Memoirs of a Geisha (2005) with Sinhala Subtitles |ගේශාවකගේ මතක සටහන් [සිංහල උපසිරැසි සමඟ]

හලෝ ඉතින් කොහොමද කස්ටිය,සැප්තැම්බර් කියන්නේ කියවීමේ මාසෙනේ,ඔන්න මම ගෙනාවා පොතක් ආශ්‍රයෙන් නිර්මාණය වුන,ඔස්කාර් සම්මාන වලට පවා පාත්‍ර වුන හොඳ ජපන් ෆිල්ම් එකක්.ෆිල්ම් එක බලලා ඉවර වෙලා මේ පොතත් අරගෙන කියවන්න.මොකද මට නම් ෆිල්ම් වලට වඩා එකාට බේස් වුන පොත් ලස්සනයි

කතාව මෙහෙමයි,මේක පටන්ගන්නේ 1940 මුල් කාලේ ජපානයේ.ඒ කාලේ ජීවත්වෙන ගෙයිශාවෝ කියන විශේෂ කාන්තාවෝ වර්ගයක් ගැන තමයි කතාව.එයාල කොහොම අයද කියල එක වචනෙන් විස්තර කරන්න අමාරුයි.චියෝ කියල පොඩි දරුවෙක් එයාගේ අක්කත් එක්ක එයාලගේ දෙමව්පියන්ට හදාවඩා ගන්න අමාරු නිසා ඔකියා එකකට එහෙමත් නැත්තන් ගෙයිෂා නිවාසෙකට විකුනනවා.කතාව තියෙන්නේ මේ පුංචි චියෝ ගැන තමයි.දුක,වේදනාව,ආදරය,ඊර්ෂ්‍යාව වගේම දෙවන ලෝක යුද්ධය නිසා ජපානයේ සමාජය වෙන බලපෑම මේ ෆිල්ම් එකේ තියෙනවා

දැන් ෆිල්ම් එක ගැන වැඩි විස්තර,මේක Arthur Golden විසින් මේ නමින්ම 1997 දී ලියපු පොත තමයි ෆිල්ම් එකට බේස් වෙන්නේ. අධ්‍යක්ෂණය Rob Marshal විසින්.Ziyi Zhang(Rush hour 2,The grandmaster),Death of a samurai,13 Assassins වල අපි දැකපු Koji Yakusho වගේම Inception එකේ අපි දැකපු Ken Watanabe මේ චිත්‍රපටයට රංගනයෙන් දායක වෙනවා.නිලියෝ ටික නම් ගොඩක් අය චයිනීස්.මට නම් ඒක දැනෙන්නේ දුර්වලතාවයක් විදිහට.මොකද ජපන් ඉතිහාසය ගැන ෆිල්ම් එකකට ජපානයේ අය ගත්තා නම් තමා හොඳ.නිෂ්පාදනය කරන්නේ ජපානයෙන් නෙමෙයි නිසා වෙන්න ඇති ඒ.2006 අවුරුද්දේ Best costume design.art direction වගේම cinematography වලට ඔස්කාර් සම්මාන ලැබෙනවා මේ ෆිල්ම් එකට.අනික තමා මියුසික්,ආයේ ඉතින් කියල වැඩක් නෑ ඒ ගැන,සුපිරි.imdb 7.4 අගයක් මේ ෆිල්ම් එක රදවාගෙනතියෙනවා,ඉතින් බලන්න හිතෙනවා නේද

මතක් කරන්න කෙනෙක් ඉන්නවා.උපසිරසි හදනකොට මට ගොඩක් උදව් කරපු ඔෂිනි දසනායක අක්කා.එයා තමයි මේ ෆිල්ම් එක වගේම පොත ගැන මට විස්තර හොයල දුන්නේ.බලලා කියන්නකෝ කොහොමද කියලා,ඉතින් ජයවේවා.

සුභාෂ් ගුණවර්ධන සොහොයුරාකලින් පළකරන ලද ලිපිය

සකුරා මල් පිපිලා හරි පුදුමයි ගේ දොරකඩ නිල් වන පියසේ . . . .නන්දා මාලනී මහත්මියගේ මේ ගීතය අහෙනකොට හිතේ මැවෙන්නේ දිවිය ලෝකෙ තියනවා යයි අප විශ්වාස කරන “මධාරා, පරසතු” වැනි ලස්සන මලක් විය යුතුයි කියන එකයි කියලයි මට නම් හිතෙන්නෙ. කොහොම උනත් “ද ලාස්ට් සමුරායි” ෆිල්ම් එක බලපු අයට නම් සකුරා මල් අරුමයක් නොවෙයි මම හිතන්නෙ . . .! ං

සමහර අය චීන ජපන් චිත්‍රපට වලට කතා වලට වැඩි කැමැත්තක් නැහැ නමුත් චීන ජපන් සස්ංකෘති ගැන වැටහීමක් ගන්න පුලුවන් නම් මට නම් 100ට 100ක් විශ්වාසයි ඉන්පසු ඒ අය ඒවා ආදරයෙන් වැලදගන්නා බවට. ඒවා එතරම් හර්දාංගමයි, සංවේදීයි – විශ්වාස කරන්න. . .!

මේ කියන්න යන කතාවත් ජපානයේ ගේෂා ස්ත්‍රියක් ගැන කතාවක් අඩOගු “ආතර් ගෝල්ඩන්” නම් රචකයා විසින් රචිත “මෙමොරීස් ඔෆ් අ ගේශා” කියන නවකතාව පාදක කරගෙන තනපු චිත්‍රපටයක්.

ජපානයේ ගේෂා ස්ත්‍රීන් සහ ඉතිහාසගත ජපාන සංස්කෘතිය ගැන හොද වැටහීමක් ලබා ගන්න පුලුවන් “එදිරිවීර සරච්චන්ද්‍ර” මහතා රචනා කල “මළගිය ඇත්තෝ” සහ “මළවුන්ගේ අවුරුදුදා” නවකතා බැලුවෝතින්. කෙටියෙන් කිව්වොත් ගේෂා ස්ත්‍රියක් කියන්නෙ ජපානයේ ඉහලම පැලන්තියේ අයට උසස් රසවිදනයක් සහ උසස් සහ උගත් මිතුරියකගේ සමාගම ලබාදීම වෙනුවෙන් කුඩාකල පටන්ම සංගීතය, නැටුම්, ලෝකය පිලිබද දැනීම ලබාදී ඒ පැලැන්තිය වෙනුවෙන්ම නිර්මානය කරනු ලබන අතිවිශේෂ නිර්මානයක්.

චිත්‍රපටයේ කතාවට අනුව පිටිසර ගමක වයස අවුරුඩු 9ක කුඩා ළදැරියක්ව සහ ඇගේ සොහොයුරියව ඔවුන්ගේ පියා විසින් විකුනනු ලබනවා. මෙයින් කුඩා ළදැරිය ගේෂා නිවාසයකිනුත්, ඇගේ සොයුරිය වයිශ්යා නිවාසයකිනුත් මිලදීගනු ලබනවා. “චියෝ” නම් වූ නවවස් ළදැරියව ඈ වෙනුවෙන් ගෙවූ ඉහල මිල පියවා ගනුමට යැයි පවසමින් ඇයගෙන් වහලියක ලෙස වැඩ ගන්නවා. එහි වාසය කරන සුරූපී ප්‍රදාන ගේෂාව චියෝට තදින් වයිර කරනවා. දිනක් ඉහල සමාජයේ සභාපතිතුමා චියෝට අයිස් පලමක් දී ඔහුගේ ලේන්සුවත් කිසියම් මුදලකුත් ලබා දෙනවා, එතැන් පටන් ඇය ඔහුට අසීමිතව ආදරය කරන්න පටන් ගන්නවා. ඇය ඉටා ගන්නවා කෙදිනකහෝ ගේෂාවක් වී ඔහුගේ ඇසුර ලබාගන්නා බවට.

ඇගේ පැතුම් ඉටුවෙයිද?? අසුන්දර පරිසරක ඇගේ ජීවිතය ඇය පැතූතරම් සුන්දර වෙයිද?? මේ චිත්‍රපටය බැලුවොත් මේ හැමදේටම පිලිතුරු ලැබේවි.

“ස්ටීවන් ස්පිල්බර්ග්” ගේ සම නිශ්පාදනයක් වූ මෙම චිත්‍රපටය ඔස්කාර් සම්මන 3කුත් තවත් බොහෝ සම්මාන ප්‍රමානයකුත් ලබා ඇති මෙය ඔබට උසස් රසවින්දනයක් ලබා දෙන බවට නම් සහතික විය හැකියි.

 

 

 

Due to copyright issues, we do not provide any torrent links.

Memoirs.of.a.Geisha.2005.720p.BrRip.x264.YIFY

මෙම ලබා දී ඇති උපසිරසි ඉහත පිටපත සඳහා අදාළ වේ.

2,624 downloadsDownload Memoirs-of-a-Geisha-2005.zip95 KB

https://d36zzuvfojr38z.cloudfront.net/wp_content/uploads/2017/02/PiyumalDissanayake-e1487197310957.jpg මේ ලබා දී ඇති සිංහල උපසිරැසි පිළිබද “පියුමාල් දිසානායක” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2017-02-16
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.