Lost Highway (1997) Sinhala Subtitles | යාතාර්ථයෙන් ඔබ්බට……. [සිංහල උපසිරසි සමඟ] (18+)

සුභ දවසක් ප්‍රාර්ථනා කරනවා හැමෝටම. මං මේ වතාවේ උපසිරස රැගෙන ආවේ Crime / Mystery / Thriller යන වර්ග වල අයත් වෙනස්ම විදියේ සිනමා නිර්මාණයකට. ඇත්තටම මේක ඉතා සංකීර්ණ කතා තේමාවක් අන්තර්ගත තේරැම් ගැනීමට ඉතාමත් අපහසු චිත්‍රපටයක්. මං මෙච්චර කාලෙකට නරඹපු චිත්‍රපට අතරින් මේක තමා මං දැකපු දෙවෙනියටම වැඩිම සංකීර්ණ චිත්‍රපටය. මීට වඩා ව්‍යාකූල බවක් දැනිලා තියෙනවනම් ඒ ඉතිං Donnie Darko චිත්‍රපටයේදී පමණයි. ඉතිං මට හිතුනා මේ ව්‍යාකූල චිත්‍රපටය වෙනුවෙන් උපසිරසක් ලබාදෙන්න.

1997 වර්ෂයේදි තිරගත උන මෙම චිත්‍රපටය ප්‍රකට හොලිවුඩ් චිත්‍රපට අධ්‍යක්ෂවරයෙකු වන David Lynch විසින් ලියා, අධ්‍යක්ෂණය කරනු ලැබූවක්. ඇත්තටම David Lynch කියලා කියන්නෙ වෙනස්ම ආරකට, වෙනස්ම විදියේ කතා තේමා අන්තර්ගත සහ චිත්‍රපටය අවසානයේදි ප්‍රෙක්ෂකයාව සිතන්නට පොළඹවන විදියේ සිනමා නිර්මාණ බිහි කෙරෑ අධ්‍යක්ෂවරයෙක්. ඔහු විසින් අධ්‍යක්ෂණය කෙරෑ Mulholland Drive (2001) කියන චිත්‍රපටයටත් මං මීට කලකට ඉහතදී උපසිරසි ලබාදුන්නා. එම චිත්‍රපටය නැරඹුවා නම්, අනිවාර්යෙන්ම කතාව අවසානයේදි මොකද්ද මේ උනේ කියලා හිතාගන්න බැරිවෙන්න ඇති. ඉතිං මෙම චිත්‍රපටය, එම Mulholland Drive චිත්‍රපටයටත් වඩා සංකීර්ණ කතාවක් අන්තර්ගත සිනමා නිර්මාණයක්. මෙයට රංගනයෙන් දායක වී තිබෙන්නෙ Bill Pullman, Robbert Loggia, Patricia Arquette යන නළු නිළියන්. එමෙන්ම මෙම චිත්‍රපටයට 7.6ක් වැනි ඉහල මට්ටමේ IMDB අගයක්ද හිමි වී තිබෙනවා.

ඇත්තටම මෙහි කතාව විස්තර කරන එක නම් කොහෙත්ම කරන්න බැරි වැඩක්. මොකද මේ කතාව ආරම්භ වන්නෙ කොතනින්ද, අවසාන වෙන්නෙ කොතනින්ද කියන එක හරියටම හිතාගන්න අමාරැයි. ඒ වගේම චිත්‍රපටය තුළ සිදුවන සිද්ධි දාමයන් හරිම ව්‍යාකූල ස්වභාවයක් පෙන්නුම් කරනවා. එමෙන්ම මෙය මනෝ විශ්ලේෂණය පැත්තට නැඹුරැ වුන චිත්‍රපටයක්. අධ්‍යක්ෂවරයා මෙහිදි උත්සහ දරා තිබෙන්නෙ අපරාධකරැවෙකුගේ මනස ක්‍රියාත්මක වෙන ආකාරය ගැන විග්‍රහයක නියැලෙන්න. ඉතිං චිත්‍රපටය නරඹා හොඳ නරක තීරණය කිරීම ඔබටම භාරයි. ඒ වගේම විශේෂයෙන් සඳහන් කරන්නට ඕනේ, මෙම චිත්‍රපටය 18+ දේවල් ටිකක් වැඩිපුර අන්තර්ගත උන සිනමා නිර්මාණයක්. ඉතිං මෙය පවුලේ සැමට එකට නැරඹිය නොහැකි සිනමා නිර්මාණයක් බව කරැණාවෙන් සලකන්න. ඒ වගේම මෙම චිත්‍රපටය ඔබ පළවෙනි වතාවට නරඹනවා නම් අනිවාර්යෙන්ම කතාව අවසානයේදි මොකද්ද මේ උනේ කියලා කොහෙත්ම සිතාගන්නට බැරි වේවි. ඉතිං චිත්‍රපටය ගැන අදහසක් ලබා ගැනීමට නම් මනස වෙහෙසවන්නට සිදුවේවි. ඒ වගේම මෙම චිත්‍රපටය පුරාවටම විවිධාකාර සංකේත භාවිතා වෙනවා. ඉතිං චිත්‍රපටය තුළ සිදුවන එක පුංචි සිද්ධියක්, දෙබසක් ඇති මුළු කතාවෙම හරය කණපිට පෙරලන්න. ඉතිං චිත්‍රපටය නරඹද්දි ඉතාම සූක්ෂමව නරඹන්න කියලා ඉල්ලනවා. චිත්‍රපටය අවසානයේදි කතාවේ හරය ගැන කිසිම අදහසක් ආවේ නැති උනොත්, Youtube එකේ මෙම චිත්‍රපටය ගැන විග්‍රහ කර තිබෙන වීඩියෝ කිහිපයක් නරඹලා බලන්න. එය මෙහි කතාව තේරැම්ගැනීමට රැකුලක් වේවි.

මේක මගේ 31 වෙනි උපසිරසි නිර්මාණය. තවත් වටිනා සිනමා නිර්මාණයකට ඉක්මනින්ම උපසිරසක් රැගෙන ඒම බලාපොරොත්තුව පෙරදැරිව මං දැනට සමුගන්නවා. ඔබ සැමට ජයෙන් ජය පතමි !!!

 

 

 

 

Due to copyright issues, we do not provide any torrent links.

ලබාදී ඇති උපසිරැසි BR පිටපත් සඳහා අදාළ වේ.

https://d36zzuvfojr38z.cloudfront.net/wp_content/uploads/2017/11/james-dc-new.jpg මේ ලබා දී ඇති සිංහල උපසිරැසි පිළිබද “James DC” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2016-06-30
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.