Blair Witch (2016) with Sinhala Subtitles | පාළු වනයේ ලේ පිපාසිත යක්දෙස්සිය [සිංහල උපසිරැසි සමඟ]

Oppam (2016) මලයාලම් චිත්‍රපටය දීලා වැඩි දවසක් යන්න කලින්, ඔන්න එහෙනම් තවත් අලුත්ම චිත්‍රපටයක් අරගෙන ආවා. චිත්‍රපටයේ ගුණාත්මක පිටපතක් ඇවිල්ලා නම් සුමාන දෙකක් තුනක් වගේ වෙනවා. ඒත් ඉතින් ගොඩක් වැඩ රාජකාරි බහුල සමයක් නිසා පොඩ්ඩක් විතර පරක්කු වුණා.

ඇමරිකානු ඩොලර් 60,000 ක මුදලකින් නිෂ්පාදනය වුණත්, ඇමරිකානු ඩොලර් මිලියන 248.6 ක අති දැවැන්ත බොක්ස් ඔෆිස් ආදායම් වාර්තාවක් තබන්න සමත්කම් දක්වපු, 1999 වර්ෂයේදී නිකුත් වුණු, The Blair Witch Project චිත්‍රපටය ඔයාලා බලලා තියෙනවද? මේ වතාවේ මං අරගෙන ආවේ, ඒ චිත්‍රපටයේ දෙවැනි කොටස. හරියටම කියනවා නම් පලවෙනි චිත්‍රපටයෙන් අවුරුදු 17 කට පස්සේ තමයි දෙවැනි චිත්‍රපටය නිකුත් වෙන්නෙ. කොහොම වුණත්, පලවෙනි චිත්‍රපටය නරඹලා නැහැ කියලා, දෙවැනි චිත්‍රපටය නරඹන්න කාටවත් බාධාවක් නැහැ. ඒ නිසා, ඕනෙම කෙනෙකුට මෙම චිත්‍රපටය තේරුම් ගැනීමේ අපහසුවකින් තොරව නරඹන්න පුළුවන්.

Horror, Thriller යන කාණ්ඩ නියෝජනය කරන්නාවූ මෙම චිත්‍රපටය මහජන ප්‍රදර්ශනය නිකුත් වෙන්නෙ, 2016 වර්ෂයේ සැප්තැම්බර් මස 16 වෙනි දින. ඒ ආකාරයෙන් සිය ගමන ආරම්භ කල මෙම සලරුව මේ වන විට, 18000 ඉක්මවූ ප්‍රේක්ෂක සංඛ්‍යාවකගේ මනාපයෙන් Imdb දර්ශකයේ 5.1 ක අගයකින් සමන්විත වනවා. එමෙන්ම, ඇමරිකානු ඩොලර් මිලියන 5 ක වියදමකින් නිෂ්පාදිත මෙම සලරුවේ බොක්ස් ඔෆිස් ආදායම් වාර්තාව ලෙස ඇමරිකානු ඩොලර් මිලියන 45.2 ක මුදලක් සනිටුහන් වෙනවා.

1999 නිෂ්පාදිත පළමු චිත්‍රපටයේ කතාවට පාදක වන්නෙ, අධ්‍යාපනික වාර්තාමය චිත්‍රපටයක් නිපදවීමට පාළු කැලෑවකට සංචාරයේ ගිය, හේදර් නම් තරුණිය සහ ඇයගේ පිරිවරෙහි අබිරහස් අතුරුදහන් වීමයි. කිසිවෙකුටත් කිසිඳු අන්දමකින් තේරුම් ගත නොහැකි ලෙස අතුරුදහන්වූ මෙම පිරිස සොයා බොහෝ පිරිසක් අතිශය පුළුල් අන්දමින් සෝදිසි මෙහෙයුම් දියත් කල මුත්, අදාළ පිරිසෙහි ගමන් මළු කිහිපයක් සොයාගන්නවා ඇරෙන්නට කිසිඳු සාක්ෂියක් හමුවෙන්නෙ නැහැ. මෙවැනි වූ වාතාවරණයක් මත තමයි දෙවැනි චිත්‍රපටය ආරම්භ වන්නෙ. කිසිවෙකුත් නොසිතූ ආකාරයට, 2014 වර්ෂයේදී එම කැලෑවේ සංචාරයේ නියතු පුද්ගලයෙකු හට, කාලයක් තිස්සේ වැළලී තිබූ, කැමරාවක සංරක්ෂිත දර්ශනයක් කිහිපයක් ලැබෙනවා. මෙම සිදුවීමත් සමගින්, වසර ගණනාවක් තිස්සේ අළු යට වැළලී තිබූ, ලොවෙන් වසන්වී තිබූ අභිරහසක අංශු මාත්‍රයක් බඳු වූ හෝඩුවාවක් හමුවනවා. මේ හෝඩුවාවන් ඔස්සේ, වසර 17 කට පෙර අදහාගත නොහැකි ලෙස අතුරුදහන්වූ සිය සොහොයුරිය සොයා, ඇයගේ සොහොයුරා එම අභිරහස් කැලෑවට පිටත්ව යනවා. ඔහුට අයත් වන්නේත්, ඔහුගේ සොහොයුරියට අත්වූ ඉරණමද….? ඉතිරි සියල්ල ප්‍රේක්ෂක ඔබ සැමට බාරයි.

එහෙනම්, කැමති අය අරගෙන බලන්න. පුළුවන් නම් පලවෙනි චිත්‍රපටයත් හොයාගෙන බලන්න. මොකද, ඇත්තම කියනවා නම් පලවෙනි චිත්‍රපටය, දෙවැනි චිත්‍රපටයට වඩා ගොඩක් හොඳයි. එහෙනම්, අදට අවසරයි. ඉක්මනටම තවත් චිත්‍රපටයකින් හමුවෙමු. හැමදෙනාටම ජයවේවා !!!

අනතුරු ඇඟවීමයි – චිත්‍රපටය තුල, ක්ෂණික තිගැස්සීම සහ බියජනක දර්ශනයන් අන්තර්ගත වන හෙයින්, හදවත් රෝගී තත්වයෙන් පෙලෙන්නන් සහ සුළු දෙයටත් අධික ලෙස බිය වන්නන්, රාත්‍රී කාලයේදී හෝ තනිවම චිත්‍රපටය බැලීමෙන් වලකින මෙන් කාරුණිකව ඉල්ලා සිටිමි.(එමෙන්ම, චිත්‍රපටයේ භාවිතා වන ඇතැම් දෙබස්, වැඩිහිටියන්ට පමණක් යෝග්‍ය බව කාරුණිකව සලකන්න.)

 

 

 

 

Due to copyright issues, we do not provide any torrent links.

 

Blair.Witch.2016.720p.BluRay.x264-YIFY

ලබා දී ඇති උපසිරසි සියලුම  Blu-Ray පිටපත් සඳහා අදාළ වේ.

2,321 downloadsDownload Blair.Witch_.2016.Baiscopelk.com_.zip42 KB

 

https://d36zzuvfojr38z.cloudfront.net/wp_content/uploads/2016/05/SisilaPrasad.jpg මේ ලබා දී ඇති සිංහල උපසිරැසි පිළිබද “සිසිල ප්‍රසාද්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.