Pantham (2018) Sinhala Subtitles | ඉලක්කය වෙනුවෙන් [සිංහල උපසිරැසි සමග]

ආයුබෝවන් කියලා පිළිගන්නවා එහෙනම් අදත් බයිස්කෝප් වාසි ඔයාලා හැමෝවම. ඔන්න මම අද සුපිරි තෙලිගු චිත්‍රපටියකට තමයි උපසිරැසි අරන් එන්න තීරණය කලේ. මොකද ගොඩක් අය මේ චිත්‍රපටිය ඉලල්ලා තිබුණ එකක් නිසා. මෙච්චර කාලයක් සබ් එක කරන්න කාලය අර ගත්ත එකට සමාවෙන්න ඕනේ. විවේකයක් ලැබුන වෙලාවක තමයි ඉතින් පුළුවන් තරම් ඉක්මණට සබ් හදලා දෙන්නේ. මේක වෙනස්ම චිත්‍රපටියක් කියලා නම් කියන්න පුළුවන් , මොකද ඉතින් මේකේ මුලින් කතාව සාමාන්‍ය විදිහට ගලාගෙන ගියත් පස්සේ එක පාරම වෙන අතකට හැරෙනවා. ඒකත් හිතාගන්නවත් බැරි විදිහට. මොකද කිව්වට තේරෙන්නේ නෑ නේද? ඒකට කමක් නෑ ඔයාලත් බලලම ඉන්නකෝ. මම මෙහෙම දෙයක් කියන්නම් , රජයක් වුනාම ජනතාවට ලැබිය යුතු වරප්‍රසාද , සේවාවාන් , ආධාර මුදල් ගැන අපි දන්නවා. හැබැයි ඒ දේවල් නොකර අසරණ ජනතාවගේ මූදල් දේශපාලකයෝ , මැති ඇමතිවරු එකතු වෙලා මහා පරිමාණයෙන් ඒවා වoචා කලොත් ජනතාවට අවශ්‍ය සේවය රජයෙන් සාධාරණ විදිහට ලැබෙයිද? 2018 වසරේ ජූලි 5 වෙනිදා නිකුත් වුන මේ චිත්‍රපටයට imdb මීටරෙන් 6.8 ක වගේ අගයක් ලැබිලා තියෙනවා. ප්‍රධාන නළුවා ගැන කිව්වොත් අපි කා අතරෙත් ප්‍රසිද්ධ Gopichand ගේ සිනමා ජීවිතයේ , 25 වන චිත්‍රපටය තමයි මේ pantham කියන්නේ. මොනාවුනත් රගපෑම අතින් නම් චිත්‍රපටියට ලොකු සාධාරනයක් කරලා තියෙනවා. ඒ වගේම තමයි , සින්දු ගැනත් කියන්න ඕනේ , අතාරින්නම බැරි වුන නිසා ඒවත් උපසිරැසි ගන්වලා තමා සබ් එක කෙරුවේ.

එහෙනම් අපි කතාව පැත්තට හැරෙමු. වික්‍රනාත් සුරානා(gopichand) කියන්නේ , ලෝකය පුරාම විහිදිලා තියෙන සුරානා ව්‍යාපාරයේ අයිතිකාරයෙක් වන ආනන්ද් සුරානගේ එකම පුතා. මෙයාගේ අම්මා සමාජ සේවයට ගොඩක් ලැදි කෙනෙක් ඒ නිසා එයා නමින් , දුර්ගාදේවි යන නමින් පදනමක් ආරම්භ කරනවා, ඒත් ආනන්ද් සුරානා(වික්‍රනාත්ගේ තාත්තා) මේ සමාජ සත්කාර වලට කැමති කෙනෙක් නෙවෙයි. ඒ නිසාම , ඉන්දියාවේ මෙයාලගේ නමින් තියෙන හැම ව්‍යාපාරයක්ම වගේ ලන්ඩන් වලට අරන් යන්න ආනන්ද් සුරානා තීරණය කරනවා. ලන්ඩන් වල ව්‍යාපාර උසස් මට්ටමින් කරගෙන යන අතරතුරේ , දුර්ගාදේවි පදනමේ භාරකාරයගෙන් ආනන්ද් සුරානට කෝල් එකක් එනවා දුර්ගා දේවි පදනම ආරම්භ කරලා අවුරුදු 25 ක් වෙන නිසා උත්සවයක් ඉන්දියාවේ පවත්වන්න යනවා කියලා. ඒකට ආනන්ද් සුරානටත් සහභාගී වෙන්න කියලා පදනමේ භාරකාරයා කියනවා. ඒත් ආනන්ද් සුරානා මේ දේවල් වලට කැමැත්තක් නැති නිසා යන්නේ නැතිව ඉන්න තීරණය කරනවා. මේ කෝල් එක අහන් හිටපු වික්‍රනාත් සුරානා ඉන්දියාවට යන්න තීරණය කරනවා. හැබැයි ඉන්දියාවට ගියාම මෙයාට රජයෙන් ජනතාවට සිද්ධ වෙන අක්‍රමිකතා පිළිබදව දැන ගන්න ලැබෙනවා. ඒ අක්‍රමිකතා නවත්තන්න වික්‍රනාත් සුරානා වෙස්මාරුකරන් ඒ අක්‍රමිකතා වලට හේතුවෙන දේවල් වලට උත්තර හොයන්න මෙයා ගන්න උත්සහය තමයි කතාව පුරාම යන්නේ. මම කලින්ම කිව්වනේ , මේක මුලින් බැලුවට තේරෙන්නේ නෑ පස්සේ තමයි හැම දේම තේරෙන්නේ. එහෙනම් හැමෝටම මේක බලන්න කියලා ආරාධනා කරන ගමන් , ආපහු ඉක්මණින්ම තවත් උපසිරැසියකින් හම්බ වෙන බලාපොරොත්තුවෙන් මම ගිහින් එන්නම්.

ඔයාලට තෙරුවන් සරණයි!

ඒ වගේම තමයි chamak 2017 චිත්‍රපටියේ උපසිරැසිය ඉක්මණින් යාවත්කාලීන කරලා ගේන්න මම බලාපොරොත්තු වෙනවා.

 

 

 

Due to copyright issues, we do not provide any torrent link.

 මෙම ලබා දී ඇති උපසිරසි Proper True HD පිටපත් සඳහා අදාළ වේ.

10,269 downloadsDownload Pantham-2018.zip82 KB

මේ ලබා දී ඇති සිංහල උපසිරැසි පිළිබද “ ප්‍රදීප් රවින්ද්‍ර ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

           

Subtitle Contributor Rank

BRONZE MEMBER
JOINING DATE – 2019-02-04
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.