Miracles From Heaven (2016) with Sinhala Subtitles| දෙව්ලොවින් ආ ප්‍රාතිහාර්යන් [සිංහල උපසිරසි සමඟ]

කතාවක් තියනවා ආදරයයි වෛරයයි අතර තියෙන්නේ කෙස් ගහක පරතරයක් කියලා. ජීවිතයයි මරණයයි අතර තියෙන්නෙත් ඒ වගේම පුංචි පරතරයක් කියල තේරුම් ගන්න එක ඒ තරම් අමාරු දෙයක් නෙමෙයි. කෙනෙක්ට මැරෙන්න වයසක්, තැනක්, විදිහක් නෑ. වෙලාව ආවම ඉතිං කාටත් යන්න වෙනවා. දැන් ඕගොල්ලො බලනවා ඇති මං මොකද මේ මරණය ගැන කතා කරන්නේ කියලා. ඇත්තටම මට කතා කරන්න ඕන ජීවිතය ගැන මිසක් මරණය ගැන නෙමෙයි. මට ඕන මැරෙන්නේ නැති වෙලාවට ගලේ ගැහුවත් මැරෙන්නේ නෑ කියල ඔයාලට ඇත්ත කතාවකින්ම ඔප්පු කරන්න. හැබැයි ඒක එහෙම කියනවට වඩා ලස්සනයි මෙහෙම කිව්වොත්. “ප්‍රාතිහාර්යකට පුළුවන් මැරෙන්න යන කෙනෙක්ට ආපහු ජීවිතය දෙන්න.”

මේ චිත්‍රපටය හරිම අලුත් එකක්. මේක මුලින්ම ප්‍රදර්ශනය කලේ මේ අවුරුද්දේ මාර්තු මාසයේ. එත් මේක නිර්මාණය කලේ මේ චිත්‍රපටය නමින්ම ලියපු පොතක් පාදක කරගෙන. ඒ පොත නම් එලි දක්වලා තියෙන්නේ ගිය අවුරුද්දේ අප්‍රේල් මාසයේ. කවුද දන්නවද පොත ලියල තියෙන්නේ? මේ සිද්ධියට ඇත්තටම මුහුණ දුන්න පුංචි බබාගේ අම්මා (Christy Beam). විශේෂත්වය තමයි චිත්‍රපටයේ එන අයගේ නම් ගම් හැම එකක්ම වගේ ඇත්ත නම් ගම් වීමයි. ඊටත් වඩා  මේක බොක්ස් ඔෆිස් චිත්‍රපටයක්. මේ වෙනකොට ඇමරිකානු ඩොලර් මිලියන 73කට වඩා හම්බ කරලා තියෙන, ඒ වගේම IMDb අගය 6.6ක් වන මේ චිත්‍රපටය අධ්‍යක්ෂණය කලේ Patricia Riggen කියල කෙනෙක්. නිෂ්පාදනය කලේ Sony සමාගමේ අනුග්‍රහයෙන්.

කතාව ගැනත් පොඩ්ඩක් කියන්නම්කෝ. මේ කතාව බීම් (Beam) කියලා පවුලක් වටා තමා ගෙතිලා තියෙන්නේ. පස් දෙනෙක්ගෙන් හැදුනු මේ පවුලේ ගෑණු ළමයි තුන් දෙනෙක් ඉන්නවා. අම්මගේ නම ක්‍රිස්ටි බීම් (Jennifer Garner). අපි කවුරුත් දන්නා Alias (2001-2006) කතාවෙ ඉන්නෙත් මෙයා තමයි. තාත්තගේ නම කෙවින් බීම් (Martin Henderson). The Ring (2002)චිත්‍රපටය ඔයාල බලල තියනවා නම් මෙයාව මතක් වෙයි. වැදගත්ම කෙනා, එහෙමත් නැත්නම් කතා නායිකාව තමා පවුලෙ දෙවෙනි ළමයා, නැත්නම් වයස අවුරුදු 10ක් වෙච්ච ඇනබෙල් බීම් (Kylie Rogers). කතාවෙ හැටියට (එහෙමත් නැත්නම් ඇත්තටම) ඇනබෙල් ට දරුණු බඩේ ලෙඩක් හැදෙනවා. ඒ ලෙඩේ නිසා එයාගෙ බඩ ඉදිමිලා, බඩවැල් ඇඹරිලා කෑම දිරව ගන්න බැරි වෙනවා. අම්මයි තාත්තයි පුදුම විදිහට මහන්සි වෙනවා පුංචි ඇනබෙල්ව සනීප කරව ගන්න. එත් රටේ ඉන්න දක්ෂම දොස්තරලටත් බැරි වෙනවා මේ බබාගේ ලෙඩේ සනීප කරන්න. අන්තිමට හැමෝම වගේ හිතනවා ඇනබෙල් වැඩි කල් ඉන්න එකක් නෑ කියලා. ඇනබෙල්ටත් හිතෙන්නේ ඒ දේම තමයි. ඒත් මං අර කලින් කිව්වා වගේ “ප්‍රාතිහාර්යකට පුළුවන් මැරෙන්න යන කෙනෙක්ට ආපහු ජීවිතය දෙන්න” කියන එක හරි පුදුම සිද්ධියකින්  ඔප්පු වෙනවා. ඒ සිද්ධියයි සම්පූර්ණ කතාවයි බලන්න කියල මං ඔයාල හැමෝටම ආරාධනා කරනවා.

මේක පවුලේ හැමෝටම බලන්න පුළුවන් සංවේදී ඇත්ත කතාවක්. මේක පරිවර්තනය කරද්දී මටත් ගොඩක් දුක හිතුනා. ඇත්තටම කඳුලුත් ආවා. මට පැහැදිලිවම කියන්න පුළුවන් මේ කතාවට ඔයාල හැමෝම ආදරේ කරයි කියලා. මේකට උපසිරැසි දෙන්න මට යෝජනා කරපු වීමා සහෝට මං ස්තූති කරන්න කැමතියි. ඒ වගේම තව වටිනා දෙයක් කියන්න ඕන. ඒ තමයි විශ්වාසයයි භක්තියයි තියනවා නම් ජීවිතයේ ඕනෑම දුකකින් මිදෙන්න අපි හැමෝටම පුළුවන්. එහෙනම් තවත් චිත්‍රපටයකින් ආපහු හම්බ වෙමු. හැමෝටම ජය වේවා!

 

 

 

 

මෙම උපසිරැසිය සියලුම Blu-Ray පිටපත් සඳහා අදාළ වේ.

” Due to copyright complications, we no longer provide
torrent links. We hold no responsibility about how you
come to obtain video & there are no obligation to actions
you take with it among the copyright of the Movie. “

3,172 downloadsDownload Miracles.From_.Heaven.2016.zip123 KB

 

https://d36zzuvfojr38z.cloudfront.net/wp_content/uploads/2016/02/ChamikaraV.jpg මේ ලබා දී ඇති සිංහල උපසිරැසි පිළිබද “ චාමිකර විදානගේ (චාමි)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.