Malicious (1973) AKA Malizia Sinhala Subtitle | ගින්නෙන් උපන් සීතල [සිංහල උපසිරැසි] (18+)

ආයුබෝවන්! මේක පරණ එකක් කියල දැක්ක ගමන් අතාරින්න එපා. ඒවගේම මේ මගේ දෙවන උපසිරසි ගැන්වීම. පළමු උපසිරසිය වූ Love In The Time Of Cholera 2007 සිනපටය බලපු සහ එම උපසිරසිය වෙනුවෙන් අදහස් දැක්වූ ඔක්කොටම ස්තූතියි.‍ Malizia කියන්නෙ ඉතාලියානු සිනමාත්මක කියවීමක්. ඒවගේම IMDBවල 6.5ක ප්‍රතිචාරයක් ලබා ගැනීමට සමත් වූවක්.

විවිධ චිත්‍රපට උළෙලවල් නියෝජනය කරල තියෙන මේ සලරුව 1973දි තිරගත වීම ආරම්භ කරල තිබුණට එකෙ කතා තේමාව සදාකාලිකයි. මං එහෙම කියන්නෙ ජීව විද්‍යාත්මක සංක්‍රාන්ති වකවානුවක ඉන්න යෞවනයෙකුගේ ශාරීරික හා ලිංගික සංවර්ධනයත් එක්ක වෙනස් වෙන මානසික හා චිත්තවේග පිළිබඳ විවිධ අත්දැකීම් අප කාටත් පොදු නිසා. කොහොම උනත් ඒ අලුත් වෙනස්කම් ගැන ගවේෂණය කරන යෞවනයෙක් ගාව තියෙන්න පුළුවන් විවිධාකාර ආශාවන් අතරෙන් ලිංගිකත්වය ගැන කුතුහලය සුවිශේෂියි. ඒ වගේම ලිංගිකත්වයට සම්බන්ධ ෆ්‍රොයිඩියානු මනෝවිශ්ලේෂණ සංකල්ප විශේෂයෙන් පිරිමි දරුවෙක් නතුවන ඊඩිපස් සංකීර්ණය සහ ඒ තුළ තම මව හෝ වැඩිමහල් කාන්තාවක් සමඟ හෝ ඇති කර ගැනීමට පෙළඹෙන ශුංගාරාත්මක සම්බන්ධය ගැන සඳහන් නොකරම බෑ. අනික් අතට විවිධ සංස්කෘති අනුව විවිධාකාර වුවද කෞමාරකාමුකත්වය වගේ ලිංගික අපගමනත් සමාජයේ දැකිය හැකි මානව චර්යාවන්. මේ වගේ මිනිසාට අවිඥානිකව මිනිස් මනසෙ අරගල කරන ඒ මානසික ලාලසාවන් සියුම්ව චිත්‍රණය කිරීමට මේ සලරුව උත්සාහ කරල තියෙනවා. ඒ සඳහා ඒ ඒ අවස්ථාවන්ට මනාව ගැලපෙන සංගීත රාවයන්ද යොදා ගැනීමට සමත් වී ඇති බවයි මගේ හැඟීම.

මේ සිනමා පටයෙ කතාව ගලා යන්නෙ යෞවනයෙක් වෙච්ච නිනොට්සු සහ ඔහුට වඩා වයසින් වැඩි තරුණියක් වෙච්ච ඇන්ජෙලීනා මුල් කරගෙන. මේ යෞවනයා තමා තුළ ඇතිවන්නා වූ ලිංගික කුතුහලයන් කොයි වගේ හසුරුවා ගනීද?…. තමාගේ හිත පැහැරගත් වැඩිමහල් තරුණිය කෙරෙහි ඇතිවන ආදරය මුසු බැඳීම කෙසේ වේවිද?… එය රාගයක් හෝ කුතුහලයක් හෝ පමණද?…. තමාගේම පියාත් තමාගේම අයියාත් එම තරුණියව දිනා ගැනීම සඳහා තමාගේ තරගකරුවන් ලෙස එන්නේ නම් නිනෝ කොපමණ අසරණ වේවිද? ඒ තුළ ඔහු කෙසේ නම් හැසිරෙයිද?… තමා ආදරය කරන තරුණියව තම පියා විසින් විවාහ කර ගැනීමට සැරසෙන්නේ නම් නිනෝගේ ආදරයට කුමක් වේවිද?… නිනෝ කෙසේ තම ආදරයෙන් ජය ගනීද?… සලරුවේ අවසාන දෙබස වන නිනෝ විසින් ඇන්ජෙලීනාට පවසන වදන් තුළ සැඟවී පවත්නේ ආදරයද රාගයද නැතහොත් මාතෘත්වයද?.. ඒ සියල්ල සමඟින් ගින්නෙන් කොහොමද ඇත්තටම සීතල උපදින්නෙ කියල දැන ගන්න ඕනෙ නම් ආරාධනවා කරනව මේ සුවිශේෂී සලරුව නැරඹීමට…!

ඒ වගේම මෙහි වැඩිහිටියන්ට වඩාත් සුදුසු දර්ශන කීපයක්ම පවතින බැවින් පවුලේ සියලුදෙනාට එකට හිඳ නැරඹීම ගැටලු සහගත විය හැකි බව විශේෂයෙන් මතක් කළ යුතුමයි.

අවසාන වශයෙන් වසර 12කට පමණ ඉහතදී මේ සලරුව මට සොයා දුන් “මංජුල” මගේ මිතුරාටද උපසිරසිය පළ කිරීමෙන් හා හැමවිටම උදව් කරමින් උපරිම සහය දැක් වූ “බයිස්කෝප් සිංහලෙන්” වෙබ් අඩවියටද මගේ හදපිරි ස්තූතිය.!

මම, මනෝජ් මධුශංක කුරුප්පු.

 

 

Due to copyright issues, we do not provide any torrent link.

මෙම ලබා දී ඇති උපසිරැසි Malizia – Laura Antonelli පිටපත සඳහා පමණක් අදාළ වේ.

10,277 downloadsDownload Malicious-1973.zip52 KB

මේ ලබා දී ඇති සිංහල උපසිරැසි පිළිබද “ මනෝජ් මධුශංක කුරුප්පු ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

NEW MEMBER
JOINING DATE – 2016-07-05

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.