලා සම්මාන 16ක් සහ තවත් නිර්දේශවීම් 26ක් ලබාගත්තු සුපිරිම කොළොම්බියානු සිනමා සිත්තමක්. තවත් දෙයක්, මේ සිනමා සිත්තම මේ වසරේ පැවත් උන ඔස්කාර් සම්මාන උලළේදී හොඳම විදේශීය භාෂා චිත්‍රපටයට හිමි සම්මානය වෙනුවෙන් කොළොම්බියානු ඉදිරිපත් කිරීම බවට පත් උනා වගේම ඒ සම්මානයට නිර්දේශිත අවසන් සිනමාපට 9 අතරට ඇතුලත් වන්නටත් මේ සිනමා සිත්තමට හැකියාව ලැබුනා.

මේ සිනමා සිත්තමේ කතාව කියන එක නං හරිම අමාරු වැඩක්. මොකද මේක නරඹලා මිසක් කියවලා රසවිඳින්න පුලුවන් ජාතියේ සිනමා සිත්තමක් නොවෙන නිසා. මේ සිනමා සිත්තම නිර්මාණය වෙලා තියෙන්නේ (1960 – 1980) අතර කාලයේදී උතුරු කොලොම්බියාවේ පිහිටි ගුආජිරා ප්‍රදේශයේ ජීවත් වූ වායූ ගෝත්‍රික ජනයා අතර සිදුවූ සත්‍ය සිදුවීම් පෙළක් පදනම් කරගෙනයි. මේකේ කතාව තේරුම් ගන්න නං ඔවුන්ගේ ඒ සංස්කෘතිය ගැන අදහසක් තියෙන එක වටින නිසා ඒ දේවල් අදාල තැන් වලදී වෙනම වර්ණයකින් සබ් එකේ දක්වලා තියෙනවා.

රපායෙට් කියන්නෙ පොඩි කාලෙදීම දෙමාපියන් අහිමි වෙලා වායූ ගෝත්‍රයෙන් ඈත් වෙලා පිටස්තරයොත් එක්කම හැදී වැඩුන තරුණයෙක්. අවුරුදු ගානනාවකට පස්සේ වායූ තරුණියක්ව විවාහ කරගැනීමේ අදහසින් ආපහු ගමට එන රපායෙට්, කොහොමින් කොහොම හරි ගමේ හිටපු සුන්දරතම තරුණිය උන ගමේ නායකයගේ ඥාති දියණියව අනෙකුත් වායූ තරුණයොත් එක්ක තරග කරලා දිනා ගන්නවා. හැබැයි අමාරුම වැඩේ තියෙන්නෙ ඊළගටයි, ඒ තරුණියව විවාහ කර ගන්න නං එයාගෙ අම්මා ඒ වෙනුවෙන් ඉල්ලා සිටින දෑවැද්දක් ගෙවන්න රපායෙට්ට සිද්ධ වෙනවා. ඒ අනුව රපායෙට්ට ගෙවා ගැනීමට නොහැකි තරමේ වූ විශාල දෑවැද්දක් ඒ තරුණියගේ අම්මා රපායෙට් ගෙන් ඉල්ලනවා. යාලුවෙක් එක්ක එකතු වෙලා බොහොම සුළුවට බඩු ටිකක් විකුණගෙන ඉන්න රපායෙට් කොහොමද එච්චර ලොකු ගාණක් හොයා ගන්නෙ…? පිස්සුවෙන් වගේ සල්ලි හොයා ගන්න විදියක් ගැන හිත හිත ඉන්න රපායෙට් දකින්නේ ඇමරිකාවෙන් ආපු සුදු මහත්තුරු වගේකුත් පිස්සුවෙන් වගේ මොනවදෝ මන්දා කැලෑ කොළ වගයක් හොය හොයා ඉන්න හැටියි. ඒ සුදු මහත්තුරු පිස්සුවෙන් වගේ හොයන කැලෑ කොළ වෙන මොනාවත් නෙමෙයි මරිජුවානා…. එහෙමත් නැත්තං ගංජා…. හිත ගත්තු තරුණියව විවාහ කර ගන්න සල්ලි හොයන රපායෙට්ගේයි කැලෑ කොළ හොයන සුදු මහත්තුරුන්ගේයි ඒ හමුවීමත් සමගින්ම ඔවුන්ගේ දෛවයන් කෙසේ ලියැවේවිද….? මේ ඔබත් මමත් දිවි ගෙවනා ලෝකයේ කොනක සිදුවූ තවත් එක් කතාවක් පමණක්ම නෙමෙයි. ඒ සියලු සියලු කතාවන්හි අවසානයයි…. අවසරයි නරඹන්න ” ලොවට කියනු මැන විහඟුනි…. “

තවමත් මේ ෆිල්ම් එක බලන්න ඕනෙ කියල හිතුනෙ නැත්තන් ෆිල්ම් එකේ ට්‍රේල බලලම තීරණයක් ගන්න. නැත්නම් මගේ ලිපි ලිවීමේ නොහැකියාව නිසා පට්ටම ෆිල්ම් එකක් මිස් වෙයි. තවත් වෙනස්ම විදියේ චීන සිනමා නිර්මාණයක උපසිරැසියත් සමඟින් නැවත හමුවෙමු. ඔබට ජය….!

ප.ලි
සබ් කරන්න මග ඇරුන පරන උනත් හොද ෆිල්ම් තියෙනවා නං පහලින් කමෙන්ට් එකක් දාලා යන්න. පුලුවන් විදියකට කරන්නම්….

 

 

 

Due to copyright issues, we do not provide any torrent links.

මෙම ලබා දී ඇති උපසිරසි BR පිටපත් සඳහා අදාළ වේ.

3,363 downloadsDownload Birds-of-Passage-2018.zip72 KB

මේ ලබා දී ඇති සිංහල උපසිරැසි පිළිබද “හසිත මධුෂාන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2017-01-07
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.