Mindhunters (2004) with Sinhala Subtitles | මිනීමරුවා අප අතරමයි.. [සිංහල උපසිරසි සමඟ]

ඔන්න තවත් නිර්මාණයක් අරගෙන මං ආවා. අලුත් චිත්‍රපටි හැම එකක්ම වගේ අනිත් අය භාර ගෙන නිසා මං මේ සැරේ ගෙනාවේ පරණ චිත්‍රපටියක්. 2004 දි තමයි චිත්‍රපටිය නිකුත් කරලා තියෙන්නේ. චිත්‍රපටිය තමයි Mindhunters. Crime, Mystery, Thriller ඝනයට තමයි චිත්‍රපටිය අයිති වෙන්නේ.

චිත්‍රපටියෙන් කියවෙන්නේ FBI එකේ අපරාධ ප්‍රොෆයිලර්ස්ලා (Criminal Profilers) ගැන කතාවක්. චිත්‍රපටියේ කතාව කියන්න කලින් මේ අපරාධ ප්‍රොෆයිලර්ස්ලා කියන්නේ කවුද කියලා මං පොඩි පැහැදිලි කිරීමක් කරන්නම්. ඇත්තටම මේ Profilersලා කියන අයට සින්හලෙන් මොකක්ද කියන්නේ කියලා මට හොයා ගන්න බැරි උනා. ඒ නිසා මං චිත්‍රපටියෙත් නිකන්ම Profilers කියලා භාවිතා කරා. මේ Profilersලා ගේ මූලික කාර්ය වෙන්නේ, සරලවම කිවුවොත් අපරාධයක් සිදු වූ ස්ථානය නිරීක්ශනය කරලා, ඒ අපරාධය සිදු කල අපරාධකරු ගැන නිවැරදි විස්තරයක් (profile) ලබා දෙන එක. මේ කියන Profilers ලා පදනම් කරගෙන නිර්මාණය උන විවිධ නිර්මාණ තියෙනවා (Criminal Minds) වගේ. ඇත්තටම මේ ගැන විස්තර කරන්න ගියොත් ඉවරයක් නැති වෙනවා.

එහෙනම් අපි චිත්‍රපටියේ කතාව දිහාට පොඩ්ඩක් හැරෙමු. FBI එකේ පුහුණු Profilers ලා කණ්ඩායමයක් ඔවුන්ගේ අවසන් පුහුණුව සඳහා හුදෙකලා දූපතක තියෙන පුහුණු මධ්‍යස්තානයකට යනවා. මේ කණ්ඩායමේ අය එයාලගේ හැරිස් කියන ලොක්කා එක්ක එක්ක තරහෙන් ඉන්නේ. මොකද හැරිස් හැම තිස්සෙම පුහුණුව ලබන අයව පහත් කොට සලකන නිසා. ඉතින් මෙයාලා අර දූපතට යන දවසේ අන්තිම මොහොතේ අලුත් කෙනෙකුත් ඒ ගමනට එක් වෙනවා. මේ අය ඔක්කොම දූපතට යනවා. ඊලඟ දවසේ මේ පුහුණු Profilers ට මරපු පූසෙක්ගේ කටේ තිබිලා කටු නැවතුන ඔර්ලෝසුවක් දකින්න ලැබෙනවා. ඒකේ වෙලාව දහය කියලා සටහන් වෙලා තියෙනවා. ඉතින් මේ අය හිතන්නේ ඒකත් එයලගේ අභ්‍යාසයක කොටසක් කියලා. පස්සේ මේ අයට අපරාධ ස්ථානයක් හොයා ගන්න පුලුවන් වෙනවා. එතනදි අටවපු උගුලකට අහුවෙලා මේ අයගෙන් කෙනෙක් මැරෙනවා. එතනදි තමයි මේ අයට තේරුම් යන්නේ මේක අභ්‍යාසයක් නෙමෙයි, ඇත්තම මිනීමරුවෙක් උගුල් අටවලා ඔවුන්ව දඩයම් කරනවා කියලා. ඒත් ඒ දූපතේ ඉන්නේ මේ අය විතරයි. එහෙනම් ඒ මිනීමරුවත් ඒ අය අතරමයි ඉන්නේ!

ඇත්තටම කිසිම කම්මැලිකමක් නැතුව මුල ඉඳන් අගටම බලන්න පුලුවන් සුපිරි චිත්‍රපටියක්. චිත්‍රපටියේ IMDb අගය 6.4. චිත්‍රපටියට රංගනයෙන් දායක වෙන්නේ Val Kilmer, Christian Slater, Kathryn Morris, Jonny Lee Miller, LL Cool J වගේ නළු නිලියන්. චිත්‍රපටිය අධ්‍යක්ශනය කරල තියෙන්නේ Renny Harlin විසින්.

එහෙනම් තවත් අලුත් නිර්මාණයකින් හමු වෙමු. ජය වේවා...

 

 

699 MB (720p.BrRip.x264) කොපිය මෙතනින් බාගන්න

062C054F187692D28D934BD8F702D6B65C0A9069 Hash tag එක මාර්ගයෙන් ඉතා පහසුවෙන්ම, මෘදුකාංගය හරහා පමණක් ටොරන්ට් එක බාගත කරගන්න උපදෙස් සිංහලෙන්ම මෙතන තියනවා.

2,365 downloadsDownload Mindhunters-2004.zip42 KB

 

https://d36zzuvfojr38z.cloudfront.net/wp_content/uploads/2015/10/12092685_10153422116114843_102871689_n.jpg මේ ලබා දී ඇති සිංහල උපසිරැසි පිළිබද “කල්හාර වික්‍රමසිංහ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.