Phullu (2017) with Sinhala Subtitles | ඔසප් වේදනාව දැනුනු පිරිමියෙක්!! [සිංහල උපසිරැසි සමග]

පෑඩ්මෑන් කෝ? පෑඩ්මෑන් කෝ? හින්දි චිත්‍රපට රසිකයන්ගේ හිත් වල දැන් කීප දවසක් ඉඳන් තියෙන දැවෙන ප්‍රශ්නය ඒක? ඒ ප්‍රශ්නය වැඩි කාලයක් තියෙන එකක් නෑ. ඒ දවස තියෙන්නේ දැන් නම් හූවක දුර. හරි, පෑඩ්මෑන පොඩ්ඩකට පැත්තකින් තියමු. කවුරුත් දැනන් හිටියද ගිය අවුරුද්දේ ඒ කියන්නේ 2017දී පෑඩ්මෑන් චිත්‍රපටියට සමාන තේමාවකින් තවත් චිත්‍රපටියක් ආවා කියලා. දැනන් ඉන්න නම් විදිහක් නෑ. අපි තියා ඉන්දියාවේ සමහර ඈයෝවත් මේ චිත්‍රපටිය ගැන දන්නේ නැතුව ඇති. සුපිරි නළු නිලියෝ යොදාගන්නේ නැතුව වැඩි ප්‍රචාරණ කටයුතු නැතුව හරිම චාමෙට කැටයම් නැතුව කරපු හින්දා වෙන්නැති වැඩියම කාගේ අතරටවත් මේ චිත්‍රපටිය නොගියේ. ඒ වගේම ආදායම් අතිනුත් සාර්ථකත්වයක් ලැබුවේ නෑ කියලා අමුතුවෙන් කියන්න ඕන නැහැනේ.

නෑ නෑ පෑඩ්මෑන් සහ පුල්ලුව ගත්තම දෙකේම තියෙන්නේ එකම කතාව කියලා කොහෙත්ම කියන්න බැහැ. මම කිව්වේ දෙකේම තියෙන්නේ එකම තේමාව කියලා විතරයි. ඒ හින්දා එකක් බැලුව කියලා අනික මිස් කරගන්න එපා. දෙක දෙවිදිහක්. පෑඩ්මෑන් කියන්නේ අරුනාචලම් මුරුගානන්දම්ගේ ජීවිත කතාව. ඒත් පුල්ලු කියන්නේ නිකම් පොදුවේ ඒ තේමාව අරන් හදපු කතාවක්. හරියටම කිව්වොත් නිකන් උඩින් අතපත ගාගෙන ගියා වගේ. හැබැයි සෑහීමකට පත් වෙන්න පුළුවන් අමුතුම රහක් තියෙනවා. හැබැයි පෑඩ්මෑන් බලලා ගන්න ගැම්ම පුල්ලු බලලා බලාපොරොත්තු වෙන්න එපා. දෙකම බලන්න කියලා තමා ඉල්ලා හිටින්නේ.

පුල්ලුට IMDb අගය 6ක් වගේ ලැබිලා තියෙනවා. අඩු වියදමක් දරලා තමා හදලා තියෙන්නේ සහ අඩු තිරගතකිරීම් සංඛ්‍යාවකට සමාන්තරව ඉතාම අඩු ආදායමක් ලබලා තියෙන්නෙත්. චිත්‍රපටිය බාරගෙන තව මාස කිහිපයකින් අවුරුද්දක් සම්පුර්ණ වෙනවා. ඒත් අද හෙට පෑඩ්මෑන් එන හින්දා මේකත් ඔන්නොහෙ දීලා දාමු කියලා හිතුවා. යන්න කලින් මතක් කරන්න ඕන, කලින් කරපු Hichki චිත්‍රපටයට ඔයාලා දුන්නු අගයකිරීම් ගැන. පෞද්ගලිකව මම ලබපු වැඩිම කමෙන්ට්ස් ගණන. ගොඩක් ගොඩක්ම ස්තුතියි ඒකට. එහෙනම් ගිහින් එන්නම්. ජය වේවා හැමෝටම!

 

 

 

 

 

Due to copyright issues, we do not provide any torrent links.

 මෙම ලබා දී ඇති උපසිරසි HDRip පිටපත සඳහා අදාළ වේ.

2,281 downloadsDownload Phullu-2017.zip40 KB

 

මේ ලබා දී ඇති සිංහල උපසිරැසි පිළිබද “මයුර සුරාජ්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

           

Subtitle Contributor Rank

SILVER MEMBER
JOINING DATE – 2014-01-28
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.