Indiana Jones and the Raiders of the Lost Ark (1981) Sinhala Subtitles | රන් පෙට්ටගමේ අභිරහස [සිංහල උපසිරැසි සමඟ]

ආයුබෝවන් වේවා.! බයිස්කෝප් පාඨක ඔබ සැමටම.! ඉතින් ඔන්න වෙනදා වගේම සුපිරි බයිස්කෝපයක් අරගෙන මම අවා. නම දැක්කම දන්නවනේ මොකද්ද මේ කියන්න හදන්නේ කියලා. අද ඔයාලට දෙන්න යන්නේ නම් ‍ටිකක් විතර පරණ, හැබැයි එහෙම කියලා අතහරින් පුළුවන් බයිස්කෝප් එකක් නෙවෙයි. මේ බයිස්කොප් එක නම් ක්‍රියාදාම වලින් පිරුණ වික්‍රමාන්විත සිනමා පටයක්. මේ සිනමා පටයෙදි තමයි මුලින්ම “ඉන්ඩියනා ජෝන්ස්” කියන චරිතය ප්‍රෙක්ශකයන් දැන හදුන ගන්නේ. කවුද මේ “ඉන්ඩියනා ජෝන්ස්” කියන්නේ, මොනාද ඔහු කරන්නේ කියන දේ ‍දැන ගන්න අපිට මේ බයිස්කෝප් එක අනිවාර්යයෙන් බලන්න වෙනවා.

සැකවින් කිව්වෝත් “ඉන්ඩියනා ජෝන්ස්” කියන්නේ පුරාවිද්‍ය සාක්ෂි මත යම් යම් කෞතුක වස්තු සොයා යන ගවේෂකයෙක් කිව්වොත් නිවැරදි. මේ තමයි ඒ විදිහේ සැඟවුන අභිරහාස් සොයා යන ගමනේ, ත්‍රාස‍ජනක කථා මාලාවේ පළමු දිග හැරුම. මෙම චිත්‍රපටිය, ඉන්ඩියානා ජෝන්ස් චිත්‍රපටි මාලාවේ පළමුවැන්නයි. මෙහි දෙවැනි චිත්‍රපටිය (1984) සඳහා ලාංකීය නළු නිලියන්ද සහභාගී වී තිබෙනවා. තෙවන චිත්‍රපටිය 1989 වසරේත්, හතරවන චිත්‍රපටිය 2008ත් නිකුත් වි තියෙනවා. තව පස් වන කොටසකුත් එන්න තියෙනවා කියලා ආරංචි.

“ඉන්ඩියනා ජෝන්ස්”ගේ චරිතය පණ පොවන්නේ අපි කවුරුත් දන්න අග්‍රගන්‍ය සිනමා නළු හැරිසන් ෆෝර්ඩ්. එ වගේම ඔයාලා ස්පයිඩර්-මැන් 2 හිදි දුටු ස්පයිඩර් මැන් ගේ හතුරා ඩොක්ටර්. ඔක්ටෙවියස් ගේ චරිතය රඟපෑ ඇල්ෆ්රිඩ් මොලිනාත් මේ බයිස්කෝප් එකේ කෙටි චරිත නිරුපණයක් කරනවා. බැලුවොත් බලා ගන්න පුළුවන්.  ඒවගේම තවත් දක්ෂ නළු නිළි කැලක් රංගනයෙන් දායක වෙනවා. අන්තර්ජාල සිනමා දර්ශකයේ ‍යුසර් රේටින්ග්ස් 8.7ක් වගේ ඉහල අගයක් අරන් ටොප් 250 න් 27 වෙනි තැන දැනට අරන් තියෙනවා. ඉතින් ඒ වගේ අගයක් ගත්තු මේ සිනමා නිර්මාණයේ අධ්‍යක්ෂකවරයා වන්නේ සුප්‍රකට ස්ටීවන් ස්පිල්බර්ග්. ඔහුගේ වැඩකිඩ ගැන අමුතුවෙන් කියන්න ඔනේ, නැහැ නේ.

මීට කලින් බයිස්කෝප් අඩවියෙන් “ඉන්ඩියනා ජෝන්ස්” කථා මාලාවේ දෙවන කෙටස මෙතනින් සහා හතරවන කොටස මෙතනින් ලබා දිලා තියෙනවා. ඒ සහෝදරවරුන්ටත් මේ වෙලාවේ ස්තුති කරනවා උපසිරැසි ලබා දිම වෙනුවෙන්. තුන වන කොටසත් බයිස්කෝප් අඩවිය මගින් යථා කාලයේ ලබා දේවි. එතකොට කථා මාලාවම සම්පුර්ණයි.

ඉතින් එහෙනම් අපි හැරෙමු බයිස්කෝප් එක පැත්තට මෙකෙදි බයිසකොප් එක ආරම්භ වෙන්නේම දකුණු අප්‍රිකාවේ කැලැවකින්. මේ කැළැව පීර පීර “ඉන්ඩියනා ජෝන්ස්” යම් පුරාවස්තුවක් හොයනවා. එවගේම ‍ඒ පුරාවස්තුව කලින් හොයාගෙන ආපු ඔහුගේ තරඟකරුවෙක්වත් මේ “ඉන්ඩියනා ජෝන්ස්”හොයනවා… නමුත් මේ හැම දෙකටම ජෝන් ගේ පිටිපස්සේන් එන වදකාරයෙක් ඉන්නවා. ඔහු මුළු බයිස්කොප් එක පුරාම ඉන්නවා. කවුද කියලා බයිස්කෝප් එක බලනකොට දැන ගන්න පුළුවන්. කොහොම හරි ඔය හුට පට අස්සේ ජෝන් විශ්වවිද්‍යාලයේ ඉගැන්වීම් කරගෙන පාඩුවේ ඉන්නවා. ඔය අතර ජෝන්ට ඔහුගේ යාළුවෙක් මාර්ගයෙන් ලැබෙනවා හමුදා බුද්ධි අංශයෙන් හොයන. එක්තරා කාරණාවක් ගැන විස්තර ටිකක් කියන්න. එකෙන් වෙන්නේ අන්තිමේ එ තොරතුරු හොයන වැඩෙ හා එ සම්බන්ධ අනික් වැඩ ටිකත් ජෝන්ස්ටම කරන්නයි. එතන ඉදන් තමයි මේ බයිස්කෝප් එකට අදාළ කථාව ගොඩනැගෙන්නේ. ඉතින් මම ඒගැන නම් කියන්න බලාපොරොත්තුවක් නැ. එ මොකද්ද කියලා බලන්න නම් බයිස්කොප් එක අනිවාර්යෙන් බලන්නම වෙනවා. ‍ඉතින් මේ බයිස්කොප් එක එක දිගට බලලා ඉවරකරන්න පුළුවන් සුපිරිම ත්‍රාසජනක සිදුවිම් රැගත් බයිස්කොප් එකක්. හැමොටම ආරාධනා කරනවා මේක බලන්න එකතු වෙන්න කියලා. උප සිරැසිවල අඩුපාඩු ඇතොත් සමාවෙන්න ඔනේ.

ලැබුවා වු 2013 වසරත් ‍‍ජයෙන් ජයම වේවා. කියලා මම නවතිනවා. තවත් සිංහල උප සිරැසියකින් ඔබ හමුවන බලාපොරෙත්තුවෙන්.! ජය වේවා.

 

 

Due to copyright issues, we do not provide any torrent links.

මෙම ලබා දී ඇති උපසිරසි සියලුම BR / DVD පිටපත් සඳහා අදාළ වේ.

2,847 downloadsDownload Indiana.Jones_.And_.The_.Raiders.Of_.The_.Lost_.Ark_.1981.sinhala-sub.baiscope.lk_.zip101 KB

https://d36zzuvfojr38z.cloudfront.net/wp_content/uploads/2012/11/නලින්-පෙරේරා..jpg මේ ලබා දී ඇති සිංහල උපසිරැසි පිළිබද “නලින් පෙරේරා” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

NEW MEMBER
JOINING DATE – 2012-11-12