Flame & Citron (2008) AKA Flammen & Citronen Sinhala Subtitles | ඝාතකයෝ [සිංහල උපසිරසි සමඟ]

මුලින්ම ස්තූතිවන්ත වෙන්න ඕනෙ මම කලින් කරපු ” Metropolis(1927) බලන් කඩතුරා හැර දෑසේ…..” උපසිරැසියට එක වචනෙකින් හරි මට ස්තූති කරපු හැම දෙනාටම. මොකද ඒ දිරි ගැන්වීම් නිසා තමයි මොන තරම් කාර්යබහුල උනත් මේ වෙනුවෙනුත් කාලය වෙන් කර ගන්න පුලුවන් උනේ.

සෑම වසරකදීම ලෝකය පුරාවට විවිධාකාර රටවල් වල විවිධාකාර භාෂා වලින් නිර්මාණය වන්නාවූ දස දහස් ගනනක් වූ සිනමා පට අතුරින් බොහෝවිට අපේ නෙත ගැටෙනුයේ ඉංග්‍රීසි, කොරියානු, හිංදි, දමිළ ආදී සීමිත භාෂා ගණනකින් නිර්මාණය වූ එකම වර්ගයකට අයත් සිනමා නිර්මාණයන් කොටසක් පමණයි. මේ හේතුව නිසාවෙන්ම වෙනත් භාෂා වලින් නිර්මාණය කෙරෙන්නා වූ විශිෂ්ට සිනමාපට රැසක් අපට නොදැනීම මගහැරී යනවා. මේ උත්සාහය එසේ මගහැරී ගිය වෙනස්ම ආකාරයේ සිනමා සිත්තමක උපසිරැසියක් ලබා දෙන්නයි.

ලෝකෙ වටේ විවිධාකාර භාෂා වලින් නිර්මාණය උන සිනමා නිර්මාණ රසවිඳිනකොට හම්බ උන වෙනස්ම විදියේ ඩෙන්මාර්ක සිනමා නිර්මාණයක් තමයි මේ පාර උපසිරැසියක් කරන්න තෝර ගත්තෙ. මීට වසර දෙකකට විතර කලින් අහම්බයකින් වගේ මේ ෆිල්ම් එක ගැන බ්ලොග් අඩවියක පලවෙලා තිබුන ලිපියක් කියවන්න ලැබුනාට පස්සෙ මේ ෆිල්ම් එක හොයාගෙන බලපු මම එදා ෆිල්ම් එක බලලා ඉවර වෙන්නත් කලින්ම මේකට නං අනිවා සබ් එකක් කරන්න ඕනෙයි කියලා හිතාගත්තත් මගේ සුපුරුදු කම්මැලි බාලගිරි දෝශ රෝගය වැලදිලා හාර්ඩ් ඩිස්ක් එකේ කොනක පරණ වෙන්න මේ ෆිල්ම් එකට වාසනාව උදා උනා . කොහොමින් කොහොම හරි ආයෙමත්ම මේ ෆිල්ම් එක මගෙ මතකෙට ආවෙ ” ලක්ෂාන් සිල්වා (LakshanSilva18) සහෝ කරපු ඉල්ලීමක් නිසයි. අවාසනාවකට වගේ ඒ ඉල්ලීම කරපු කමෙන්ට් එක මම දැක්කෙත් මාස ගානක් පරක්කු උනාට පස්සෙයි. ඒ ප්‍රමාදය ගැන සහෝගෙන් සමාව ඉල්ලන ගමන්ම බොහොමත්ම ස්තූතිවන්ත වෙනවා මේ විශිෂ්ට සිනමා සිත්තම ගැන මගේ මතකය ආයෙමත්ම අවදි කලාට.

දෙවන ලෝක යුධ සමයේ ඩෙන්මාර්කයේදී සිදුවූ සත්‍ය සිදුවීම් පෙළක් ඇසුරු කර ගනිමින් නිමැවුන මේ සිනමා සිත්තම එවකට ඩෙන්මාර්කයේ වැඩිම වියදමක් දරා නිමැවුන දැවැන්තම සිනමා නිර්මාණයක් බවට පත්වූවා. ඉන් පසුව ඒ වසරේදී එවකට ඩෙන්මාර්ක ඉතිහාසයේ වාර්තාගත ඉහලම ප්‍රේක්ෂක ආකර්ෂණය දිනාගත් සිනමා සිත්තම බවටත් මේ සිනමා සිත්තම පත්වූවා. එපමණකින් නොනැවතී ලොවපුරා පැවති විවිධාකාරයේ සිනමා සම්මාන උළෙලවල් වර්ණවත් කරමින් සම්මාන 15ක් සඳහා නිර්දේශයන් සහ සම්මාන 9ක් දිනා ගනු ලැබූයේ විචාරකයින්ගේ නොමද පැසසුම් මධ්‍යයේයි. ඒ වගේම IMDb දර්ශකයේ 7.3ක් සහ rotten Tomatoes වර්ගීකරනයේ 86%ක් ලබා ගන්නටත් මේ සිනමා සිත්තමට හැකියාවක් ලැබී තියෙනවා. දැන් හිතාගන්න පුලුවන්නෙ මේ කියන්නෙ කොහොම ෆිල්ම් එකක් ගැනද කියලා. මිනිත්තු 130ක් පුරාවට උඩට ගත්තු හුස්ම පහලට දාන්න අමතක කරවන, නියපොතු කකා පුටුව උඩ හිටවන ජාතියෙ ෆිල්ම් එකක් ලගදි බැලුවෙ නැත්තන්, අනිවා මෙන්න ඔයාල හොයපු ෆිල්ම් එක……..

ජර්මානුවන් බියෙන් සලිත කල ඝාතන රැල්ලක්….,
රතු පැහැ කෙස් ඇති කෙසඟ තරුණයෙක්….,
නිහඬ නමුත් විශ්වාසවන්ත මෝටර් රථ ධාවකයෙක්….,
ඝාතකයින් පසුපස හඹා ගිය ජර්මානු හමුදා නිළධාරියෙක්….,
අබිරහස් ඔත්තුකාරිනියක්….,
අවන්හලකදී සිදුවූ අහඹු හමුවක් සමඟ හෙළි වූ රහසක්….,
පාවාදෙන්නෙක්….,
ආදරයේ නාමයෙන් දිවිපිදූ දේශප්‍රේමියෙක්…..,
සිය මවුබිමේ නිදහස උදෙසා දිවි පරදුවට තබා සටන්කල දේශප්‍රේමීන්….,
මුදලට ගිජුවූ දේශ ද්‍රෝහීන්….,
සියල්ල තීරනය කල ඇය….,
අවසානය තෙක් සටන්වැදි ඔහු….,
සතුරන් මිතුරන් සහ පාවා දෙන්නන් මැදින් ගලාගිය ඒ පලිගැනීමේ වීර චාරිකාවේ අවසානය…..,
අවසරයි නරඹන්න, ” ඝාතකයෝ….. “

මේ සිනමා සිත්තමේ කතාව කියන එක නං හරිම අමාරු වැඩක්. මොකද මේක නරඹලා මිසක් කියවලා රසවිඳින්න පුලුවන් ජාතියේ සිනමා සිත්තමක් නොවෙන නිසා. ඒ නිසා තෝරා බේරාගෙන රසවිඳීම ඔබට බාරයි…. තවමත් මේ ෆිල්ම් එක බලන්න ඕනෙ කියල හිතුනෙ නැත්තන් ෆිල්ම් එකේ ට්‍රේල බලලම තීරණයක් ගන්න. නැත්නම් මගේ ලිපි ලිවීමේ නොහැකියාව නිසා පට්ටම ෆිල්ම් එකක් මිස් වෙයි. තවත් එක දෙයක්, මේ ෆිල්ම් එක බලන කොට පුලුවන්නම් වර්ණ සංයෝජනය, පසුබිම් වර්ණ ගැන්වීම් වගේ දේවල් දිහාත් පොඩ්ඩක් අවධානෙන් බලන් හිටියොත් එහෙම වෙනස්ම අත්දැකීමක් විද ගන්න ලැබේවි. මේ සිනමා සිත්තම දෙවන ලෝක යුධ සමයේ ඩෙන්මාර්කයේදී සිදුවූ සත්‍ය සිදුවීම් පෙළක් ඇසුරු කර ගනිමින් නිර්මාණය වූවක් නිසා ඒ සැබෑ චරිතයන් වෙනුවෙන් කරනා ගරු කිරීමක් විදියට මම ඔවුන්ගේ සත්‍ය චායාරූප කීපයක් පළ කරන්නම්. වැඩි විස්තර දැන ගන්න ආස කෙනෙක් ඉන්නව නං පොඩ්ඩක් ගූගල් දෙයියා සරණ ගිහින් බලන්න.

සිනමා සම්මාන උළෙලවල් අතික්‍රමණය කල වෙනස්ම විදියේ සම්මානනීය ප්‍රංශ සිනමා සිත්තමක උපසිරැසියත් සමඟින් නැවත හමුවෙමු.
ඔබට ජය….!

ප.ලි
සබ් කරන්න මග ඇරුන පරන උනත් හොද ෆිල්ම් තියෙනවා නං පහලින් කමෙන්ට් එකක් දාලා යන්න. පුලුවන් විදියකට කරන්නම්….

 

 

 

 

Due to copyright issues, we do not provide any torrent link.

මෙම ලබා දී ඇති උපසිරසි BR පිටපත් සඳහා අදාළ වේ.

3,831 downloadsDownload Flame-Citron-2008.zip102 KB

මේ ලබා දී ඇති සිංහල උපසිරැසි පිළිබද “හසිත මධුෂාන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2017-01-07
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.