Misery (1990) with Sinhala Subtitles | මෙහෙමත් අකරතැබ්බයක් [සිංහල උපසිරසි සමඟ]

ආයුබෝවන් හැමදෙනාටම. මං මේ වතාවේ බයිස්කෝප් වෙබ් අඩවිය වෙත පැමිනෙන්නෙ මාගේ දෙවෙනි උපසිරසි නිර්මාණයත් සමගයි. මම ප්‍රථම නිර්මාණය විදියට ඉදිරිපත් කරේ Roman Holiday (1953)  කියන චිත්‍රපටයයි.මේ වතාවේ මා රැගෙන ආවේ සුපිරි ගණයේ Psychological Thriller / Mystery වර්ගයේ චිත්‍රපටයක්.ඕගොල්ලො හුඟ දෙනෙක් මීට කලින් මේ නිර්මාණය ගැන අහලා නැතුව ඇති. මේක නම් ආරම්භයේ ඉඳන් අවසානය වෙනකම්ම ත්‍රාසයෙන් හා කුතුහලයෙන් පිරිච්ච ඉතා විශිෂ්ට නිර්මාණයක්. කෙටියෙන්ම කිව්වොත් බලන්න පටන් ගත්තොත් බලලා ඉවරයක් කරන්නම හිතෙන ජාතියෙ එකක්.

දැන් මම චිත්‍රපටය ගැන විස්තර ටිකක් කියන්නම්. මේක තිරගත උනේ 1990 දි. අධ්‍යක්ෂණය කරලා තියෙන්නෙRob Reiner විසින්. මේ නිර්මාණයට පාදක වෙලා තියෙන්නෙ සුපිරි ලේඛක Stephen King විසින් රචනා කරනලද Misery කියන නව කතාව. Stephen King ගැන නම් ගොඩ දෙනෙක් අහලා ඇති. ඔහු ත්‍රාස්‍යජනක නව කතාරචනා කිරීම හේතුවෙන් ඉතා ප්‍රසිද්ධියට පත් ඇමරිකානු ගත් කතුවරයෙක්. ඔහු විසින් රචනා කෙරෑ නවකතා රාශියක්ම ප්‍රකට හොලිවුඩ් සිනමාපට බවට පත් උනා. The Shawshank Redemption, The Green Mile, The Shining,Stand By Me, Carrie, The Mist ඒ අතරින් කිහිපයක්. මේ චිත්‍රපටයට රංගනයෙන් දායක වෙලා තියෙන්නෙ James Caan සහ Kathy Bates. මේක ඇත්තටම චරිත අඩු චිත්‍රපටයක්. චරිත 4ක් 5ක් වගේ තමයි මුළු කතාවටම තියෙන්නෙ. මේ චිත්‍රපටයේ කළ විශිෂ්ට රංගනය වෙනුවෙන් Kathy Bates එම වසරේ පැවති Oscar සහ Golden Globe යන හොලිවුඩයේ ඇති ප්‍රධානම සම්මාන උළෙලවල් ද්විත්වයේදීම හොඳම නිලියට හිමි සම්මානය දිනාගන්නට සමත් වෙනවා. මේ චිත්‍රපටය ඉහල IMDB අගයක් ලබා තියෙනවා. එම අගය 7.8 ක්.

දැන් කතාවේ අන්තර්ගතය ගැනත් ටිකක් කියන්නම්. ඇත්තටම කිව්වොත් මේකේ කතාව කියන්න යන එක නම් කතාව බලන කෙනෙක්ට කරන ලොකු අසාධාරණයක්. මොකද කතාවේ තියෙන කුතුහලයට ඒක ලොකු හානියක් වෙන්න පුළුවන්. ඒනිසා මං පොඩි ආරම්භයක් විතරක් ගන්නම්. පෝල් ශෙල්ඩන් කියලා ප්‍රසිද්ධ ලේඛකයෙක් ඉන්නවා. දිනක් මොහු හිම කුණාටුවක් එන වෙලාවක කාර් එකක් පැදන් ගමනක් යනකොට, වාහනය හිමේ ලිස්සා යාම නිසා ලොකු අනතුරකට මුහුණ පානවා. යම් කිසි පුද්ගලයෙක් නිසා ඒකෙන් ඔහු අහම්බෙන් දිවි ගලවා ගන්නවා. ඔහුට ඊට පස්සෙ වෙන්නෙ මොකක්ද, ඔහුට මොන මොන අත්දැකීම් වලට මුහුණ දෙන්න සිද්ධ වෙනවද  කියන එක ඕගොල්ලොම චිත්‍රපටය බාන් බලන්න. මේ සමග ලබා දී තිබෙන 720p Bluray කොපිය කොලිටියෙන් ඉතා උසස් එකක්. 1990 වැනි පරණ කාලයකට අයත් එකක් උනත් එය කොලිටිය අතින් ඉතාමත් ඉහලයි.

Psychological Thriller / Mistery යන වර්ගවලට අයත් චිත්‍රපට වලට කැමති කට්ටිය මේ නිර්මාණය නම් කීයටවත් මග හැර ගන්න එපා. මේක මෙතෙක් හොලිවුඩයේ බිහිවු හොඳම Psychological Thriller වර්ගයේ චිත්‍රපටයක්. තවත් උපසිරසි නිර්මාණයක් සමගින් ලඟදීම ඔබ හමුවෙන්නම්. ඔබ සැමට ස්තුතියි.

 

 

 

 

Due to copyright issues, we do not provide any torrent links.

Misery (1990) BluRay 720p 750MB Ganool

මෙම ලබා දී ඇති සිංහල උපසිරසි ඉහත පිටපත සඳහා වලංගු වේ.

860 downloadsDownload Misery-1990.Baiscopelk.com_.rar38 KB

 

මේ ලබා දී ඇති සිංහල උපසිරැසි පිළිබද “බුවනක නිර්මාණ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.