Black Book (2006) AKA Zwartboek with Sinhala Subtitles | හෙට දිනක් උදාවේ නම් පලිගනිමි…[සිංහල උපසිරසි සමඟ] (18+)

මුලින්ම ස්තූතිවන්ත වෙන්න ඕනෙ මම කලින් කරපු “ My Father and My Son (2005) හැම තාත්තෙකුගේම සිතුවිලි…….. ” උපසිරැසියට එක වචනෙකින් හරි මට ස්තූති කරපු හැම දෙනාටම. මොකද ඒ දිරි ගැන්වීම් නිසා තමයි මොන තරම් කාර්යබහුල උනත් මේ වෙනුවෙනුත් කාලය වෙන් කර ගන්න පුලුවන් උනේ.

මම මේ පාර උපසිරැසියක් කරන්න තෝර ගත්තෙ මටත් අහම්බෙකින් වගේ බලන්න ලැබුන පට්ටම ෆිල්ම් එකකටයි. IMDb දර්ශකයේ 7.8 ක් එක්කම ලෝකෙ වටේ සිනමා සම්මාන උලෙළවල් නියෝජනය කරලා සම්මාන 13ක් සහ නිර්දේශවීම් 21 ක් ලබාගත්තු දෙවන ලෝක යුද සමයේ නෙදර්ලන්තයේදී සිදුවූ සත්‍ය කතාවක් පදනම් කරගෙන නිපදවූ සුපිරිම ෆිල්ම් එකක්. පැය 2යි විනාඩි 25ක් යනකල් උඩට ගත්තු හුස්ම පහලට දාන්න අමතක කරවන, නියපොතු කකා පුටුව උඩ හිටවන ජාතියෙ ෆිල්ම් එකක් ලගදි බැලුවෙ නැත්තන්, අනිවා මෙන්න ඔයාල හොයපු ෆිල්ම් එක……..

රේචල් ස්ටේන් කියන්නෙ දෙවන ලෝක යුධ සමයේ නෙදර්ලන්තයේ සිටි ධනවත් යුදෙව් පවුලක එකම දියණියයි. ජර්මානුන්ගේ යුදෙව් සංහාරය නිසා සැඟවුණු ජීවිතයක් ගත කරන රේචල් හමුවීමට පැමිනෙන අබිරහස් අමුත්තෙක් ඇයව ජර්මානුන්ට අසුනොවී දේශ සීමාවෙන් එපිටට රැගෙන යාමට පොරොන්දු වෙනවා. නමුත් අවාසනාවන්ත විදියට මේ පැන යාමේ උත්සාහයේදී ජර්මානු මුර සංචාරක බෝට්ටුවකට අසු වී ඇගේ පවුලේ සියලු දෙනාවම ඉතාමත් කුරිරු අන්දමින් ඇගේ දෑස් ඉදිරිපිටදීම ඝාතනය වෙනවා. අහම්බයකින් මෙන් රහසිගතව ක්‍රියාත්මක වන නෙදර්ලන්ත නිදහස් සටන්කාමී සංවිධානක් විසින් ඇගේ දිවි බේරා ගන්නා අතර අවසානයේ එලිස් ඩී වාරිස් ලෙස සිය නම වෙනස් කර ගනිමින් ඇයත් ඔවුන් සමග එකතු වෙන්නේ පලිගැනීම සිය එකම අරමුණ බවට පත් කර ගනිමින්. පසුව ඇයට හමුවෙන ජර්මානු හමුදා නිළධාරියෙකුගේ ආධාරයෙන් ජර්මානු හමුදා මූලස්ථානය තුලට ඔත්තුකාරියක ලෙස රිංගා ගන්නා රේචල් එක්වරම සොයා ගන්නේ සිය දෙමාපියන් ඝාතනය කල ජර්මානු මුර සංචාරක බෝට්ටුවේ පැමිනීම හුදෙක් අහඹුවක් නොවන බවයි. එතැන් පටන්……..

සිය මවුබිමේ නිදහස උදෙසා දිවි පරදුවට තබා සටන්කල දේශප්‍රේමීන්……………
මුදලට ගිජුවූ දේශ ද්‍රෝහීන්……..
සියල්ල තීරනය කල කලු පැහැ කුඩා සටහන් පොත……..
ආදරයේ නාමයෙන් දිවිපිදූ ජර්මානු හමුදා නිලධාරියා……..
සතුරන් මිතුරන් සහ පාවා දෙන්නන් මැදින් දිවෙන ඇගේ පලිගැනීමේ වීර චාරිකාවේ අවසානය……..
අවසරයි නරඹන්න, හෙට දිනක් උදාවේ නම් පලිගනිමි…………..

තවමත් මේ ෆිල්ම් එක බලන්න ඕනෙ කියල හිතුනෙ නැත්තන් ෆිල්ම් එකේ ට්‍රේල බලලම තීරණයක් ගන්න. නැත්නම් මගේ ලිපි ලිවීමේ අදක්ශතාව හින්දා ඔයාලට පට්ටම ෆිල්ම් එකක් මිස් වෙයි. ලගදීම තවත් සුපිරිම ෆිල්ම් එකක උපසිරැසියකින් හමුවෙමු. ඔබට ජය…….!

ප.ලි – මේකේ ටිකක් සැරටම වගේ 18+ සීන් ටිකක් තියෙනවා. ඒවා කලාත්මක ඇහැකින් විතරක්ම බලනවා නං හොදයි.

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසි BR පිටපත් සඳහා අදාළ වේ.

6,613 downloadsDownload Black-Book-2006.zip60 KB

https://d36zzuvfojr38z.cloudfront.net/wp_content/uploads/2017/01/HasithaMadhushan-e1483740911458.jpg මේ ලබා දී ඇති සිංහල උපසිරැසි පිළිබද “හසිත මධුෂාන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2017-01-07
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.