Old Dogs (2009) | වෙනස්ම රසවින්දනයක් උදෙසා!

John Travolta සහ robin williams කියන්නේ කවුද කියලා කවුරුත් දන්නවා ඇතිනේ. විලියම්ස් නම් කොහොමත් මැදිවියේ චරිත රඟපාන කෙනානේ. එතකොට ජෝන් එයත් ඉතින් දැන් සෑහෙන වයසට ගිය කෙනෙක්. වයසට ගියත් තාම වැඩ දාන්න පුළුවන් බව ඔප්පු වෙන හොඳ කොමඩි ෆිල්ම් එකක් අරගෙන එන්න හිතුනා.

මේ චිත්‍රපටියේ මේ දෙන්නා ව්‍යාපාර හවුල්කරුවන්. ඔවුන් ජපාන ගැණුම්කරුවන් සමග ලොකු ව්‍යාපාර කටයුත්තකට අත ගසා තිබෙනවා. මේ අතරින් ඩෑන් (විලියම්ස්) තම බිරියගෙන් අවුරුදු 7කට පෙර දික්කසාද වී සිටින්නෙක්. එම දික්කසාදය සිදුවූ විට ඔහු පෙලී තිබුන දුකෙන් ඔහුව ගොඩ දාන්නේ ඔහුගේ හවුල්කාර චාර්ලි (ජෝන්) විසින්. එනම් ඔහුව මයාමි වෙත රැගෙන යාමෙන්. එහෙත් එහිදී ඔහුට සුරූපී විකී ව මුනගැසෙනවා. ඔවුන් බීමතින් එදා රෑම විවාහ වෙනවා. ඉන් පසු පසුවදාම වෙන් වෙනවා. එනම් පැය 24ක් ඇතුලත දෙවරක්ම දික්කසාද වීමේ ගෞරවය ඔහු ලබා ගන්නවා. 🙂 ඕක ඔහොම වුනයි කියමුකෝ. මේ වටිනා ව්‍යාපාර අවස්ථාවේදි ඇය අවුරුදු 7කට පසුව ඔහුව බැලීමට පැමිනෙනවා. මේ අතර ඔහු දැන ගන්නවා ඇයට නිවුන්නුන් සිටින බව. ඔවුන් ඔහුට කතා කරන්නේ තම පියා ලෙසටයි. 🙂 මේ අතර ඔහු අතින් ළමුන් දෙදෙනා බලාගන්නා කාන්තාවට අනතුරක් වීම නිසා ඔහුට මව නොසිටිනා සති දෙකක කාලයක් ළමුන්ව බලාගැනීමට සිදුවෙනවා.

මේ වටිනා ව්‍යාපාර කටයුත්තත් සමඟ ඔහු ළමුන් දෙදෙනාව බලාගන්න හැටි තමයි කතාවේ ගලාගෙන යන්නේ. විහිළු වලින්නම් අඩුවක් නැති මේ කතාව වෙනසකටත් එක්ක බලන්න කියලා කටියටම ආරාධනා කරනවා.

ලිපිය – රොයිලි ප්‍රනාන්දු