Doctor Zhivago (1965) | තුන් කොන් පෙම. [සිංහල උපසිරැසි සමඟ]

මාගේ තෙවන උපසිරැසිය සම්භාව්‍ය සිනමාව ප්‍රිය කරන රසිකයින් සදහා තිළිණ කරන දැවැන්ත සිනමා සිත්තමකි. 1958 වර්ෂයේදී නෝබල් සම්මානය ලබාගත්, ඩොක්ටර් ෂීවාගෝ නමින් බොරිස් පැස්ටර්නික් නම් රුසියානු කතුවරයා කල මහා කාව්‍ය ග්‍රන්ථය මේ සදහා පාදක කර ගෙන ඇත. මේ වන විට IMDB RATE 8 ක් ලබා ගැනීමටද සමත් වී ඇති, වර්ෂ 1965 දී ගෝල්ඩන් ග්ලෝබ් සම්මාන 6 කට නිර්දේශ වී, ඉන් 5 ක්ම දිනාගත්, එම වර්ෂයේදීම ඔස්කාර් සම්මාන 10 කට නිර්දේශ වී, ඉන් 5 ක් දිනාගත්, නොයෙකුත් ජාත්‍යන්තර සිනමා උලෙළවලදී සම්මාන රාශියකුත් ලබා ගත් සිනමා සිත්තමකි.

බ්‍රිජ් ඔන් ද රිවර් ක්වායි, ලෝරන්ස් ඔෆ් ඇරේබියා වැනි සුප්‍රකට සිනමා පට අධ්‍යක්ෂණය කල ඩේවිඩ් ලීන් විසින් අධ්‍යක්ෂණය කර ඇත. ලෝක සිනමා ඉතිහාසයේ ආදායම් අතර 8 වන ස්ථානයේ (උද්ධමනය ගණන් බැලූ විට) රැදෙන අතර, M.G.M චිත්‍රාගාරය නිපැයු නිර්මාණ වලින් 2 වන ආදායම ලබා ගත් සිනමා පටයද වේ. ලෝකය පුරා සංගීත ලෝලීන් අතර ඉමහත් ප්‍රසිද්ධියට පත් LARAS THEME නම් තේමා සංගීතය අන්තර්ගත වන්නේද මෙහිය. මෙම තේමාව අනුව පසු කලක නිර්මාණය වූ SOME WHERE MY LOVE ගීතයද මහත් ජනප්‍රසාදයක් දිනාගන්නා ලදී. (මෙම අංග දෙකම ‍YouTube හරහා සවන්දීමට ඔබට හැකියි).

විනාඩි 200 කට අධික කාලයක් ගලායන සිනමා පටය සදහා ලබා දී ඇති ටොරන්ට් එක ඉතා ඉහළ වීඩියෝ තත්වයක් ඇති එකකි. කුඩා කලදීම, තම මවගේ වියෝවෙන් පසු මෝස්කව් බලා පැමිණෙන ෂීවාගෝ එහිදී වෛද්‍යවරයෙකු ලෙස පුහුණුව ලබා සමත් වී, තමන් හදා වඩා ගත් පවුලේ එකම දියණිය ටොන්යා සමග විවාහ වේ. මේ අතර ලාරා නම් තරුණියක් තම මවගේ පෙම්වතා අතින් කිළුටට පත්වී අපහසුවට පත් වේ. එහෙත් ඇයට තම පෙම්වතා වන පාෂා සමග විවාහ වීමට අවස්ථාව සැලසේ. පාෂා විප්ලව වාදියෙකි. යුද සමයේදී හමුදාවට එක්වන පාෂා අතුරුදහන් වේ.

ඉන්පසු ස්වේච්ඡා හෙදියක් බවට පත් වන ඇයට යුද භූමියේ රෝහලකදී ෂීවාගෝ මුණ ගැසේ. එහිදී දෙදෙනා අතර ඇති වන ආදර සම්බන්ධයත්, විප්ලවය නිසා පවුල් සම්බන්ධතා ඉහීරී යාම, නැවත එක්වීම, පාෂා නැවත මතුවීම, ලාරාගේ දූෂකයාගෙන් සිදුවන හිරිහැර, වැනි කරුණු රැසක් ඉස්මතු කරමින් චිත්‍රපටය ගලායයි. පළවන ලෝක යුද සමයේ හා විප්ලවය සමයේ රුසියානු ජනතාව මුහුණ දුන් දුක් කරදර ගැහැට යනාදියද මැනවින් චිත්‍රණය කර ඇත.

මෙම සිනමා පටයට අසාධාරණයක් නොවන ලෙස ඉතා ප්‍රවේශමෙන් උපසිරැසි පරිවර්තනය කිරීමට උත්සහ ගත් අතර, යම් වැරැද්දක් සිදු වි ඇත්නම් පෙන්වා දෙන ලෙසත් ඉල්ලා සිටිමි.

 

 

1.52GB කොපිය මෙතනින් බාගන්න

7C9EE72FD932842230F2897D38CD552D8F4FC784 ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

577 downloadsDownload Doctor.zhivago.1965.baiscopelk.zip59 KB

 

https://d36zzuvfojr38z.cloudfront.net/wp_content/uploads/2012/10/Normal-.jpg මේ ලබා දී ඇති සිංහල උපසිරැසි පිළිබද “ SIRIJAYA ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.