Incoming (2018) Sinhala Subtitles | ඔවුන් නැවත පැමිණෙයිද? [සිංහල උපසිරැසි සමඟ]

හැමදෙනාටම ආයුබෝවන්! පලවෙනි සබ් එක කරල දවස් 12 කට විතර පස්සෙ මගෙ දෙවෙනි සබ් එකත් අරගෙන තමයි අද අවේ. මුලින්ම ස්තූති කරන්න ඕනෙ මේ ෆිල්ම් එක මට දුන්න හසන්ත සහෝදරයට. ඒ වගේම පලවෙනි සබ් එකේ අඩු පාඩු පෙන්නල දුන්න චාමර සහෝටත් ස්තූතියි. මේ සැරේ නම් ඒ අඩු පාඩු ඔක්කොම වගේ හදාගෙන තමයි ආවේ. ඉතිං වැඩිය කතා බතා නැතුව කෙලින්ම ෆිල්ම් එක පැත්තට යන්නම්. මේ ෆිලුමේ කතාව ගෙතෙන්නේ අභ්‍යවකාශ මධ්‍යස්ථානයක් වටා. හැබැයි මේ අභ්‍යවකාශ මධ්‍යස්ථානය ටිකක් වෙනස් එකක්. මොකද මේකෙ ඉන්නෙ ගගන ගාමියො නෙමෙයි, හිරකාරයෝ! එහෙම කොහොමද වෙන්නේ? එහෙම වෙන්නෙ මොකද මේක අතාඇරලා දාපු අභ්‍යවකාශ මධ්‍යස්ථානයක් නිසා. දැන් ඒක පාවිච්චි කරන්නෙ පෘථිවියෙ තියෙන දරුණුතම ත්‍රස්තවාදී සංවිධානයක ප්‍රධාන සාමාජිකයින් 6 දෙනෙක්ව රදවගෙන ප්‍රශ්න කරන හිරගෙදරක් විදිහට. මුන්ගෙන් ප්‍රශ්න කරන්නේ ඒ සංවිධානයේ නායකයා කවුද, ඌ ඉන්නෙ කොහෙද කියලා දැනගන්නයි. ප්‍රශ්න කරන විදිහ ඉතිං ඔයාලා දන්නවනේ.. හැබැයි අවුරුදු 5 ක් තිස්සෙ කොච්චර වධ වේදනා වලට ලක් උනත් මුං නෙමෙයි කටක් හොල්ලන්නෙ. ඒ නිසා ඇමෙරිකාවෙන් මේ ගැන බලන්න විශේෂ විමර්ශකයො කණ්ඩායමක් එවනවා. අවාසනාවන්ත විදිහට මේ එක විමර්ශන නිළධාරියෙක් අතින් වෙන් වැරැද්දක් නිසා හිරකාරයෝ සෙට් එකම හිරෙන් එලියට පනිනවා. පැන්නයි කියලා කොහෙ යන්නද, ඉන්නෙ අභ්‍යවකාශෙනෙ. වැඩේ කියන්නෙ හිරෙන් එලියට පැන්නට පස්සෙ තමයි උන් සෙට් එක දැනගන්නෙ උන් ඉන්නෙ අභ්‍යවකාශයේ කියලා. දැන් මේ හිරකාරයො

ටික පිස්සු පීකුතු වෙලා දගලද්දි අර විමර්ශන නිළධාරියො ටික මුන්ව යටත් කරගන්න දගලනවා. ඒ අස්සෙ මේ හිරකාරයො අමුතු ගේමක් ගහනවා. ඒ මේ මධ්‍යස්ථානේ පෘථිවියට කඩා වැටෙන්න සලස්වලා මහා විනාශයක් කරන එක. ඉතිං අර විමර්ශන කණ්ඩායමට තමනුත් බේරිලා, පෘථිවියත් බේරගෙන, නැවතත් පෘථිවියට එන්න අවස්ථාවක් ලැබෙයිද?

මං එතනින් නවතිනවා. හැබැයි තාම ඉවර නෑ. දැන් කියන්න යන්නෙ අර විමර්ශන කණ්ඩායමේ ප්‍රධානියා ගැන. ඒ තමා රයිසර්! රයිසර් කියන්නෙ අපි හැමෝම දන්න ස්කොට් ඇඩ්කින්ස්ට! Boyka Undisputed movie series එකෙන් එක ෆිලුමක් හරි බලල තියෙන හැමෝම දන්නවනෙ ස්කොට් අයියගෙ වැඩකෑලි ගැන. මේකෙත් ඉන්නෙ ඒ ස්කොට් අයියම තමයි! හැබැයි කිව්වට තරහා වෙන්න නම් එපා, මේ ෆිල්ම් එකේ අන්තිමට මෙයා මැරෙනවා. ඒත් ඒක ඛේදාන්විත අවසානයකුත් නෙමේ. දැන් එතකොට ස්කොට් අයියා මැරෙනවලු, හැබැයි ඛේදාන්විත අවසානයකුත් නෙමෙයිලු! ඒ මොන මගුලක්ද? මට ඒක මෙහෙම කියන්න පුලුවන්, මේ ෆිල්ම් එකට තියෙන්නේ අපි හීනෙකින්වත් හිතන්නෙ නැති, අමුතුම විදිහක අවසානයක්! ඉතිං ඒ අවසානය හොදයිද නැද්ද කියන එක මේ ෆිල්ම් එක බලන ඔයාලම තීරණය කරන්න. අදට එපමණයි. ඊලග උපසිරැසියත් අරගෙන හැකි ඉක්මනටම එනවා. මේ සබ් එක ඩවුන්ලෝඩ් කරත් නොකරත් මේ ලිපිය කියවපු හැමෝටම ඒ වෙනුවෙන් ස්තූතියි! පුලුවන් නම් කොමෙන්ටුවකුත් දාගෙනම යන්න. ජය වේවා!

 

 

 

Due to copyright issues, we do not provide any torrent links.

මෙම ලබා දී ඇති උපසිරසි BluRay පිටපත් සඳහා අදාළ වේ.

https://d36zzuvfojr38z.cloudfront.net/wp_content/uploads/2012/10/Normal-.jpg මේ ලබා දී ඇති සිංහල උපසිරැසි පිළිබද “සප්තක අර්ථසාද්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

NEW MEMBER
JOINING DATE – 2018-05-15
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.