London Boulevard (2010) | අවි ගත් අය… [සිංහල උපසිරැසි සමඟ]

ඔන්න යාළුවනේ මේ පාර ඔයාලට තවත් සුපිරි සිනමා සිතුවමක් සිංහල උපසිරැසිත් එක්කම අරගෙන ආවා. අපේ යාලුවන්ට මේ වගේ සුපිරි චිත්‍රපටියකට උපසිරැසි ලබා දීම මග ඇරුනා කියලා දැනගත්තම මට පුදුමත් හිතුනා. IMDb දර්ශකයේ 6.2/10ක ඇගයීම් ලකුණු ප්‍රමාණයක් අරගෙන තියෙන මේ චිත්‍රපටිය මේ සතියේ ලොව හොඳම චිත්‍රපටි අතර 52වෙනි තැන රැඳී සිටින්නට වරම් ලැබීමට තරම් සුපිරි චිත්‍රපටියක්. ඒ වගේම මේ චිත්‍රපටියේ ප්‍රධාන චරිත සියල්ලක්ම රඟ දක්වන්නේ සුපිරි නළු නිලියන් පිරිසක් විසින්. මෙහි ප්‍රධාන නළුවාගේ චරිතය වන මිචෙල්ගෙ චරිතය රඟපාන්නේ Total Recall (2012) චිත්‍රපටියේ ප්‍රධාන චරිතය රඟ දැක්වූ Colin Farrell විසින් වන අතර ප්‍රධාන නිලිය වන චාලට්ගෙ චරිතය රඟ දක්වන්නේ Pirates of the Caribbean චිත්‍රපටි මාලාවේ එලිසබෙත්ගෙ චරිතය නිරූපණය කල Keira Kinghtley විසිනුයි. ඒ වගේම ප්‍රධාන හතුරාගෙ චරිතය වන ගැන්ට් මහත්තයගෙ චරිතය රඟ දක්වන්නේ Robin Hood කතා මාලාවේ විල් ස්කාලට්ගෙ චරිතය රඟ දැක්වූ Ray Winestone විසිනුයි. 2010 නොවැම්බර් 26 එක්සත් රාජධානියේ තිරගත වීම ඇරඹුන මේ සුපිරි සිනමා සිතුවම බ්‍රිතාන්‍ය සිනමා උළෙලේ සම්මානයක් සඳහාද නාම යෝජනා ලබා තියෙනවා.

කතාවේ හැටියට මිචෙල් කියන්නේ සාපරාධී ක්‍රියාවක් හේතුවෙන් හිරේට ගිය පුද්ගලයෙක්. ඔහු හිරෙන් නිදහස් වෙලා ආවට පස්සේ ඔහුට රැකියාවක් කිරීම සඳහා අවස්ථාවක් උදා වෙනවා. ඒ රැකියාව තමයි රඟපෑමෙන් විශ්‍රාම ගත් චාලට් නැමති සුපිරි නිලියකගේ ආරක්ෂකයා වීම. රඟපෑමෙන් විශ්‍රාම ගත්තට චාලට් ට එච්චරම වයසක් නැහැ. ඒ වගේම ඇය ලන්ඩනයේ ඉතා සුරූපී සහ සුප්‍රසිද්ධ නිළියක්. ඇය සිනමා දිවියෙන් විශ්‍රාම ගත් හේතුව කවුරුත් දන්නෙ නැහැ. ඒ නිසා එක්සත් රාජධානියේ ඉන්න පැපරාසියන්ගෙන් මේ චාලට් ට ගැලවීමක් ඇත්තෙම නැහැ. ඇතැම් අවස්ථා වලදී ඇයට නොහොඹිනා වචන පවා මෙම පැපරාසීන් පවසනවා. ඒ නිසා චාලට් ගේ ඇතුලටම වෙලා ඉන්න කෙනෙක්. ඇගේ සැමියා ඉන්නෙත් ඇගෙන් සෑහෙන්න දුර ඈත. ඇගේ සහයට ඉන්නේ ජෝර්ඩාන් නැමති සේවකයා පමණයි. (මේ ජෝර්ඩාන්ගේ චරිතය රඟපාන්නේ හැරී පෝටර් කතා මාලාවේ ප්‍රධාන චරිතයක් රඟ දක්වපු නළුවෙක්.) ඉතින් චාලට් ගේ ආරක්ෂකයා හැටියට වැඩ කරන්න එන මිචෙල්ට ක්‍රමක්‍රමයෙන් චාලට් ගැන ආදරයක් ඇති වෙනවා.

ඒ අතරේ මිචෙල්ගෙ හොඳම යාළුවෙක්ට වයස 16ක පමණ තරුණයෙක් පහර දීම නිසා ඔහු මිය යනවා. මේ තරුණයා ගැන හොයාගෙන යන මිචෙල් නවතින්නේ ගැන්ට් නැමති දරුණු පාතාල නායකයෙක් ගාව. මිචෙල්ට දැනගන්න ලැබෙන විදිහට අර තරුණයා ගැන්ට් ගෙ ගෝලයෙක්. ගැන්ට් මිචෙල්ට කියනවා ඒ කොල්ලා ගැන අමතක කරලා තමන්ට වැඩ කරන්න කියලා. හැබැයි මිචෙල් ඒකට කැමති වෙන්නෙ නැහැ. ඒකට ලොකුම හේතුව තමයි චාලට්. ඉතින් තමන්ගෙ යෝජනාව ප්‍රතික්ෂේප කරපු නිසා ගැන්ට්ට අවශ්‍ය වෙන්නේ මිචෙල්ව පවුල් පිටන්ම නැති කරලා දාන්නයි.

ඉතින් යාළුවනේ.. මිචෙල්ගෙ ආදරයට චාලට් මොන විදිහට ප්‍රතිචාර දක්වාවිද? චාලට්ව පැපරාසින්ගෙන් ආරක්ෂා කරගන්න මිචෙල්ට පුලුවන් වේවිද? තමන්ගෙ යෝජනාව ප්‍රතික්ෂේප කරන මිචෙල්ට විරුද්ධව ගැන්ට් මහත්තයා මොන වගේ ක්‍රියාමාර්ගයක් ගනීවිද? ඒ ක්‍රියාමාර්ගයට මිචෙල් මොන විදිහට ප්‍රතිචාර දක්වාවිද? මිචෙල් තමන්ගෙ යාලුවව මරපු අර තරුණයාව හොයා ගනීවිද? චාලට්ගෙ සේවකයා වන ජෝර්ඩාන් මිචෙල්ව මොන විදිහට පිළි ගනීවිද? මිචෙල්ගෙ ආදරේට ජෝර්ඩාන් උදව් කරාවිද? නැත්නම් වල කපාවිද? ගැන්ට් හා මිචෙල්ගේ ඝට්ටනය මොන විදිහට කෙලවර වේවිද කියලා කතාව බලලම දැනගන්න යාළුවනේ.. හැමෝටම ජයවේවා!!!

325 MB කොපිය මෙතනින් බාගන්න c97bab7193db8f2c138c09bd58242d9601747651 700 MB කොපිය මෙතනින් බාගන්න 588e7db13d493c262207264497e42f1dcd6eb84f 1.4 GB කොපිය මෙතනින් බාගන්න f59b0a4e0ef9f16ea68328eeab8bb52b57747f97 ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් සයිට් එකකින් එම ටොරන්ට් එක බාගත කරගන්න.

1,758 downloadsDownload London-Boulevard-2010.zip189 KB

https://d36zzuvfojr38z.cloudfront.net/wp_content/uploads/2012/10/දිනිඳු-සම්පත්.jpg මේ ලබා දී ඇති සිංහල උපසිරැසි පිළිබද “දිනිඳු සම්පත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.