Meyaadha Maan (2017) sinhala subtitles | නොකියූ ආදරය හිමිවේද? [සිංහල උපසිරසි සමඟ]

සිංහල උපසිරසක් කරන්න ගොඩ කාලෙක ඉදන් හිතේ තිබුණා. ඒත් ඉතිං වෙලාව එනකම් ඉන්න එපැයි.ඔන්න 2017 ඔක්තෝම්බර් මාසයේ තිරගත වුණු සුපිරි දමිල චිත්‍රපටයකට සිංහල උපසිරසක් අරන් ආවා.Meyaadha Maan තමයි ෆිල්ම් එකේ නම.සිංහලෙන් “නොකියූ ආදරය හිමිවේද?” කියලයි මම යෙදුවෙ. Comedy/Romance කාණ්ඩයට අයත් Imdb හි 7.2 වැනි ඉහළ අගයක් ලබාගන්නට සමත්වුණු ෆිල්ම් එකක් මේක. මුලින් පොඩි දුකක් තිබුණ පලවෙනි උපසිරට කවුරුත් දන්න Hero කාණ්ඩයේ නළුවෙක් ඉන්න ෆිල්ම් එකක් හොයාගන්න බැරිවුණු එකට. ඒත් මේ ෆිල්ම් එකට සබ් එක කරගෙන යනකොට හිතුන මේක හම්බවුණේ වාසනාවට කියල.ඇත්තටම මේක හාස්‍යය,විනෝදය,ආදරය,කුතුහලය සපිරි චිත්‍රපටයක්.

“මුරලි” කියන ප්‍රධාන චරිතයට රංගනයෙන් දායකවෙලා තියෙන්නෙ 2007 වර්ෂයේ සිට දමිල හා තෙලිඟු චිත්‍රපටවලට රංගනයෙන් දායක වුණු Vaibhav Reddy කියන නළුවා.”මධූ” කියන පෙම්වතියගෙ චරිතයට දායකවුණු නිළියවනම් මේ වසරේ තිරගතවුණු Kadaikutty Singam (2018) චිත්‍රපටයේ ඔයාල දැකල ඇති.(සියදිවි නසාගන්න හැදුව කෙනා.)ඇය නමින් priya Bhavani Shankar.මේ ඇයගේ ප්‍රථම රංගනය.තිර රචනය හා අධ්‍යක්ෂණය Rathna Kumar.නිෂ්පාදනය Karthi Subbraj.

පැය 2යි මිනිත්තු 30 පමණ කාලයක් කතාව දිගහැරෙනවා.දෙබස් 3000ක් පමණ තිබුණ නිසත්, ගීත සියල්ලම වගේ උපසිරස ගන්වපු නිසත් සිංහල පරිවර්තනයට හා උපසිරස ගැන්වීමට ලොකු කාලයක් වැය කරන්න වුණා.අපේ අය Tamil Song අහනවනම් ටිකක් අඩුයි තමා.මේ සින්දු ටිකට සබ් එක කෙරුවෙ යම්කිසි රසවින්දනයක් තිබුණ නිසා.

කතාව ගැන පොඩ්ඩක් කියනවනම්, “මුරලි” කියන කොල්ල අවුරුදු 3ක් තිස්සෙ “මධූ” කියන කෙල්ලට කැමත්තෙන් ඉදල තියෙනවා….ඒත් එයා කවදාවත් මධූට ආදරෙයි කියල නෑ.අන්තිමට එයා වෙන කෙනෙක් එක්ක විවාහ වෙන්න යනවා.මේක දැනගත්ත මුරලි කොයිවෙලෙත් මැරෙන්නමයි හදන්නෙ.ඒත් එයාගෙ මිතුරන් දෙන්න මුරලි මැරෙන්න හදන එක නවත්තන්න මරු වැඩක් කරනවා….එතන ඉදන් කතාව වෙනස්ම අතකට හැරෙනවා. ඊට පස්සෙ මොකද වෙන්නෙ කියල සබ් එක බාගෙනම බලන්නකො.

උපසිරස කරන්න උදව් උපකාර කළ සියලු දෙනාට ස්තුතිවන්ත වෙනවා.තවත් උපසිරසකින් නැවත හමුවෙමු.ඒ වගේම උපසිරස ගැන අදහස් දක්වන්න අමතක කරන්න එපා ඉතිං. බුදු සරණයි! ගිහින් එන්නම්.

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසි WEB-HD පිටපත සඳහා අදාළ වේ.

6,667 downloadsDownload Meyaadha-Maan-2017.zip82 KB

 

මේ ලබා දී ඇති සිංහල උපසිරැසි පිළිබද “බාසුර ඉන්ද්‍රචාප” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

NEW MEMBER
JOINING DATE – 2018-10-04
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.