Civil War (2024) Sinhala Subtitles | අනාගත ඇමරිකානු සිවිල් යුද්ධය! [සිංහල උපසිරැසි]

Civil War (2024) Sinhala Subtitles

හැම කෙනෙක්ටම සුබ දවසක් වේවා! ඔන්න වැඩි කල් නොගිහින් ආයෙත් යුධ, ක්‍රියාදාම සහ ත්‍රාසජනක කැටගරිවලට අයිතිවෙන, සෑහෙන දෙනෙක් එනකල් මග බලාගෙන හිටිය 2024 වසරේ දැනට නිකුත් වුනු සුපිරිම ෆිල්ම් එකක් අරගෙන ආව. පහුගිය උපසිරැසි කිහිපයටම වගේ කමෙන්ට් යම් ප්‍රමාණයකින් සංග්‍රහ කෙරිලා තිබුණු නිසා ආයේ පොඩ්ඩක් ආසාව ඇතිවේගෙන එනවා ඔන්න. 🙂

Civil War (2024) Sinhala Subtitles

යුද්ධයක් කියන්නේ කොහෙත්ම හොඳ දෙයක් නොවන බව අපි කවුරුත් දන්නවනේ? ඉතිං මේ ඉනමපයට ගලාගෙන යන්නේ අනාගතයේ දවසක ඇමරිකා එක්සත් ජනපදයේ ඇතිවෙන සිවිල් යුද්ධයක් අරභයා. මේ සිදුවීම් සියල්ලම වෙන්නේ අනාගතයේ දවසක. 

Civil War (2024) Sinhala Subtitles

ඔස්කා සම්මානයට නිර්දේශිත වී තිබෙන Alex Garland තමයි මෙහි අධ්‍යක්ෂකවරයා වෙන්නේ. Ex Machina (2018) සහ Annihilation (2018) වගේ සින්මපටවල අධ්‍යක්ෂකවරයා වෙන්නේ ඔහු තමයි. ඒ වගේම මෙහි කතාවත් ඔහුගේ. ඉතිං පහුගිය කාලේ ඇතැම් ප්‍රධාන නිර්මාණ ආයතන අසාර්ථක වෙනකොට A24 වගේ ස්ටුඩියෝස් හොඳ නිර්මාණ එළිදක්වන්න පටන් ගත්තා. Talk to Me කියන්නෙ අන්න ඒ වගේම මේ A24 අයගේ වැඩක්. ඉතිං එයාලගේ සිනමාපට අතරින් පලමු සතියේ වැඩිම බොක්ස් ඔෆිස් ආදායමක් වාර්තා කරපු ෆිල්ම් එක තමයි මේක. ඒ විතරක් නෙමෙයි, මේ සිනමාපටය තිරගතවිම ආරම්භ කරපු මුල්ම සතියේ ඩොමේස්ටික් ආදායම් ලයිස්තුවේ අංක එක ස්ථානයේ රැඳී සිටියේ මේ සිනමාපටය. ඒ අනුව ඩොලර් මිලියන 50ක් වියදම් කරලා නිර්මාණය කරපු මේ සිනමාපට මේ වෙනකොට ඩොලර් මිලියන 110+ අදායමක් ලබාගන්න සමත් වෙලා තියෙනවා.

Civil War (2024) Sinhala Subtitles

ඒ විතරක් නෙමෙයි මේ ලිපිය ලියන මොහොත වෙනකොට imdb වෙබ් අඩවියේ සාමාජිකයින් 65,000ක් දෙනා ජන්දය පල කරමින් 7.5ක් වගේ ඉහළතම අගයක් ලබාගන්න සමත් වෙලා තියෙනව. ඒ විතරක් නෙමෙයි RT වෙබ් අඩවියේ විචාරක මත අතරින් 81%ක් වැනි ඉහල අගයකුත්, ඕඩියන්ස් ස්කෝර් එක ලෙසින් 71%ක් වැනි ඉහල අගයකුත් මේ සිනමාපටය හිමි කරගෙන තියෙනවා. ඉතිං මේ සිනමාපටය සඳහා ප්‍රධාන වශයෙන් රංගනයෙන් දායක වෙන්නේ ස්පයිඩර්මෑන් සිනමාපටයෙන් මේරි ජේන් ලෙසින් ජනප්‍රියත්වයට පත් Kirsten Dunst. ඊට අමතරව Wagner Moura, Cailee Spaeny, Stephen McKinley Henderson, Sonoya Mizuno, සහ Nick Offerman. 

Civil War (2024) Sinhala Subtitles

ඉතිං මේ සිනමාපටයේ යුද්ධය අපිට පෙන්වන්නේ ජායාරුප මාධ්‍යවේදිනියක් වෙන ලී ඇසුරින්. අපේ රටට නම් මේ වෘත්තීය ටිකක් නුහුරු එකක්. හැබැයි මේ වෘත්තීය ලෝකයේ ඉහලම පිළිගැනීමක් සහිත වෘත්තියක්. මේ සම්බන්ධව සත්‍යය කතාවක් ඇසුරින් නිර්මාණය වුනු සිනමාපටයක් තමයි A Private War (2018) සිනමාපටය. මේ වෘත්තියේ තියෙන භයානකත්වය ගැන අපුරුවට මේකෙන් කියා දෙනවා. අපේ රට ගැනත් මේකේ කියවෙනවා. හැබැයි හොඳ විධියකට නම් නෙමෙයි.

එකම රටක එකම ජනතවාක් දෙපිල බෙදුනම වෙන විනාශය අපිට බලාගන්න පුළුවන් මේ සිනමාපටයෙන්. ඇත්තටම මේ සිනමාපටය නරම්බනකොට අපේ රටේ ඇතිවුණු එවැනි සිවිල් යුධ ගැටුම් දෙකක අතීතය මට මතක් වුණා. සමුහ මිනි වලවල්, හරි හැටි නීතියක් නොමැති රටක්, තරුණ ප්‍රජාවගේ ජිවිත මෙන්ම ඔවුන්ගේ අනාගතය කිසිදු ආකාරයකින් සුරක්ෂිත නොවන බව වගේ දේවල් යලි යලිත් සිහි ගැන්වුණා. ඒ වගේම මෑතකදී ආව හොඳ සිංහල සිනමාපටයක් වෙන “රහස් කියන කඳු” සිනමාපටයේ ඇතැම් දර්ශන මගේ මතකයට ආව මේ සිනමාපටය නරඹන වෙලාවේ. කොච්චර මේ වගේ සිනමාපට බැලුවත්, අපිටම කියල කොයි තරම් අතීත පාඩම් තිබුනත් අපි හැම වෙලේම බලන්නේ කොයි විධියකට හරි බෙදෙන්න. ඒවා ඇති ඉතිං, සිනමපටයෙන් පිට දේවල් නොවැ ඒවා.

ඉතිං මම සිනමාපටයේ කතාව ඔයාලට කියල මේක ස්පොයිල් කරන්න කැමති නැහැ,  ඇති තරම් පඳුර වටේ තැලුවනේ. හැබැයි යුද්ධය උත්ප්‍රාසයට නංවන ෆිල්ම් එකක් කියල හිතල නම් මේක බලන්න ගන්න එපා. ඔයා කල කිරීමට පත්වේවි. මොකද මේක යුද්ධය කියන එක ඇතිවීම කොයි තරම් මගහරින්න ඕනද කියල කියවෙන කතාවක් සහිත සිනමාපටයක්. 

Civil War (2024) Sinhala Subtitles

එහෙනම් ඉතිං ඔන්න මගේ කර්තව්‍යය නිමයි,  සබ් එක අරගෙන යනකොට කමෙන්ට් එකක් දාන්න අමතක කරන්න එපා. 🙂

Civil War (2024) Sinhala Subtitles

Director: Alex Garland

Writers: Alex Garland

IMDB Ratings : 7.5

Release Date: April 12, 2024 (United States)

 

 

 

Due to copyright issues, we do not provide any torrent links.

මෙම ලබා දී ඇති උපසිරසිය WEB  පිටපත සඳහා ලබා දි ඇත.

14,788 downloadsDownload Civil-War-2024.zip35 KB

මේ ලබා දී ඇති සිංහල උපසිරැසි පිළිබද “ශාන් විමුක්ති [විමා]” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

ADMIN MEMBER
JOINING DATE – 2013-02-27
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Civil War (2024) Sinhala Subtitles