Malayankunju (2022) Sinhala Subtitles | බිළිඳෙකු හැඬුවා.. [සිංහල උපසිරසි]

අනිකුට්ටන්!!
ගමේ කාටත් තමන්ගේ ටීවී එක, රේඩියෝ එක කැඩුනම
මුලින්ම මතක් වෙන නම..
ඒ ඇරෙන්න
කිසිම ආශ්‍රයක් තියාගන්න කවුරුත් අකමැති කෙනා වුණෙත්
අනිකුට්ටන්..!!
හේතුව තමයි, මිනිහට හරි ඉක්මනට තරහ යන එක.
මේ හොඳට ඉන්න මිනිහා
හිටි ගමන් යකා වගේ ඇඟට කඩා පනිනවා.
අනිකුට්ටන්!!
ජීවිතේ අරන් ගියේ අම්මා එක්ක එකම ගෙදර.
තරුණ වයස වුණත් පෙලවහක් ගැන නම් හිතල තිබුණේ නෑ.
හරිම නිහඬව ජීවිතේ ගෙවුණේ.
තිබුණෙත් හරි අමුතු පුරුදු.
පාන්දර 3ට නැගිටලා නාගෙන දිගටම වැඩ..
ආයෙත් බැලුවොත් මිනිහා නිදි.
නැගිටින්නේ ආයෙම හවසට..
මේ අනිකුට්ටන්ගේ ජීවිතේට
එක දවසක්
මුළු ජීවිතේම කණපිට පෙරලන කෙනෙක් එනවා
ඒ කෙනාගේ කතාව තමයි මේ
Malayankunju!!

දැන් දැන් කවුරුත් ඉතාම ආදරේ කරන ඉතාමත් ප්‍රිය කරන සිනමා නළු Fahadh Faasilගේ අලුත්ම මලයාලම අරගෙනයි මේ ආවේ. පහුගිය දවස් වල Pushpa, Vikram වගේ මහා පරිමාණ ඉන්දියන් සිනමා නිර්මාණ වලින් නොවැ උන්දැව දැකගත්තේ. මේ හාදයට මලයාලම් සිනමාව අමතක වෙලා ගිහිල්ලාදෝ කියලා හිතද්දිම තමා මහේෂින්ටේ ප්‍රතිකාරම් වයිබ් එක අරන් Malayankunju ගොඩ බහින්නේ.

ඉතින් මේ Malayankunju කියන්නේ මේ වසරේ ජූලී මාසේ 22වෙනිදා තිරගත වෙච්ච සිනමාපටයක්. සැලකිය යුතු තරමේ ආදායමක් නම් මේ සිනමාපටයට ලබාගන්න බැරි වුණත්, බලපු ප්‍රේක්ෂක විචාරකයන්ගේ ප්‍රතිචාර නම් හෙනම ධනාත්මක වුණා. Malayankunju සිනමාපටය අයිති වෙන්නේ Drama | Thriller ගණයට. Thriller කිව්වේ Survival Thriller ගණයට. එහෙම තේරුණේ නැත්තම් Helen චිත්‍රපටිය මතක් කරගන්නකෝ.

Fahadh එක්ක කවුරුත් දන්න Rajisha Vijayan මේ සිනමාපටයට එකතු වෙනවා. ඊටත් එහා තව ප්‍රධාන චරිතයක් ඉන්නවා. ඒක සිනමාපටය රස විඳලම දැනගන්න. එහෙනම් කතාව ගැන පොඩ්ඩක් කියලා අපි සමුගන්නම්.

අනිකුට්ටා කියන්නේ තමන්ගෙ තරුණ වයස ගෙවමින් ගෙදෙට්ට වෙල නිවාඩුපාඩුවෙ ඉලෙක්ට්‍රික් වැඩ කරගෙන සමුගන්නවාඉන්න මනුස්සයෙක්. අම්මත් එක්ක නිහඬ ජීවිතයක් තමා මෙයා අරන් යන්නේ. මිනිහගෙ තියෙන එක අවුලක් කියන්නේ මිනිහට ඉක්මනට තරහ යනවා. ඒ හින්දා කවුරුත් මිනිහා එක්ක කටයුතු කරන්නේ හෙන පරිස්සමට. ඔය අතරේ තමා අල්ලපු ගෙදරට අලුත් අමුත්තෙක් එන්නේ. මේ අමුත්තා අනුකුට්ටන්ගේ ජීවිතේට කොහොම දෙයක් කරයිද කියලා Malayankunju බලලම දැනගන්න. මෙතන කිව්වට වඩා ගොඩක් දේවල් සිද්ධ වෙන්න තියෙනවා. ඉතින් ඔයාලට ඉඩ දීලා මං සමුගන්නවා. ජයවේවා.

 

 

 

Due to copyright issues, we do not provide any torrent links.

මෙම ලබා දී ඇති උපසිරසි HQ HDRip පිටපත් සඳහා අදාළ වේ.

6,853 downloadsDownload Malayankunju-2022.zip30 KB

මේ ලබා දී ඇති සිංහල උපසිරැසි පිළිබද “PHOENIX” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank
PLATINUM MEMBER
JOINING DATE – 2014-01-28
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.