Kraftidioten (2014) AKA In Order of Disappearance AKA En iskall jävel Sinhala Subtitles | නිහඬ ඝාතකයා…. [සිංහල උපසිරසි සමඟ]

මුලින්ම ස්තූතිවන්ත වෙන්න ඕනෙ මම කලින් කරපු ” Capernaum (2018) බලන් කඩතුරා හැර දෑසේ…. ” උපසිරැසියට එක වචනෙකින් හරි මට ස්තූති කරපු හැම දෙනාටම. මොකද ඒ දිරි ගැන්වීම් නිසා තමයි මොන තරම් කාර්යබහුල උනත් මේ වෙනුවෙනුත් කාලය වෙන් කර ගන්න පුලුවන් උනේ.

ලෝකෙ වටේ විවිධාකාර භාෂා වලින් නිර්මාණය උන සිනමා නිර්මාණ රසවිඳිනකොට හම්බ උන වෙනස්ම විදියේ නෝර්වීජියානු සිනමා නිර්මාණයක් තමයි මේ පාර උපසිරැසියක් කරන්න තෝර ගත්තෙ. IMDb දර්ශකයේ 7.2ක් rotten Tomatoes වර්ගීකරනයේ 87%ක් එක්කම ලෝකෙ වටේම සිනමා සම්මාන උලෙළවල් නියෝජනය කරලා සම්මාන 3ක් සහ නිර්දේශවීම් 10ක් ලබාගත්තු සුපිරිම නෝර්වේජියානු ෆිල්ම් එකක්. කෙටියෙම්ම කිව්වොත් මිනිත්තු 116ක් පුරාවට ඉහලට ගත්තු හුස්ම ආපහු පහලට දාන්න අමතක කරවන ෆිල්ම් එකක්. මේ නෝර්වීජියානු ෆිල්ම් එකේ සාර්ථකත්වය කොච්චරද කියනවා නං 2019 අවුරුද්දේදී “Cold Pursuit” නමින් ලියම් නීසන් (Liam Neeson) රගන හොලිවුඩ් නිර්මාණයක් විදියට මේ ෆිල්ම් එක නැවත ප්‍රතිනිර්මාණය උනා. අලුත් රී මේක් එකෙන් පරන ෆිල්ම් එකේ ගතිය ගන්න බෑ කියන නිසාත් ඕල්ඩ් ඊස් ගෝල්ඩ් කියන නිසාත් පරන උනාට මුල් ෆිල්ම් එකටම සබ් එක කලා. මටත් මේ ෆිල්ම් එක හොයලා දීලා සබ් එකක් කරනවා මේකට කරපං කියලා ලෝක පරාල ඇණයක්ම උන මගේ මිතුරාටත් බොහොම ස්තූතියි. මොකද ෆිල්ම් දෙකම බැලුවාම මටත් හිතුනේ ඕල්ඩ් ඉස් ගෝල්ඩ් කියලාම තමයි. තීරණය ඔබ සතුයි….

මේ ෆිල්ම් එකේ කතාව ගැන කියන්න උත්සාහ කරන එක මහම මහ බොරු වැඩක්. ඒත් ඉතිං පුලුවන් විදියකට උත්සාහ කරන්න එපැයි.

” හිම වැටෙන සීත රැයක සිදු වෙන පැහැර ගැනීමක්….
දුම්රිය වේදිකාවක රහසේ කෙරෙන ඝාතනයක්….
අවසන් මොහොතේ හෙලිවන රහසක්….
රාත්‍රී ගනදුර මැද අතුරුදන් වීම් මාලාවක්….
කුලී මිනී මරන්නෙක්…
විශ්‍රාමික පාතාලයේ සොල්දාදුවෙක්….
මුදලට ගිජුවූ ද්‍රෝහියෙක්….
සහෝදරයා වෙනුවෙන් මරනය තෝරාගත් වීරයෙක්….
පලිගැනීමේ ආශාවෙන් වියරු වැටුන පාතාල කල්ලි දෙකක්….
එක් අත්වැරැදීමකින් සිදුවූ ඝාතනයක් සමග….
ලෙයට ලෙය… ඇසට ඇස… පුතාට පුතෙක්…
ඉල්ලා සටන් වදින පියවරුන් යුගලක්….
අවසානයේ කුමක් සිදුවේවිද….
අවසරයි නරඹන්න ” නිහඬ ඝාතකයා…. “

මේ ෆිල්ම් එක ගැන මම මීට වඩා කිසිම දෙයක් කියන්න යන්නෙ නෑ. මොකද මේ ෆිල්ම් එක නරඹලා මිසක් කියවලා රසවිඳින්න බැරි විදියේ එකක් නිසා. ඒ නිසා හැම කෙනෙක්ටම ආරාධනා කරනවා මේ ෆිල්ම් එක රසවිඳින්න.

තවමත් මේ ෆිල්ම් එක බලන්න ඕනෙ කියල හිතුනෙ නැත්තන් ෆිල්ම් එකේ ට්‍රේල බලලම තීරණයක් ගන්න. නැත්නම් මගේ ලිපි ලිවීමේ නොහැකියාව හින්දා පට්ටම ෆිල්ම් එකක් මිස් වෙයි. ඒ වගේම සබ් කරන්න මග ඇරුන පරන උනත් හොද ෆිල්ම් තියෙනවා නං පහලින් කමෙන්ට් එකක් දාලා යන්න. පුලුවන් විදියකට කරන්නම්….

ඔබට ජය….!

 

 

Due to copyright issues, we do not provide any torrent links.

මෙම ලබා දී ඇති උපසිරසි Blu-Ray පිටපත් සඳහා අදාළ වේ.

3,432 downloadsDownload In-Order-of-Disappearance-2014-1.zip72 KB

මේ ලබා දී ඇති සිංහල උපසිරැසි පිළිබද “හසිත මධුෂාන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2017-01-07
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.