Gone with the Wind (1939) with Sinhala Subtitle | සුලඟින් පිස ගිය ආදරයේ හා වෛරයේ කථාව [සිංහල උපසිරැසි සමඟ]

ඇකඩමි සම්මාන අටක් හා අගැයිම් සම්මාන දෙකක් ඇතුළුව සම්මාන දහයක් සිනමා ඉතිහාසයේ ප්‍රථම වතාවට දිනා ගත් “Benhur” සිනමා පටය මගින් වසර 20 කට පසු 1950 දී, එම වාර්ථාව බිඳ දමන තෙක්ම රැකගත්) , වැඩිම ප්‍රේක්ෂක පිරිසක් ආදරයෙන් වැලඳ ගත් සිනමා පටය ලෙස සිනමා විශාදරයන් සලකන, එසේම වැඩිම ප්‍රේක්ෂක  පිරිසක් නැරඹූ සිනමා පටය ලෙස වාර්ථා පොතට එක් වූ, සමස්ත සිනමා ඉතිහාසයේම වැඩිම ආදායම ලැබු (ඩොලර් බිලියන 3.3) සිනමා පටය ලෙස නොබිඳෙන වාර්ථාව තබා ඇති, මින් වසර 75කට පෙර,  එවකට වැඩිම වියදම දරා නිපදවූ දැවන්ත සම්භාව්‍ය සිනමා පටයයි “Gone With The Wind”. මෙම සිනමා පටය පසුගිය වසර 75 පුරාම, (1939 සිට 2013 දක්වා) නැවත නැවතත් දස වාරයකටත් වඩා ප්‍රදර්ශනයට මුදා හැර තිබීමෙන්ම, මෙය ලෝක සිනමා ඉතිහාසය තුල කොපමන ජනප්‍රියතාවයක් ලැබී ඇත්දැයි සිතාගත හැක. එමෙන්ම රූපවාහිනියේ පලමු ප්‍රදර්ශන වාරයේදී, එවකට වැඩිම ප්‍රේක්ෂක පිරිස නැරඹු සිනමාපටය පිලිබඳ වාර්ථාවටද හිමිකම් ලැබුවා.

1998 වසරේදී නව තාක්ෂනය යොදා ප්‍රතිසංස්කරණය කර, ඇමරිකානු සිනමා ආයතනය විසින් හොඳම සිනමා පට දහ‍ය අතරට තෝරාගෙන, සංරක්ෂනය කෙරුනා. මෙය නිපදවීමට පාදක කරගෙන ඇත්තේ,පැරණි දකුණු ඇමරිකා සිවිල් යුද්ධය ආරම්භයත් ඉන්පසු ප්‍රතිසංස්කරණ අවධියත් මැදි කරගෙන මාග්‍රට් මිෂෙල් නම් කතුවරිය ලියු නවකථාවයි. දකුණු අමරිකාවේ ජීවත්වූ  වංශවත්, පොහොසත්, සුරුපී, එමෙන්ම දැඩි අධිෂ්ඨානශීලී, මුරණ්ඩු, සමාජ ආකල්ප වලට බිය නොවන ස්කාලට් නම් යුවතියක් වටා මෙහි කථාව ගොනු වී ඇත.

සිවිල් යුද්ධයේ බලපෑමෙන් ඇති වන දරිත්‍රතාවයට හා දුර්භික්ෂයට මුහුන දෙන ඇය, තම පියා ඇතුළු සොයුරියන් දෙදෙනා රැක ගැනීමටත්, අහිමි වීමට ආසන්න ඉඩකඩම් බේරා ගැනීමටත් ගන්නා දැඩි උත්සහ‍ය මින් මැනවින් නිරූපනය කර ඇත. ඈෂ්ලි නම් තරුණයෙකුට තමාට පමණක් සීමා වූ,  අප්‍රකාශිත ආදරයක් ඇය පුද කරයි, එම තරුණයා වෙනත් විවාහයක් කර ගනී. නමුත්ඇය, ඔහුව කෙසේ හෝ තමා සතුකර ගැනීමේ උත්සහයක නිරත වේ.  කෙසේ  වෙතත් ඇය වෙනත් විවාහයක් කර ගනී. එම පලමු විවාහයේ සැමියා යුධ සටනකදී මියයයි. ඉන්පසු  විවාහ වන දෙවන්නාද ගැටුමකට මැදිවී මියයයි. ඇයව තේරුම් ගෙන, ඇයට සත්‍ය වශයෙන්ම ආදරය පුද කරන, ඇගේ තෙවන සැමියා, ඇගේ පලමු පෙම්වතා වන ඈෂ්ලි නිසා ඇති කර ගන්නා ගැටුම්වල ප්‍රතිඵලයක් ලෙස,  ඇයව අතහැර යයි. නමුත් මේ වනවිට ඔහුගේ ආදරය ගැන සත්‍යාවබෝධය ලබා, හැරගිය සැමියා කෙසේ හෝ නැවත දිනා ගැනීමට අධිෂ්ඨාන කරගන්නා ඇය……………

පරිගනක තාක්ෂන‍ය ගැන අසාවත් නැති යුගයක නිපදවා ඇති, අති දැවැන්ත පසුතල හා, ඉතා විචිත්‍රවත් රූපරාමු නිර්මාන ඔබව පුදුමයට පත් කරවනු ඇත. ඇමරිකානු සිවිල් යුධ සමය ගෑන අවබෝධයක්  ලබා ගැනීමටද මෙයින් ඔබට යම් අවස්ථාවක් සැලසේවි. මෙයට පෙර “Doctor shivago” උපසිරැසි සඳහා ලැබී තිබු අදහස් දැක්වීම් වලදී, මෙම සිනමා පටයටත් උපසිරැසි ලබාදෙන මෙන් ඉල්ලීම් කිහිපයක් තිබුනා. ඒත් “Doctor shivago” වැනි සම්භාව්‍ය සිනමා පටයක් සඳහා ලැබුනු අඩු ප්‍රතිචාරය නිසා මා ටිකක් පසුබෑවා. එහෙත් සිංහල උපසිරැසි සාහිත්‍යය තුල මෙම දැවැන්ත සිනමාපටයේ උපසිරැසිය නැතිකමේ අඩුපාඩුව සම්පූර්ණ කලයුතු යැයි හැඟුනු බැවින්, විනාඩි 240ක් පුරා දිවෙන, උපසිරැසි පේලි 3000 කටත් වඩා ඇති මෙම උපසිරැසිය කරන්න තීරණය කලා. ලිපිය ටිකක් දීර්ඝ වුනා. එනිසා සිනමා වංශ කථාවේ අනභිබවනීය සිනමා පටයක් නරඹා රසවිඳ, ඔබේ අදහස් හා විවේචන ලැබෙන තෙක්, නවතින්නම්.

ජයමවේවා.

 

 

 

 

 

 

 

 

මෙම ලබා දී ඇති සියළුම Blu-ray පිටපත් සඳහා අදාළ වේ.

553 downloadsDownload Gone-with-the-Wind-1939.Baiscopelk.com_.rar103 KB

 

https://d36zzuvfojr38z.cloudfront.net/wp_content/uploads/2012/10/Normal-.jpg මේ ලබා දී ඇති සිංහල උපසිරැසි පිළිබද “ SIRIJAYA ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.